السلام عليكم
كنت على علاقه بشخص و حصل مشاكل بيننا كتير و بعدنا من ٦ شهور....انا لحد دلوقتى مش قادره اتخطى الشخص و كنت براقبه و كل ما يبقى معايا فى مكان مجرد ما اسمع صوته يجيلى خنقه و معرفش اتنفس و ساعات اطرافى بترتعش و بيجيلى حالة عياط هستيرى لما اروح البيت......ملحوظه وقفت مراقبه بقالى كتير و لسه الأعراض موجوده
وعليكم السلام ورحمه الله وبركاته. انت بتحسي بكل الاعراض دي بتجيلك الاعراض دي لان وجوده بيدوس عندك على زرار انك ضعيفه وانك مستواها وانك سهل انه حد ياذيكي وبالاخص الشخص ده يعني وجوده بيلمس عندك صمام الامان. طول ما انت شايفه الشخص ده وحطاه في مكان الشخص القوي والشخص اللي يقدر يعمل اللي محدش تاني يقدر يعمله وانك ما عندكيش قدره على مقاومته زي ما انت كتبتي كان هو بيستفزك طول ما انت الاعراض هتفضل معاكي. لو انتقلتي لمرحله انك تشوفيه انسانه عادي وانه ف اشتغلي على النقط دي وهتبقى احسن ان شاء الله.ي طرق ممكن توقف الانسان ده عن اللي هو بيعمله او انه في اساسا ناس تانيه اقوى منه ممكن يهزموه يعني بالمعرج لهم. وااا. يا سلام بقى لو شفتي نفسك انك انت اللي اقوى منه انك تقدري انك توقفيه عند حدوده لو حاول يستفزك ده اللي هيخليك توقفي الاعراض دي خالص ولو لسه عندك مواقف اول ما بتشوفيه موقف دي بتبقى عامله زي الشريط كده بتيجي في ذهنك فده معناها ان في حاجات انت ما عبرتيش عنها وما خرجتهاش من جواك ومتخطيهاش اللي انت محتاجه تشتغلي عليها المواقع دي المواقف دي ليه انت ليه واقفه عندها انت ليه بتفتكريها يبقى لسه في شعور خاص بالمواقف دي انت ما عرفتيش تفرغيه البحر
تم النشر الاثنين، ١٢ أغسطس ٢٠٢٤
فى البداية كده.انك عندك اراده تبعدى دى دليل على انك قويه ومش عايزة تستسلمى فدى حاجة جميله جدا. حاولى الفترة الجايه أنك تعملى حاجات جديده ومختلفه وتشتتى انتباهك عن التفكير فيه . ابدأى اكتبى باستمرار كل اللى جواكى واللى بتحسى بيه كل يوم والأحداث اللى بتمرى بيها وايه الجديد اللى عملتيه فى اليوم ده الموضوع ده هيفرق معاكى جدا حاولى تكونى صداقات جديدة واشتركى فى موضوعات واتناقشى فيها ومن هنا هيبدأ تفكيرك فيه يقل والاحساس اللى ملازمك هيقل بالتدريج مارسى رياضه هتساعدك جدا انك تفرغى اى طاقه سلبيه وهتغير من شخصيتك فكرى فى الحاجات اللى بتحبيها وبتلاقى نفسك فيها واعمليها تانى واى إنجاز تقومى بيه اكتبيه وكفئى نفسك عليه لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا علشان تقدرى تخرجى من الحالة دى حددى ايه هدفك اللى نفسك تحققه واشتغلى عليه وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ١٠ أغسطس ٢٠٢٤
وعليكم السلام. حبيبتي، أول حاجة أنا آسفة إنك بتمرّي بكل دا. تخطي شخص أثر فيكي بطريقة سلبية مش سهل، لكن ممكن نشتغل على الموضوع سوا. اعترفي بمشاعرك : مش عيب إنك تحسي بالألم أو الوجع. اعتبري المشاعر دي جزء طبيعي من عملية التعافي. ابتعدي عن المواقف المحرجة : لو كنتي تعرفي أماكن أو أحداث غالبًا هتقابليه فيها، حاولي تتجنبيها لفترة. غيري الروتين بتاعك لحد ما تحسي إنك أقوى. شاركي مع حد قريب : ممكن تتكلمي مع صديقة قريبة أو حد تثقي فيه عن مشاعرك. الدعم العاطفي مهم جدًا في الوقت دا. اهتمي بنفسك : جربي تمارسي رياضة، تمارسي هواية بتحبيها أو قراءة كتب تساعدك على التفكير في مشاعر مختلفة. فكري في مستقبل مشاعرك : ابدئي بالتفكير في الأهداف اللي عاوزة تحققيها لنفسك. ركزي على نفسك وعلى حياتك. إذا لزم الأمر، ارجعي لدعم متخصص : لو حسيت إنك مش قادرة تتخطي الموضوع بنفسك، ممكن تضبطي موعد مع معالج نفسي أو مدرب حياة يساعدك في الخطوات القادمة. خدي وقتك وما تستعجليش على نفسك. الأهم إنك تبدأي تاخدي خطوات صغيرة نحو الشفاء.🌷
تم النشر السبت، ١٠ أغسطس ٢٠٢٤
لعرض السؤال في فدني اضغط هنا