فى البداية كده.انك عندك اراده تبعدى دى دليل على انك قويه ومش عايزة تستسلمى فدى حاجة جميله جدا. حاولى الفترة الجايه أنك تعملى حاجات جديده ومختلفه وتشتتى انتباهك عن التفكير فيه . ابدأى اكتبى باستمرار كل اللى جواكى واللى بتحسى بيه كل يوم والأحداث اللى بتمرى بيها وايه الجديد اللى عملتيه فى اليوم ده الموضوع ده هيفرق معاكى جدا حاولى تكونى صداقات جديدة واشتركى فى موضوعات واتناقشى فيها ومن هنا هيبدأ تفكيرك فيه يقل والاحساس اللى ملازمك هيقل بالتدريج مارسى رياضه هتساعدك جدا انك تفرغى اى طاقه سلبيه وهتغير من شخصيتك فكرى فى الحاجات اللى بتحبيها وبتلاقى نفسك فيها واعمليها تانى واى إنجاز تقومى بيه اكتبيه وكفئى نفسك عليه لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا علشان تقدرى تخرجى من الحالة دى حددى ايه هدفك اللى نفسك تحققه واشتغلى عليه وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ١٠ أغسطس ٢٠٢٤
2 تعليق
فعلا موضوع الكتابه ده هيفرق معاكى جدا وليه تأثير كبير . وفى اى وقت احتجتى للدعم اكتبى سؤالك هنا فى فدنى وهنكون معاكى دايما🩷
تم النشر السبت، ١٠ أغسطس ٢٠٢٤
انا مارست رياضه فعلا و بقيت بهتم ب كذا هوايه عندى بس بمجرد ما اشوفه برجع تانى و للأسف مش هعرف مروحش المكان ده و هو للاسف بيحاول يستفزنى.....هجرب موضوع الكتابه ده و شكرا ليكى جدا
تم النشر السبت، ١٠ أغسطس ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك