انا عندي مشكلة فقدان الشغف دلوقتي كنت متحمسه وماشيه كويس جدا فعلا فرحت لكن بسرعه رجعت تاني مقصره ومش بلتزم باللي المفروض اعمله ودايما حاسه ان الوصول ص___________ع___________ب😭
اقرأي كتاب العادات الذرية راح يغير الكثير في حياتك
تم النشر الأحد، ١٢ فبراير ٢٠٢٣
حببتي مبروك عليكي نجاحك🌻 آه والله زي ما بقولك كده.. استيعابك وإدراكك إن الوصول صعب ده نجاح، لأن الوصول لو سهل كان كله وصل ولكن ال بيفتكرها سهله مع أول وقعه بييأس وإنتي لسه بتجاهدي💪🏻💜 المشوار مليااااان مطبات ووقوع لازم تتقبليها وتتكيفي معاها وتتعاملي كل مره مع المطب علي حسب بقي هو جاي علي هيئه إيه قانون العزيمه بيقول إنك تقوم تآني كل مره بتقع مقالش مفيش وقوع وقانون الاستمراريه بيقول قليل دائم خير من كثير متقطع سمعتيها أكيد كتير بس لسه مش عارفه تطبقيها.. عادي مرحله بتتعلمي فيها إزاي تحافظي علي نشاطك أطول فتره،، مش سهله ومحتاجه منك تتابعي نفسك. إعملي جدول موزون هادي و تزودي عليه شويه بشويه بلاش حماس ال بدايه والاندفاع وفعلا كتاب العادات الذريه مفيد جدا وفيديوهات و بودكاست كتير تفيدك إزاي تنظمي طاقتك.. ونأكد تآني إن الشغف مش أساس المشوار وإنما الهدف .. فعليكي ببروزه الهدف وتشييكه كده ومتنسيش تكافئي نفسك💜 وياريت يكون مقياسك للتقصير هو نفسك مش الناس ع السوشيال ميديا! خدي بالك بتسجلي إنجازاتك ولا لأ.. وبتقارني بخطتك ولا خطه غيرك!..
تم النشر الأحد، ١٢ فبراير ٢٠٢٣
هو ده بيحصل دايما لما تبقي الانطلاقة زى الصاروخ بنقوم نعمل كل حاجة وحاجات كتيرة اوى ...فبنتعب او بتحصل ظروف اخرى توقف جزء من الحاجات دى .فبيقل الانطلاقة اللى كنا بدأنا بيها الاول خالص. نبدا تانى بس بايقاع اهدى شوية ومن غير ما نعمل دوشة فى المهمات....وتكون مهمات صغيرة ونستمر عليها لحد ما تثبت وبعدين نزود عليها مهمات اخرى.
تم النشر الأحد، ١٢ فبراير ٢٠٢٣
حاولي تدوري على الحجات الي كان نفسك تحقيقها قبل كده واحلامك زمان كانت ايه وحطهيم قدامك انتي كنتي بتحلمي انك توصل لحجات كتير وتحققيها ومش معنى انك محققتيهاش دلوقتي انك مش هتحققها مثلا بالعكس شوفيهم قدامك عشان تقدري تحققيهم ف مستقبلك وافتكري الاوقات الي كنتي نشيطه فيها وبتنجزي حجات كتير وحاولي تشتاقي للفتره دي واعرفي حاجه انه بيحصل ان الانسان تيجي عليه فترات من فقدان الشغف والامل بالذات لو بعد تجربه سيئه مريتي بيها او فقدان حاجه بتحبيها بس دي مش النهايه دي بدايه لأنجاز عظيم ممكن تحققيه سجلي اهدافك واحلامك وسجلي كل حاجه صغير او كبيره انتي حققتيها عشان تثبتي لنفسك انك تقدري وابدأي مارسي رياضه وحاولي تخرجي مع صحابك لحد مودك ميتحسن شويه وابدأي اعملي خطه لتحقيق اهدافك وطموحاتك واحلامك عشان تجددي الشغف وتدخلي الامل تاني لحياتك
تم النشر الأحد، ١٢ فبراير ٢٠٢٣
وانا كمان من سعت معرفت اني هسيب مصر فقت شغفي في حاجات كتير
تم النشر الأحد، ١٢ فبراير ٢٠٢٣
لعرض السؤال في فدني اضغط هنا