لو اليوم بتاعك مشي كويس جدا، وفجأة فيه حاجه حصلت قلبت اليوم ده وعكننت عليك. انت قولت انك بتهرب .. بتهرب بأي حاجه من اللي ذكرتها بدل ما تواجه، وبدل ما تعمل اللي عليك. طيب احنا ممكن نعمل كذا سيناريو مع بعض ... اول شئ ايه رأيك ف ان لو حصل حاجه قلبت يومك متعملش رد فعل من اللي متعود عليه، وفي نفس الوقت لو فيه حاجه مهمه خلصها لو فيه حاجه ينفع تتأجل اجلها .. مفيش مشكلة متحسش بالذنب اوي انك معملتهاش، الموضوع اشبه معاك بأنك لو مثلا عامل دايت وقومت مثلا ملغبط في الاكل حاجه صغيرة، تقوم قايل ما هي خربانه خربانه! وتقوم مكمل لغبطة .. مع ان ده هيحسسك بعدين بالذنب اكتر. لكن شعورك بان كده كده كل حاجه مش متظبطه ف اروح ابهدل كل حاجه بقى! وده غلط، لو اكلت حاجه صغيرة مش زي ابدا ما تاكل كمية كبيرة .. ديه مش زي ديه. ف انت متحسش بالذنب انك لو في مود وحش ومقدرتش تخلص اللي عليك، تقبل الحالة اللي انت فيها ديه اولا وحاول قبل ما تعمل اي حاجه غلط، اقعد مع نفسك 10 دقائق وشوف الحاجه ديه هتوصلك ل ايه؟ هترجعك 10 خطوات لوراء، ولا هتقدمك 10 خطوات لقدام؟ السيناريو التاني ... لو يومك اتقلب برضه .. انت قولت انك عايز حافز يخليك شخص كويس، يخليك تستمر رغم اي شئ بيحصل! المرحلة ديه ممكن توصلها عادي على فكرة، بس لما توصل لمرحلة الفصل، الفصل بين اللي انت حاسه، واللي المفروض تعمله! هو هل لازم شخص هو اللي يدعمنا ويحفزننا؟ كويس انه يكون موجود حد زي كده في حياتنا، بس افرض ده مش متاح؟ هل ده يكون مبرر وسبب في وقوعنا؟ اكيد لأ - واكيد انت عارف الكلام ده كويس، اربط نفسك بأهداف وليس ب أشخاص - انت لو ربطت نفسك بشخص هتقع، لو بطل يدعمك هتقع، لو بطل يعاملك كويس هتقع، لو فقدته هتقع، طيب ليه حد يمسكك من ايدك ويلويها؟ ما تربط نفسك ب هدف تعيش علشانه، هدف يحفزك، وعلى فكرة مش هتفضل حتى متحفز باستمرار اكيد هيجي عليك ايام وهتقع، بس الفكرة انك تقوم تاني، الفكرة وانت ف الايام ديه تعرف تتعامل مع نفسك وتخرج باقل الخسائر، حصلت مشكلة ابدء اتعامل معاها، متهربش. من الحلول الكويسة اللي ممكن تساعدك الكتابة .. لو مضايق اكتب هترتاح اكتر، لو جواك مشاعر مش عارف تخرجها اكتب، لو دماغك مشتته اكتب .. الكتابة اسلوب علاجي هيساعدك انك تفكر أحسن. حاجه ضايقتك، لو هتروح تعمل حاجه من اللي قولتها علشان تهرب بيها، الاحسن تخرج ساعة ساعتين تتمشى فيهم وتفكر بهدوء وترجع. ع الاقل هتكون هديت فيهم ولما ترجع تعرف تفكر بهدوء اكتر. واخيرا،،،، المواجهة خير من ألف هروب ... هروب يعني صفر نتيجة. وده الحافز ليك. الهروب = صفر اتمنى لك التوفيق.
تم النشر السبت، ٢٣ سبتمبر ٢٠٢٣
وعليكم السلام ورحمة الله وبركاته أحييك علي وضوحك وصراحتك وطرحك الموضوع للمشاركة هوا مفيش اصلا حل سحري ممكن كدا تكتب موقف عام حصل وتكتب افكارك ساعتها ايه وشعورك ايه واحساسه علي جسدك ازاي وتخيلك عن الحافز اللي يخليك تستمر ايه ؟
تم النشر السبت، ٢٣ سبتمبر ٢٠٢٣
ممكن اتواصل ومعاك ونتصاحب وان شاءالله اقدر اساعدك . شوف ب اي طريقه نتواصل بيها ونا معاك
تم النشر الأحد، ٢٤ سبتمبر ٢٠٢٣
خلي حافزك ان ربنا يرضي عنك افترض موت وانت بتسمع الاباحيه انا منكرش اني ان كمان زيك بس انا عندي دراستي وبملي الفراغ اللي عندي بيها عشان مفكرش في الحاجات دي وتاني حاجه ايه اللي بيخليك تهرب حاول مره واتنين وتلاته جاهد نفسك شوف الحاجه اللي بتحب تعملها انزل اللعب كوره شوف دراستك لو بتدرس شوف شغلك لو بتشتغل ابني مستقبلك السوشيل ميديا مش هتنفعك ب حاجه افتح صفحه جديده وجاهد نفسك وابدأ
تم النشر السبت، ٢٣ سبتمبر ٢٠٢٣
طيب ما تيجى نفكر سوا .....انت بتهرب من ايه اصلا ؟ بتهرب من النجاح لانك مش عارف هتقدر تتعامل معاه ولا لا ؟ ولا بتهرب من انجاز جديد تتمنى تشوف اهلك فخورين بيه ,,,لكن انت متعود انهم مش هتشوف ده فى عينيهم ...فبتهرب من انك تشوف ده بيتكرر اصلا ؟ ولا بتهرب من انك تكون مميز عشان كده كده اهلى شايفنى عادى ...فعلى ايه بقى الجهد طالما هفضل فى عينيهم فى نفس المكانه ؟
تم النشر الاثنين، ٢٥ سبتمبر ٢٠٢٣
مفيش حل سحري بس في انك لازم تكون شخصيه قوي لازم تثبت لنفسك انك قد اي حاجه و اي حاجه ومش ضعيف ولازم تفكر في انك تقرب شويه ل ربنا فكر انك مش كده ولازم تتحرك بتفكير صح وبلاش اي حاجه ممكن تخليك تقف مكانك لازم تتحرك
تم النشر السبت، ٢٣ سبتمبر ٢٠٢٣
فكر فا انت عاوز تبقا ايه فكر في بكره فكر فا ان انت لو عملت كده هتبقا حاجه كبيره فكر في نفسك و في مستقبلك
تم النشر السبت، ٢٣ سبتمبر ٢٠٢٣
لعرض السؤال في فدني اضغط هنا