سؤال لمتخصصين الجلدية
شعري كيرلي وجاف و مقصف و عايزة لما أتجوز أفرده هو تقيل وسمعت إن فرد الشعر البروتين و الترميم و كل الكلام دا بيبوظ الشعر اي أحسن حاجه اعملها ، و هل أجيب مكوة أفضل وأكوي شعري كل ما أحب و مفردوش؟
السلام عليكم ورحمه الله وبركاته بما انك عايزه تبعدي عن الحاجات اللي بتكون مؤذيه للشعر اعتقد انك تتجه الحاجات الطبيعيه افضل كثير يعني لو اعتمدتي روتين معتمد على الزيوت الطبيعيه بتعيد للشعر الترطيب بتاعه والصحه بتاعته يعني من معلوماتي الشخصيه انه تقصف الشعر ده معناه ان الزيوت الطبيعيه بتاعه الشعر مش بتوصل لحد الاطراف بتاعه الشعر وده بيكون يا اما عشان خاطر احنا بنغسل شعرنا كثير فنديش مساحه الزيوت بتاعت شعرنا الطبيعيه انها توصل لحد الاطراف من كتر ما بنغسله يعني احنا بننشف اصلا الزيوت من كثر الغسيل من فروه الراس او بيكون بسبب. ان احنا نظامنا الغذائي اصلا مش محتوي على ز برضه عن تجربه شخصيه اشتري مكواه افضل لو حبيتي تفرديه افرديه لكن لو حفظتي عليه على طبيعه فتله الشعر بتاعتك زي ما هي هيكون احسن كثير.يوت طبيعيه كفايه. وترطيب شعرنا مش كافي يعني لو اعتمدتي على انك ترطبيش عليه وخصوصا من الاطراف الزيوت الطبيعيه زي لازم جوز الهند لو لقيتيه مناسب لشعرك زيوت ثانيه كثير جدا زيت الزيتون يعني ابسط الحاجات لو اعتمدتي على روتين بتعمليه اا كل كم يوم اعتقد هتشوفي فرق في شعرك اهتمام بقى بالنظام الغذائي الاساسي.
تم النشر الأحد، ٢٣ فبراير ٢٠٢٥
عزيزتي، أفهم تمامًا مخاوفك حول شعرك وكيفية العناية به قبل الزواج. إليك بعض النصائح التي قد تساعدك: العناية بالشعر : من المهم أن تعتني بشعرك بشكل دوري. استخدمي شامبو وبلسم مناسبين لنوع شعرك، ويفضل أن يكونا خاليين من الكبريتات والبارابين. الترطيب : الشعر الكيرلي يحتاج إلى ترطيب دائم. يمكنك استخدام زيوت طبيعية مثل زيت الأركان أو زيت جوز الهند لترطيب شعرك والحفاظ على نعومته. فرد الشعر : إذا كنتِ تفكرين في فرد شعرك، عليك أن تكوني حذرة. بعض علاجات الفرد، مثل البروتين، قد تسبب تلف الشعر إذا لم تُجرى بشكل صحيح أو إذا تم استخدامها بشكل متكرر. حاولي استشارة مختص في الشعر للتأكد من أن العلاج المناسب لشعرك. المكواة : استخدام المكواة يمكن أن يكون خيارًا جيدًا لفرد الشعر عندما ترغبين في تصفيفه بطريقة معينة، لكن تأكدي من استخدام المنتج الواقي من الحرارة لحماية شعرك من الأضرار. استشارة مختص : من الأفضل أن تقومي بزيارة مصفف شعر متخصص في معالجة الشعر الكيرلي. يمكنه تقييم حالة شعرك ويعطيكِ نصائح مخصصة تناسب احتياجاتك. فقومي بالعناية الجيدة بشعرك وكوني حذرة في اختياراتك. تذكري أن الجمال يأتي من العناية الصحية والتفهم الجيد لنوع شعرك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٣ فبراير ٢٠٢٥
زي ماقولتي كده كل الحاجات اللي بتغير في طبيعه الشعرايه بتبوظها. مبدئيا كده بما انه الحمدلله تقيل يبقى نستفاد بقي ونعمله استايلج حلو للشعر الكيرلي ولو مقصف عالجيه ولو ناشف يترطب صدقيني ده بيبقى قمر اوي♥️وعيزاكي تحبي نفسك بيه عشان لو رفضتيه كل اللي حوالكيي هيزهقك فيه. طيب عايزه تفرديه عادي جدا تجيبي فرشه شعر اللي هي رول بتلف دي احسن كتير من المكواه مش بتركز الحراره واسهل كتير كإنك بتسرحي وخفيفه. وتجيبي protect oil تحطيه ع شعرك قبل الفرشه عشان تقللي ضرر الشعر من الحراره. عالجيه انه يكون صحي هتتبسطي اوي بيه♥️
تم النشر الأحد، ٢٣ فبراير ٢٠٢٥
مبروك ياحبيبتي ربنا يتمملك على الف خبر♥️اصحابي عملوا بروتين وصبغه واتجوزوا وبعدها اتبهدلوا ف علاجات للفروه والشعر وفي الاخر بترسي ان الشعر معظمه يتقص. ثانيا مين قال انك عشان تتجوزي لازم شعرك يبقى مفرود. دي مجرد ثقافه. ممكن تساعدي نفسك بجلسات ترطيب لحد الجواز وفي حنه وفرح لو تعملي شعرك بالفرشه وكمان ممكن تجيبي مثبت ترشيه بعد ماتعمليه مفرود هيقعد معاكي فتره أطول. بس بما انه الحمدلله تقيل ليه تفقديه؟.وبرده اكيد بنات هنا هتقولك رأيها♥️
تم النشر الأحد، ٢٣ فبراير ٢٠٢٥
انا مش عارفه مكانك فين؟ بس لو دورتي ع دكاتره القاهره المنصوره تخصص جلديه بيعملوها.بتبقي مجموعه زيوت خفيفه وجهاز حراري بيساعد الفروه والشعر انه يمتص الزيوت دي. بيبقى شعرك حلو جدااا بل بعد وقت كمان بتلاقيه اتحسن اوي وانتي هتواظبي عليه لأنها بتخلي الشعر بيلمع ومش بيقع. لكن انا معرفش اسم مكان بعينه بيعملها. سيرش بسيط على الفيس وهتلاقي جروب اسمه black list تدخليه وتسألي انا هروح اعمل كذا عند الدوكتر دي و اي حد ليه تجربه وحشه او حلوه هيقولك علطول. وانتي بالف خير يااحلى عروسه❤️
تم النشر الأحد، ٢٣ فبراير ٢٠٢٥
الله يبارك فيك حبيبتي يارب عندك حق جدا علفكرا الناس الي بيقولي افردي شعرك هما اصلا فردوا شعرهم وشعرهم وقع قبل حتي م الفرد مدته تخلص ف انتي عندك حق جدا بجد أسعدتيني ربنا يسعدك يارب وانا بحب شعري اصلا وبسأل علشان مفقدوش بحبه الحمد لله جدا بس ينفع تقوليلي اي هي جلسات الترطيب؟ وكل سنة وانتي طيبة يقلب
تم النشر الأحد، ٢٣ فبراير ٢٠٢٥
بس انا هتجوز ف عشان الزواج وكدا ؟
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا