هي محتاجه مختص نفسي بأسرع وقت ممكن لانها كده ف مرحله الاضطراب السلوكي او اضطراب المسلك ومحتاجه تدخل سريع من الام والاب وتتعلموا بشكل سريع عشان تساعدوها ومتتهانوش بتهديداتها اندفاعيتها هتخليها تنفذ فعلا
تم النشر الثلاثاء، ٢١ فبراير ٢٠٢٣
لازم يكون في حد. قريب منها جدا تاخدوها بالسياسه وباين عليها انكوا لو عاندتوها هتعند اكتر ممكن حد يقعد يتكلم معاها يمكن بتعمل كده تاثير فقدان والداها ممكن متبينش ده بس يبان في تصرفتها ممكن تكون بتعمل ده تأثير لسبب نفسي لو بتاخد حاجه بالغصب تحاوله تفهموها ان مش ده ااشيء اللي يستحق انها تعاند بكلام يكون لطيف شويه يعني لازم تعرفوا هي بتعمل ليه كده! وتوصلوا لسبب مقنع واكيد لو وصلتوا هتحلوا المشكله
تم النشر الثلاثاء، ٢١ فبراير ٢٠٢٣
واجههوها و ارموا طوبتها لحد اما تتعلم غلطتها ، يعني ايه صحيح بنت تغضب و تسيب البيت ، دي بنت البنت المفروض مبتطلعش الا لو بإذن و لمكان محدد ، واضح انها بتستغل مشاعركم ، لما تفكر بعد كده تبات بره سيبوها و صاحبتها اللي بتداري عليها هتستحملها يوم اتنين لكن لو المدة طولت مش هتلاقي مفر من الرجوع ، لازم يبقي فيه حد حازم معاها ، لو بنتي هتهددني بالانتحار علشان بربيها صح بما يرضي الله انا بنفسي هقولها و مستنية ايه يلا خليكي تموتي كافرة و مغضوب عليكي من اهلك و تبقي خسرتي دنيا واخرة .. لازم تتواجه و الحاجه اللي بتهددكم بيها و لاوية دراعكم انتو نفسكم تصروا انها تعملها ، عايزة تعور نفسها و ماله علشان تبقي زي اشكال السوابق و كل حد يقابلها ياخد عنها فكرة غلط طول حياتها بما فيها اصحابها اللي مقوينها.. طيب و مستنية ايه .. الكلام يبقي كده .. في شق تاني بقي ليكم انتم ، هيه ازاي سيبتوها لحد اما وصلت للمرحلة دي و ايه الاسباب ، انا اعرف ان لما المراهق ينفجر بالشكل ده بيبقي بسبب معاملة عنيفة جدا من الاهل او فيه شيء حصل و اتعرضت لظلم فادح لان طريقتها دي مش جديدة عليا .. دي غالبا بتنتقم منكم لسبب ما ، او بتحتول تبسط نفوذها وومساحة الامان و الحرية كنوع من العقاب ليكم ، عموما لو انتم تمام معاها هتحتاج استشارة نفسية عند دكتورة و محدش فيكم لو رضيت تروح يحضر معاها الجلسة اولا لأن الدكتورة مش هترضي بطرف تالت بينها و بين الحالة و ثانيا علشان لازم تبقي علي حريتها تقول اللي عايزة تقوله ليها و ابدكتورة هتحدد الاسباب بتاعة مشكلتها نفسية و لا ايه .. ربنا يهديني و يهديها
تم النشر الثلاثاء، ٢١ فبراير ٢٠٢٣
جربوا التواصل مع أسر صديقاتها اللي بتبات عندهم وخليهم يتعاملوا معاها ويأثروا عليها لو راحت عند صاحباتها وكمان تخليهم ينصحوا بناتهم ازاي يتعاملوا معاها أو يغيروا سلوكهم لأن واضح أنها متأثرة كتير بصديقاتها وابدأوا بأحسن صاحباتها أخلاقا - وممكن حل تاني تتواصلوا مع إدارة الجامعة اللي بتدرس فيها أو الدكاترة اللي هناك أو مكتب رعاية الطلاب وتحاولوا تطلبوا منهم يأثروا عليها أو يهددوها بالفصل من الكلية إذا لم يتعدل سلوكها وتبلغوهم أنكم معندكمش مانع أنها تتفصل فعلا من الكلية وأخيرا جربوا التواصل مع مستشارة أسرية تعمل معاها جلسة أونلاين من غير ما تفهموها أنها مستشارة ولكن على أنها صديقة وفيه كثير ممكن يرحبوا بكدة
تم النشر الثلاثاء، ٢١ فبراير ٢٠٢٣
هى واضح انها شايفه دلع كتير من بدرى. مش عشان هى مراهقة بتعمل كده ...دى تركمات الدلع الزيادة والاستجابة لكل الطلبات . اولا هى هتحتاج حد يحتويها وقت نوبات الغضب دى . ثانيا هتحتاج حد قوى يقف قصادها وهو بيرفض وتشوف فى عينه انه مش خايف من تهديداتها.....لان انتم كلكم واضح انكم بتنهاروا قصاد تهديداتها. هى هتأذى نفسها بالقدر اللى يأثر عليكم بس .. لكن مش هتوصل انها تؤذى نفسها بالشكل الكبير . وفرولها شروط اخرى لطلباتها ...الشروط دى تتضمن مجهود منها...عشان تعرف انها مش هتاخد بدون مقابل. الموضوع تراكم سنين وهياخد وقت طويل ..ممكن شهور...فلازم تكونوا حازمين ومستمرين.
تم النشر الأربعاء، ٢٢ فبراير ٢٠٢٣
لا أكيد مجربتوش كل حاجة وإلا مكنتش وصلت للمرحله دي.. وابشري كل حاجة وليها حل.. الصبر الحكايه كده ناقصه و تصرفها ده مش جنان وليه سبب قديم يا إما انتقامي يا إما مدللة وللأسف لازم مختص يسمع منها لأن لو شديتي ممكن يجيب نتيجة عكسيه ولو ارخيتي ممكن برضو يبقي غلط فأحنا مش سمعنا منها ولا شوفناها عشان نقدر نحكم هي ال مفيد ليها دلوقتي الشده والحزم ولا اللين لأن ممكن الشده تيأسها آكتر وتنتحر فعلا و ممكن اللين يخليها مغيبه آكتر فبجد لازم استشاري يشوفها ويسمعها ولازم تاخدي بالك من الصحبه وتفهمي هي ليه كارهه البيت وكارهه القعاد معاكم!
تم النشر الثلاثاء، ٢١ فبراير ٢٠٢٣
فضلا لا تقومي بوضع نفس المشكلة أكثر من مرة
تم النشر الثلاثاء، ٢١ فبراير ٢٠٢٣
لعرض السؤال في فدني اضغط هنا