بابا حرفيا مخلينا شايفينه بنك فلوس وبس مفيش لا اهتمام ولا سؤال ولا أي حاجه انا مبقتش اشوفه غير على الافطار وبس وحتى الكلمه م بيقولها عازل نفسه لا بيسأل ولا اي حاجه حنانه انا مشفتهوش عصبي بطريقه غبيه
بقيت بندم ان ليا اب زي ده حاولنا معاه كتير ومفيش فايده عازل نفسه عننا كل الى همه الشغل وبس انما عياله فلا
مش عارفه اعمل ايه الموضوع مأثر عليا بطريقه فظيعه مبقتش حباه ولا عايزه أشوفه اصلا ووجوده م فارق معايا فى حياتي اصلا ومشاكل وخناقات على اتفه الاسباب وحديثا طبعا مبقاش فى كلام اصلا زمان الحمد لله عملنا كلنا عقد نفسيه ودلوقتي مش بيتكلم مع حد اعمل اي بجد؟؟
حكايتك نفس حكايتي بالظبط وكأني اللي كاتبها، انا بواجه نفس المشكلة و نفس النتايج، و لما حاولت اتكلم مع ناس كتير كانوا بيقولوا اتكلمي انتي معاه و انكشيه و هزري معاه و شديه انتي من عزلته و صمته. طبعا انا عارفة ان الحل ده صعب عليكي زي ما هو كان صعب عليا، انا حاولت و كا ساعات ردود فعله مش بتبقى اللي انا عايزاها و ساعات بتبقى ردود باردة و كنت بدايق بصراحة و كنت بفقد الأمل و ببطل احاول. بس اللي عايزة اقولهالك باباكي مش وحش، هو ممكن يكون مضغوط و ممكن يكون من النوع الكتوم و مبيعرفش يعبر عن اللي مدايقه او مبيعرفش يتكلم أو يفتح مواضيع او مش عايز يقرفكوا بمشاكله و بيبقى في دماغه ميت حاجة بيحلها لوحده ، بابا برده دايما بيتحجج بالشغل بس حاولي تبصي للموضوع من وجهة نظره، اهتمامه بيكو ممكن يكون عبارة عن ان هو يوفرلكوا حياة كويسة و يحافظ ع المستوى اللي معيشكوا فيه، ف حاطط تركيزه في الشغل عشان يقدر يعمل ده هو كده شايف انه بيهتم بيكو فهمتي؟ لأن لا قدّر الله إذا اطرد من شغله اول حاجة هيفكر فيها ازاي يجبلكوا فلوس. انا عارفة ان البنت بتبقى محتاجة حنية الأب بالذات و إن هو أول حب شرعي ليها و محتاجة انها تحس بوجوده و حنانه و اهتمامه و تحس بالأمان في وجوده، و انها حاجة تضايق اوي لما تحسي انك من غير سند و من غير ضهر بس مش كل الابهات زي بعض و احمدي ربنا ان باباكي موجود في بنات بتتمنى اب زي باباكي يصرف عليهم في ابهات بترفض تصرف ع ولادها تخيلي؟ و بتبخل عليهم و في اللي باباهم متوفي و اللي باباهم بيضربه و يعنفهم، ف الحمدلله ان باباكي موجود ع الاقل. انا اعترف الموضوع مش سهل و بقاله فترة مأثر نفسيا عليا و لحد دلوقتي بس حاولي تكلميه انتي و تحكيله عن يومك عن موقف حصل معاكي او عن امتحان او عن حد من صحابك صدقيني هيسمعك و مش هيمانع ابدأ ان بنته تيجي تكلمحاولي تستشريه في حاجة في مشكلة و هتلاقيه بيديني نصايح و بتناقش معاكي عادي. بابايا برده عصبي اوي بس الشخص العصبي بيبقى تطيب شخص و احن شخص بس انتي متخيلة الحنية و الاهتمام بطريقة معينة لكن المفهوم ده بيختلف من شخص لشخص.
تم النشر الأربعاء، ١٢ مارس ٢٠٢٥
أفهم تماماً مشاعرك وقلقك تجاه علاقتك مع والدك. من الواضح أن هذا الوضع يؤثر عليك بشكل كبير. في مثل هذه الحالات، يجب التركيز على كيفية التعامل مع المشاعر السلبية التي تواجهينها. أولاً، حاولي التحدث مع والدك بطريقة لطيفة ومباشرة. عبري له عن مشاعرك وما تشعرين به من انقطاع في التواصل. ربما يكون مشغولاً بشكل يفوق طاقته، وقد لا يدرك تأثير ذلك على عائلته. ثانياً، يمكنك محاولة إشراك أفراد العائلة الآخرين، كالأم أو الأخوة، للتحدث مع والدك حول أهمية وجوده ومشاركته في حياة الأسرة. إذا استمر الوضع كما هو بدون تحسن، فقد يكون من المفيد استشارة مختص نفسي. قد يساعدك ذلك في معالجة مشاعرك والتعامل مع الوضع بشكل أفضل. تذكري أنه من المهم الاعتناء بصحتك النفسية، وأن الحوار هو أحد المفاتيح لتحسين العلاقات. تقبلي مشاعرك، ولا تترددي في طلب المساعدة إذا شعرت أنك بحاجة إليها.
تم النشر الثلاثاء، ١١ مارس ٢٠٢٥
لعرض السؤال في فدني اضغط هنا