والدي ووالدتي قالوا احنا كبرناكم وعلمناكم وجه الوقت اللي تردوا فيه جزء من تعبنا عليكم
القرار اللي صدروه:
. بمجرد م تشتغلوا مرتبكم هنآخده منكم ونديكم مصروف رقم رمزي وظبطوا اموركم علي هذا الأساس
. ثانيا تعاملنا معاكم هيترتب بناءاً علي دخل أو مرتب كل واحد منكم
مش بيعاملونا كلنا بطريقه واحده في تفرقه عنصريه تبعاً لشغل ومرتب كل واحد مستغربه اللي بيحصل والله بجد هو في كده
ف ارجو الرد هل دا شئ طبيعي علشان انا مش عارفه افكر بجد
وكيف سيتم التعامل مع هذا الوضع ؟؟؟
للعلم هما مرتاحين ماديا جدا
في الحديث الشريف: (أنت ومالك لأبيك) قولي لوالدك بكل احترام لو حضرتك هتجهزني لما أتجوز فمرتبي كله ليك ولو هتسيبني أجهز نفسي بنفسي .. فمن مصلحتك أنك تخليني أحوش المرتب وأجهز بيه نفسي وأبقى جاهزة للزواج في أسرع وقت وأخف حملي من عليك بدري بدري
تم النشر الاثنين، ١٩ فبراير ٢٠٢٤
والله ى اختي بصي ارجو حضرتك تفهمى وجهة نظرهما وتحسني الظن بهما الطبيعي ان مفيش حد هيبقي احن عليكي من الاب والام وان كان هناك شىء من القسوة دا بهدف التعليم مش اكتر هم بيعملوا معاكوا كدا عشان تعتمدوا علي نفسكوا قبل ما تبدأوا حياة جديده بمكان جديد هم مش ضامنين طبيعة تصرف البيت اللي هتروحوا عليه عامل ازاي وخصوصا فى الوقت اللي احنا عايشين فيه ف اكيد غرضهم انهم يخرجوا ابناء تقدر تعتمد علي نفسها ف اصعب الظروف وتحسوا انكوا مش محتاجين ظهر تتسندوا عليه وتبقوا سند لنفسكوا
تم النشر الثلاثاء، ٢٠ فبراير ٢٠٢٤
عادي لو اديتلهم فلوس و ساعدتيهم او ك هديه ليهم بس فكره التفرقه العنصريه متنفعش خالص حاولي تكلميهم ف موضوع ذي دا و ان كدا الفكره دي هتخلي في كره بينكوا ك اخوات و ان انتو بتتعبوا الشهر كلو ف الفلوس دي عادي تديهم فلوس بس حسب منتي عايزه لأن دا تعبك انتي طول الشهر ز اتفقي انتي و اخواتك تتكلموا ف الموضوع دا طالما هم طلهم معترضين ع حاجه ذي دي و اتكلمو معاهم براحه و فهموهم وجهه نظركم إن شاء الله يفهموكوا
تم النشر الاثنين، ١٩ فبراير ٢٠٢٤
طالما كده كده الميزان بتاعهم غلط ...فانتى قوليلهم انك مش مسامحه فى التفرقه فى المعامله وطبعا هو حقهم انك تديلهم اللى يحتاجوه ومتقصريش معاهم ...بس الاجبار مش من حقهم بالشكل ده انا رأيي انك متقوليش مرتبك الحقيقى ..وتخلى جزء تشيليه لقدام وتكونى مطمنه ومتحسيش انك متضرره اوى من النظام ده
تم النشر الثلاثاء، ٢٠ فبراير ٢٠٢٤
لعرض السؤال في فدني اضغط هنا