امر بحاله نفسيه سيئه الي ابعد الحدود منذ اكتر من ٥ سنوات بتطورات كبيره ومخيفه حاولت العلاج النفسي لكني فشلت و تكلفته بالنسبه لي باهظه
فابسال علي مكان حكومي او مدعم مثلا لمثل هذه الحالات في نطاق القاهره او الجيزه
السلام عليكم ورحمه الله اهلا بيكي المستشفيات اللي بتقدم دعم و علاج نفسي في العيادات الخارجيه لديهم في نطاق الجيزه و القاهره هيكونوا مستشفي العباسيه ، الدمرداش. و في كل مستشفي جامعي بيكون فيها قسم خاص بالعلاج النفسي في العيادات الخارجيه الخاص بيهم.
تم النشر الثلاثاء، ٩ يوليو ٢٠٢٤
السلام عليكم اتمنى حضرتك تكونى بخير وربنا يوفقك وتعدى الازمات دى بأسرع وقت لكن متنسيش أن مفيش اى دكتور فى العالم يقدر يعالجك بدون ما تكونى انتى بتساعدى نفسك فى العلاج الان فى دكاتره نفسيين كتير جدا على السوشيال ميديا ممكن تكتبي على اليوتيوب مثلا اى مشكله محتاجه تعالجيها أو تسمع كلام حد وتعملي بيه العلاج مش هيكون فى يوم واحد بالعكس هيكون بالتدريج متيأسيش ابدا لو حسيتى انو مر فتره ومفيش حاجه اتغيرت الصبر جميل وإن شاءالله ربنا هيكرمك وهيعالج اى مشاكل عندك طبعا مش محتاجه اقولك انك تقربي من ربنا أياً كان ديانتك ايه مسيحيه أو مسلمه حاولى تقربي من ربنا اكتر وممكن تكتبي المشاكل الي عندك عن طريق البرنامج هنا ولو مش عاوزه حد يعرفك هويتك ضيفي ميزة مجهول واحنا هنحاول نساعدك انا واى حد فى البرنامج والله المستعان
تم النشر الاثنين، ٨ يوليو ٢٠٢٤
أولًا، أحب أقولك إني هنا عشان أسمعك وأساعدك بأي طريقة ممكنة. فهمت تمامًا إنك بتمر بفترة صعبة، وإن تكلفة العلاج بتكون أحيانًا حملاً إضافيًا. في القاهرة أو الجيزة، فيه عدة أماكن ممكن تجربها وتكون بتكلفة أقل: مستشفى العباسية للصحة النفسية : المستشفى ده يعتبر واحد من أكبر المستشفيات المتخصصة في العلاج النفسي بمصر، وعادةً بيقدم خدمات مش بتكلفة عالية. المستشفى الجامعي (الدمرداش) : المستشفيات الجامعية في مصر غالبًا بتقدم خدمات صحية مدعمة، وممكن تلاقي فيها عيادات نفسية بأسعار معقولة. مستشفى حلوان العام : لديهم قسم للصحة النفسية وبيعرضوا العلاج بتكلفة أقل. الجمعيات الأهلية والمنظمات غير الحكومية : في جمعيات زي جمعية "تعافي" وجمعية "نفساني" بتوفر دعم نفسي بأسعار رمزية. العيادات النفسية بجامعة عين شمس وجامعة القاهرة : الجامعات دي عندها أقسام متخصصة للصحة النفسية، وبتقدم خدمات بأسعار أقل من الخاصة. ومهم تفتكر إن الرعاية النفسية مش لازم تكون دايمًا بالمستشفى. أحيانًا الدعم من الأصدقاء والعائلة وممارسة الهوايات اللي بتحبها بتساعد كتير في تحسين الحالة النفسية. ربنا يكون في عونك، وخد الخطوة الأولى بالبحث عن المكان اللي يناسبك، وأكيد هتلاقي حد يساعدك.
تم النشر الأحد، ٧ يوليو ٢٠٢٤
لعرض السؤال في فدني اضغط هنا