االسلام عليكم
دلوقتى نا عندى جروب واتس ببيع عليه حجات هاند ميد وكان فيه شغل والدنيا مانت تمام
من اكتر من شهرين ونا مبيدخليش ولا اوردر ف الشهر وبخلى اصحابى يشيرو اللينك بردو ومفيش فايده لو حد عندو فكره ازاى اطور من الجروب وابيع اكتر يبقا متشكره جدا او مصدر دخل تانى عمتا بعيد عن موضوع البرمجه والجرافيك والحجان دى لانها محتاجه وقت تعلم كتير
عايزة تكبري شغلك واشتغلت بنظام العمولة انت هتشتغلي وغيرك هيشتغل، وفي شركات عظمي شغالة حاليا بهذا النظام، واناس اعرفهم. انت: طب ابدأ ازاي ..؟ فلنتخيل ان المنتج اللي قدامنا ب 100 جنية بعد احتساب ارباحك تكاليف المنتج دا 80 يعني مكسبك 20 جنية خلي النسبة دي ثلث وثلثين وبكدا انت ربحت وشغلك ماشي. فكرة تانية تبدأي تصوري نفسك وأنت بتعملي المنتج وتنزلي ك Video Short علي بيدج خاصة بيكِ وهنا انت بتستهدفي مجتمع اكبر وشغل كبير هيجيلك من كل مكان مش من منطقتك بس
تم النشر الاثنين، ١٣ مارس ٢٠٢٣
ممكن تعملي مسابقات وعروض عالشير و المنشن الصحاب وتنزلي طريقة العمل وخليكي متفاعله آكتر عالصفحه وشوفي أراء الناس بأسئلة.. في كورسات مجانية Google summer training and jobs هتعلمك أولويات التسويق
تم النشر الاثنين، ١٣ مارس ٢٠٢٣
وعليكم السلام، أولاً يجب عليكِ التفكير في طرق جديدة لتسويق المنتجات الخاصة بكِ. يمكنكِ تقديم عروض خاصة للمشتريين الجدد أو عمل بعض المسابقات الجذابة والتي تحفز المشاركين على الشراء. كما يمكنكِ توسيع نطاق العمل ومحاولة بيع المنتجات عن طريق الفيسبوك أو انستجرام أو تويتر، حيث يمكن توصيل المنتجات بشكل أفضل لعملائكِ. يمكنكِ الاستعانة أيضًا بحملات إعلانية مدفوعة عبر مواقع التواصل الاجتماعي. كما يمكنكِ زيادة المبيعات عن طريق التوسع في منتجاتكِ، وذلك عن طريق إضافة أصناف أخرى لخط الإنتاج الحالي. في النهاية، بالتعاون مع العملاء، يمكنكِ تحديد ما ينقص من المنتجات وما يجب إضافته، وهذا يمكن أن يساعدكِ كثيرًا في تحسين جودة المنتج، وتقديم المنتجات التي تلبي احتياجات الزبائن.
تم النشر السبت، ١٨ مارس ٢٠٢٣
هو من اكتر من شهرين كانت بدايه انهيار الجنيه تقريبا والدنيا غليت عالناس كلها ففي ناس كتير بدات تركز في الاساسيات والاولويات وتتنازل عن الرفاهيات والامور ال مش اساسيه شويه ودي مش شكوتك لوحدك ناس كتير اشتكت من نفس الموضوع بالنسبه لتكبير المشروع حاولي في البدايه تخلي مكسبك قليل قدر المستطاع لغاية ما يبقى ليك اسم وتكسبي ثقه بين الناس كمان حاولي تعملي عروض عالشحن اوقات كتير الواحد بيلغي الاوردر بسبب سعر الشحن ال بيكون فعلا مبالغ فيه جدا يعني يبقى الاوردر مثلا ب 100. والشحن ب 60 طبيعي مش هقبل باوردر رفاهيات ادفع عليه شحن اكتر من نص تمنه حاولي كمان تعملي زي عينات هدايا صغننه مع اي اوردر يعني الةيطلب حاجه يوصله معاها عينه صغيرة من اي حاجه تانيه بتشتغليها او حتى لو حاجه مش في مجالك بس رمزيه يعني لو عرفتي ان ال طالبه الحاجه عندها اطفال ممكن تبعتي ورقه تلوين لو بنات تبعتي توكة شعر ب 3 جنيه نرة جالي اوردر قطعه غيار لجهاز وبعتولي معاه 2 بونبوني قهوة بصراحه ما زلت فاكرة الموقف لغايه دلوقتي وكانوا شركه صادقه وملتزمة ومحترمين فبنصح بيهم اي حد يسال عن قطع غيار اخيرا ادعي ربنا كتير ان يبارك في رزقك ويكبر مشروعك ويرزقك زباين كويسين ويرزقك الرضا ويصرف عنك السوء ادعي كتير بيقين كبير
تم النشر الاثنين، ١٣ مارس ٢٠٢٣
لعرض السؤال في فدني اضغط هنا