أنا عندي 16سنة ودايما مخنوق وشغفي تجاه 90% من كل حاجه محطم. بقيت مخنوق من كل حاجه حرفيا وعايش وخلاص (زي م تيجي) حتي كل حاجه كنت بحبها من صغري بدأت افقد شغفي ليها ودايما حتي أهلي لما بتكلم معاهم مباخدش غير لوم ليا انا وتريقة واستخفاف بيا وب آرائي في اي موضوع ولو جيت قولتلهم متدايق أو مخنوق يعاتبوني ويتريقو عليا وعلي كلامي زي مثلا (انت عندك مشاكل وانت لسة عَيل) بقيت كل لما ازعل أدخل أوضتي وأقفل علي نفسي وأقفل النور وأفضل ماسك التليفون وبهرب دايما من التفكير بسماع الأغاني أو النوم مبقيتش أتكلم مع حد خالص وبحب الضلمة وبقا صاحبي الوحيد هو التليفون عشان هو الوحيد اللي بيريحني زي دلوقتي كدة وانا بعبر عن اللى جوايا ولو شوفت حاجه فعلا تضحك بَعَبَّر عنها ب ايموجي من غير ميتغير تعابير وشي سنتيمتر واحد وده سبب مشاكل كتير بيني وبين أهلي عشان مبتكلمش مع حد ودايما قاعد حابب السكوت والعزلة عن كل حاجه مع ان اهلي دول لو دخلو جوا دماغي هيلاقوني بَمُر كل يوم بحاجات كتير محدش يعرف عنها حاجه ولو حكيتلهم حاجه منها بقابل كمية سخرية رهيبة بقا كل علاقتي بأهلي فلوس. اكل. شرب وعيشة لكن محدش عارف حاجه عن اللى جوايا وغير كده بقيت كاره نفسي بسبب حاجات كتير انا مقصر فيها بسبب التليفون والعزلة والانطوائية دايما زي دراستي وديني وحاجات غلط تانية بعملها ومحدش بيحاسبني عليها غير نفسي وببقا عايز أولع في نفسي بسبب اللي بعمله غلط في السر
فضفض لربنا في ركعتين وكأنهم اول ركعتين تصليهم في حياتك وقوله كل حاجه في قلبك ومتنساش ابدا قوله تعالي "لا تَقْنَطُوا مِنْ رَحْمَةِ اللَّهِ" . وسوف تري الفرج القريب بإذن الله بادر وغير طريقة تعاملك الطبيعية مع اهلك واستخدم صديقك الوحيد اللي هو تليفونك في اللي يفيدك وابعد عن اللي يضرك لان مفيش صديق بيضر صديقه يعني اتعلم وانجح علشان نفسك وعلشان تثبت لكل اللي اتريق عليك او ماوثقش في قدراتك انك تقدر اصنع لنفسك حافز جديد وهدف جديد ولو ملقتش دور اكتر وهتلاقي لان ربنا قال اسعي والرزق من عنده الرزق مش بس فلوس لا ممكن يكون الرزق طموح او هدف او رضا فلازم نسعي اكتر وفي صديق تاني لازم تتعرف عليه اللي هو الكتب ولو مش بتقدر تقرأها اسمعها واحلي حد ممكن تسمعها منه وممكن يعلمك حاحات كتير برضوا من تجاربه الخاصه قناه علي اليوتيوب اسمها دوباميكافين ومش دا بس ممكن تسمع برضو ل قناة دروس اونلاين وممكن كمان قناة عبدالله العلاوي وقنوات كتير بمجرد ما تطبق الحجات اللي بتتعلمها هتغير حياتك للاحسن ولو مطبقتش حتي هتغير تفكيرك للاحسن علي الاقل . أسأل الله العظيم رب العرش العظيم أن يهدينا ويهديكم إلى الصراط المستقيم.
تم النشر الأحد، ٢٩ يناير ٢٠٢٣
انت محتاج تفرغ مشاعرك دي كلها اكتبها كل حاجه انت حاسسها حتى المواقف الي بتضايقك اكتبها لانك محتاج تفرغ مشاعرك دي على طول وكمان طول منت مضغوط من تجارب ومشاعر وافكار سلبيه هتفصل منعزل ومش حاسس براحه ابدا حتى في وحدتك ويارب يكون ليك صديق مقرب تحكيله ع طول عشان تحس بالمسانده والدعم من اشخاص مقربين منك وللأسف اوقات الاهل مش بيبقوا مدركين ان تعليقاتهم وانتقداتهم لاولادهم ممكن تكون مؤذيه ..ف اتكلم معاهم وعبر عن مشاعرك دي وكل التفاصيل الي جواك حتى لو عارف انهم هيواجهوها بشكل سلبي وانت اكيد تستاهل حياه حلوه وسعيده وانك تحقق الي نفسك فيه وخليك متأكد ان لسه في كتير محققتهوش ولسه هتحققه وان الفتره دي من حياتك مجرد فاصل وهترجع اقوى وهتقدر تبقى احسن هتلاقي طاقتك اكتر وصبرك موجود وفي امال واحلام بتحققها بس اديلها شويه وقت وثقه ف ربنا ثم كفائتك وانجازاتك ومجهودك وانك هتبقي شخص تاني ف المستقبل شخص ناجح في مجاله وسعيد جدا على المستوى النفسي وعلاقاتك بالي حوليك افضل بس انت حاول متقفش ومتيأسش وواجه مشاعرك دي واي حد يقلل منك اتناقش معاه وعرفه ان كلامه مؤذي بس طبعا تختار الاسلوب الي هتتكلم بيه مع مامتك وبباك غير اسلوب مع صحابك وتحفظ الحدود الطبيعي تكون موجوده مع الكبار في الكلام ..وان ان شاءالله هتكون افضل
تم النشر الأحد، ٢٩ يناير ٢٠٢٣
صديقي جرب صلاة نافلة اليل،وسولف ويه الله اشكيله همك و مشاكلك و ان شاءلله تحس بفرق
تم النشر الأحد، ٢٩ يناير ٢٠٢٣
اسفالك جدا عن اى شعور وحش انت بتحس بيه انا كنت ف نفس سنك كنت بمر بنفس الحجات واكتر كنت بحس انى عندى ١٦٠ سنه مش ١٦ انا بقولك ده لى عشان اعرفك انك مش لوحدك او انك اللى بيحصلك مش غريب انا اتاقلمت وعالجت دا وانت كمان هتتاقلم وتعالج دا ازاى بقا اولا اللى هيفرق معاك ف موضوع اهلك انك تعمل الواجب اللى عليك ومتستناش تاخد حقوقك نا مش بدافع عنهم لانهم بردو كان سبب اذى ف حياتى بس هما الى حد ما مش فاهمين ومش عارفين هما بيعملو اى اقصى طموحهم انهم ياكلوك ويشربزك ويوفرولك عيشه كويسه الحجات الماديه يعنى بس جاهلين وشويه بالمعنويات ونفسيه الانسان وجهلهم ب دا بيخفف عنهم شويه انت مش محتاج دعم من اهلك عشان تكون كويس انت محتاج دعم من نفسك وطالما بتحكى حاجه بتتقابل بسخريه يبقا بلاش تحكيها هقولك ازاى تفرغ مشاعرك ودماغك بس ف الاخر دلوقتى انت متقولش حه ممكن تتقابل بسخريه او استهزاء موضوع انك دايما ف اوضتك وبتحب الضلمه لى متنزلش تتمشا مش لازم مع حد انا لحد الان بنزل اتمشى لوحظى وبخرج لوحدى ولما بقول لحد بيقولى ودى تبقى خروجه بالعكس دى احلى خروجه زى م قلتلك انت مش محتاج حد عشان تبقا مبسوط انت مختاج نفسك بدل م تعد ف الاوضه بالساعات انزل اتمشى شوف مذاكرتك طور الانجلش بتاعك وخد شهاده اتعلم جرافيك او حاجه الحجات دى لو بدات تسيرش عليها وتتعلم فيها صدقنى ثقتك ف نفسك هتزيد وهتحب نفسك وهتبدا تكون مرتاح نفسيا بلاش تسمع اغانى لانها بتصدى القلب مش بنكره نفسنا عشان بنعمل حاجه غلط بالعكس بنحاول نزاحمها بالصح ( واتبع السيئه الحسنه تمحها ) يعنى لما تعمل سيئه اعمل وراها حسنه الحسنه هتمحى السيئه وكمان اموت بحاول ولا انى اموت يائس زعلان انى مش بحاول اعمل الصح رفضك للغلط وجهادك انك تعمل الصح هو الطريق
تم النشر الأحد، ٢٩ يناير ٢٠٢٣
مخنوق من ايه؟ يعني بدأت الحكاية ديه تحصل من امتى بالظبط هل من وقت ما حصلت حاجة في حياتك غيرتك للدرجة ديه بانك قاعد طول اليوم لوحدك مثلا؟ على فكرة اهلك خايفين عليك .. انت بتقابل كل ده منهم رد فعل على اللي بتعمله. هما متخيلين ان اسلوبهم ده هو الصح .. لكن اكيد مش الصح وللاسف كتير من الاهالي هي مش بتبقى عارفه تتعامل بالشكل المناسب والصح مع ابنائهم .. ولكن مقدرة جدا احساسك ناحية كل ده. ولكن خلينا فيك انت دلوقت .. هل شايف انهم السبب فعلا فكل اللي انت فيه؟ ولا فيه اسباب تانية؟
تم النشر الأحد، ٢٩ يناير ٢٠٢٣
لعرض السؤال في فدني اضغط هنا