السلام عليكم، ممكن يكون حصل التهاب في مجرى البول هو السبب في الحرقان وممكن تكون مشكلة من القسطرة سواء من احتكاكها بمجرى البول فتكون عملت تهيج فيه أو المادة المصنوعة منها القسطرة مسببة حساسية للمريض. فلازم تراجعوا الطبيب المختص بحالته عشان يتأكد إن مفيش أي مشكلة بالقسطرة نفسها أو يطلب تحليل بول كامل ومزرعة بكتيريا إذا شك إن السبب التهاب. لا تكتفي بالمسكنات، لازم متابعة المختص للتشخيص الدقيق وكتابة العلاج المناسب تجنبا لحدوث أي مشاكل أو مضاعفات لا قدر الله. ألف سلامة.
العفو، ربنا يطمنكم عليه. بصي هو أنا مش طبيبة مسالك، بس عامة القسطرة الفولي ده مش المادة اللي مصنوع منها القسطرة، ده نوع تصميم القسطرة والفولي بتتصنع من مواد مختلفة زي السيليكون واللاتكس (مطاط)... القسطرة (فولي سيليكون) دي مصنوعة 100% سيليكون فدي اللي تقصديها وبتقعد فترة أطول.. القسطرة اللاتكس مثلا بتقعد شهر أو أقل... ممكن يكون جدك عامل نوع لاتكس فبدأ جدك ميرتاحش فيها.. ارجعي للطبيب وتأكدي منه إيه نوع مادة القسطرة وهل هي السبب ولا لأ، فأنتم كده كده هتحتاجوا تراجعوا المختص عشان مشكلة الحرقان اللي ممكن يكون سببها التهاب ولازم يتعالج أو تتغير القسطرة وبعد العلاج يحدد هل هيبدل النوع لحاجة أفضل لحالة جدك ويكون استخدامها لمدة أطول.
تم النشر الخميس، ١٧ أبريل ٢٠٢٥
طب هو القسطرة السيليكون هي اللي بتقعد فترة اطول من القسطرة الفولي مظبوط لان الدكتور قال انه هيفضل عايش علي القسطرة بس ركب له قسطرة فولي بس لما بحثت عن أنواع القسطرة لأن جدي مكنش مرتاح في القسطرة أرتاح عليها عشر ايام بس لاقيت ان السيليكون بتقعد لحد شهر و بتبقي اريح
تم النشر الخميس، ١٧ أبريل ٢٠٢٥
شكرا لحضرتك جدا
تم النشر الخميس، ١٧ أبريل ٢٠٢٥
لعرض الإجابة في فدني اضغط هنا