انا كنت مع شخص في علاقه محرمه وهو كان بيدعي الحب وأنا كنت بحبه ولازال الحب موجود هل يجوز ادعي عليه لأني بجد اتأذيت منه كتير واوقات بجد ببقا مقهورة ع اللي عمله فيا وباجي ادعي ان ربنا ينتقم منه على الظلم والكلام اللي قاله عليا بس الصراحه بتكسف ادعي لأن دا كان سبب في معصيتي لله وعصيت الله عشانه ف سؤالي هنا هل يجوز اني ادعي او لا؟؟
جواكي طاقة غضب كبيرة تجاهه ، يمكن لانه في البداية استخدم معاكي أساليب إغواء واستغلك ، وانتي للأسف كان المفروض مش تنساقي وراء رغباته ولكن انتي حاليا خرجتي من التجربة بحكم معينة اولها انك دائما تختارى ارضاء ربنا قبل أي شىء وان مفيش مخلوق يخليكي تعصي ربنا وتمشي فى طريق لا يرضيه عشانه وربنا أظهر لك حقيقته عشان تفوقي لنفسك فالأفضل دلوقتي توجهي طاقة الغضب دى لإصلاح نفسك وتطويرها وحاولي تنسي الماضي وتاخذي منه العبر فقط وتشتغلي علي علاقتك بربنا وتتوبي توبة نصيحة واعتبريها صفحة واتقفلت وتبعدى عن أي صحبة سيئة وأي مثيرات عشان تقدرى تحافظي علي علاقتك بالله .
تم النشر الأربعاء، ٥ مارس ٢٠٢٥
لا يمكنني أن أجزم بهل يجوز أم لا. لكن الأكيد إن تفكيرك المستمر ورغبتك في الدعاء عليه لن يجعلكِ تتجاوزين الأمر، سيظل هاجسًا في عقلك. يعني حتى إذا أخبركِ أحدهم أن الدعاء يجوز واستمريتِ بالدعاء على هذا الشخص فهذا سيجعل حالتك أسوأ ولن تخرجي من هذه الدائرة وسيظل هذا الشخص في حياتك حتى لو بصورة سلبية. ** ركزي على التوبة والاستغفار من ذنبك وادعي أن يعينك الله على النسيان وشفاء قلبك مما حدث. الفكرة إنه حتى إذا كان يدعي الحب فالإسلام وضع لكِ حدودًا وأنتِ من تخطيتِها فوقعتِ في المشكلة. إن كان قال كلاما في حقك فيكفيك "قول حسبي الله ونعم الوكيل" وركزي بعدها في حياتك واعتبري ما فات درسًا قاسيًا تعلمتِ منه للمستقبل. بالتوفيق.
تم النشر الثلاثاء، ٤ مارس ٢٠٢٥
السلام عليكم ورحمه الله وبركاته. طيب خلينا نقول انه يعني ربنا ما بيوقفش حد في الدعاء يعني بيحط له أي شرط اي شخص حابب يدعي لربنا فربنا بيستقبل الدعاء وربنا هو يقدر يعرف هل قبول الدعوه دي من حق الشخص إن هي تتحقق زي ما هي ولا الافضل ان الناس تحقق بشكل ثاني ولا لا لان الدعاء في الاساس هو ان احنا بنكلم ربنا بنقول ربنا احنا بنلجا اليك ده في الاساس فخلي دائما دي نيتك في الدعاء دي اول حاجه تاني حاجه انه ربنا بيسمع من الناس كلها ان كان كافر او كان مؤمن او كان عاصي او كان غير عاصي يعني عابد ربنا بيسمعنا كلنا بيسمع البشر كلهم يعني حتى الكافرين ربنا بيسمعهم اه حتى الكافرين ربنا بيسمعهم ربنا ما بيحطش شروط يعني الا بس يعني الحاجات اللي مش مستحب فيها انه حد يدعي بحاجه وحشه انه مش مستحب ان حد يدعي على نفسه بحاجه وحشه مش مستحب انه الابوين يدعوا على ابنائهم بحاجة وحشة يعني دي الحاجات اللي مش مستحبة في الدعاء والرسول عليه الصلاة والسلام نهى عنها لكن أي حاجة تاني ادعي، انتي شايفة إن فيه حد ظلمك أيا كان الوضع اللي هو ظلمك فيه ادعي إن ربنا يجيب لك حقك من الظالم مش مشكلة طيب أنا دلوقتي بالنسبة بقى لنفسي أنا مش زعلانة من نفسي إن هي عملت أصلا الغلط يعني ده الشق التاني اللي انت حاسة إنك واقفة فيه في الدعاء، ازعلي من نفسك بس ادعي لنفسك بقى يعني وانت بتدعي على الشخص لأن هو ساعدك على الغلط وظلمك ادعي لنفسك إنك متقعيش في الغلط ده تاني وإنه ربنا يبصرك إنك ميضحكش عليك بالشكل ده تاني ومحدش يظلمك لأن ظلم الآخرين لنا بيبدأ من ظلمنا لنفسنا فادعي إنك متظلميش نفسك تاني برضه وانت بتدعي على الشخص ده لأنه ظلمك.
تم النشر الأربعاء، ٥ مارس ٢٠٢٥
ادعي لنفسك اولا واجتهدي في البعد تلك النهايات شديده الآلام هذا الحب نموة ومزيف وليس حب حقيقي كل مالايرضي الله في البدايات سوف لا يرضينا نحن في النهايات حفظك الله ورعاكي
تم النشر الأربعاء، ٥ مارس ٢٠٢٥
طبعاً عشان قذف المحصنات من الكبائر والله اعلم ❤️
تم النشر الخميس، ٦ مارس ٢٠٢٥
على فكره لو أذاك في شيء هترد لي كدا كدا ده حق من حقوق العباد ان لم يتب وانت سامحتي.... فالمهم تتوبي انتي.... واي قصف محصنات حصلك جزاءه جهنم في الاخر لو ما سامحتي
تم النشر الأربعاء، ٥ مارس ٢٠٢٥
وهل له جزاء عند الله بسبب تشويه سمعتي؟
تم النشر الأربعاء، ٥ مارس ٢٠٢٥
لا يجوز لإنكوا إنتوا الاثنين كنتوا غلطانين ف الأفضل ونصيحتي ليكي استغفري الله واكيد الله سبحانه وتعالى له حكمه إنه ده يحصل عشان تتعلمي الدرس وماتعصيش ربنا ،واكثري بقا من حسبي الله ونعم الوكيل مش عليه ده ذكر وبإذن الله ربنا يحفظك من لسانه ويقيكي شره 💕
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا