انا بتعلم لغة جديدة فنزلت برنامج عشان يعني اتواصل مع أصحاب اللغة واتطور من لغتي فأنا بتكلم معاهم شات بنات واولاد وكل حديثنا بيبقى عن اللغة والثقافة وكدا ،هل حرام التحدث مع الشباب في هذه الحالة لأني حاسه بالذنب فمش عارفه رغم أن مفيش اي كلام خارج ابدا
لا أقدر أفتي بحرمانية في حالتك لكن عامة ممكن تكتفي بالتحدث مع البنات فقط. المفروض التعامل مع الشباب حتى من المسلمين يكون بحدود والتواصل حتى لو دلوقتي بكلام عادي ومحترم ممكن يكون مدخل للتواصل على الخاص وبعدين تعارف وواحدة واحدة الحدود تبدأ تزول مع التعود والألفة. فأعتقد من الأفضل غلق الباب اللي فيه احتمالية يؤدي لمشاكل نحن في غنى عنها. ممكن تراجعي الفتوى دي https://islamqa.info/ar/answers/216698/يسال-عن-حكم-التواصل-مع-امراة-عبر-النت-لتعلم-اللغة-الاجنبية وكمان دي فتوى عن نفس الموضوع https://www.islamweb.net/ar/fatwa/307777/حكم-المحادثة-بين-المرأة-ورجل-أجنبي-لتعلم-اللغة-الإنجليزية ** وعامة كان أكثر من متعلم لغات قال إن التطبيقات مش مفيدة قوي لتقوية لغتك وممكن تسبب تشتت ومشاكل في التعلم. اقترح إنك تبحثي عن تقنية التظليل (Shadowing Technique) إذا حابة تدربي نفسك على التحدث باللغة اللي بتتعلميها وممكن تسجلي لنفسك يوميا على الموبايل 5 دقائق وانتِ بتتكلمي اللغة ومع الوقت هتلاقي تحسن. بالتوفيق إن شاء الله.
تم النشر الاثنين، ١٠ فبراير ٢٠٢٥
حسب علمي حرام اذا كنتي جالسه تسولفي بحجة ان عشان نتعلم فحرام اما اذا كنتي تكلميه وانتي تستفيدي بموضوع ومافي غيره فحلال بس انا بشوف ان في بديل تقدري تكلمي صديقتك او تدخلي كروب بس بنات مو مضطرة تدخلي كروب مكس
تم النشر الأربعاء، ١٢ فبراير ٢٠٢٥
شات خطا وحرام تعليم اللغه مش شرط اننا نتحدث مع أجانب عنا لا في حاجات ڪتير تانيه تقدري تتعلمي عليها تطبيقات كتير لوحدك او اصدقاء بنات من أمڪان تانيه حاولي تبعدي عن حديث الشباب وتجنبي ڪل مايغضب الله وفقك الله ورعاكي.
تم النشر الثلاثاء، ١١ فبراير ٢٠٢٥
وجهة نظري لاني بتعلم لغة برضو و جربت التطبيقات دي كلها ممكن تدخلي Voice و تحددي gender بنات بس علشان تبعدي عن أي شبهة او في طرق كتير دلوقتي في بودكاست لكل الانجلش ليفلز او فيديوهات افلام ممكن تعملي منها shadowing كل ده هيفرق كتير في اللغة معاكي و في تطبيقات Ai كتير دلوقتي او chat gpt ممكن تكلميه انجلش طول اليوم براحتك و إن شاء الله توصلي للمستوى اللي نفسك فيه
تم النشر الثلاثاء، ١١ فبراير ٢٠٢٥
بالظبط. الاختلاط محتاج ضروره وضوابط. حضرتك هل ممارسه اللغه ليها ضروره انك تتكلمي مع راجل؟؟ طيب ليه وهو في بنات بتتكلمي معاهم❤️يبقى بلاش لانه غير ضروره. وكمان مع البنات في AI تقدري تمارسي معاه ويصححلك الخطأ تقريبا similator و character. Ai
تم النشر الثلاثاء، ١١ فبراير ٢٠٢٥
يَأَيُّهَا الَّذِينَ ءَامَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ وَ مَا زَكَى مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاءُ وَاللَّهُ سَمِيعٌ عَلِيمٌ )
تم النشر الجمعة، ١٤ فبراير ٢٠٢٥
حرام حرام حرام عن تجربه للاسف وقعت من خلال هذه التطبيقات وأصبحت اتحدث مع بنت وللاسف الشيطان اوقعني واوقعها رغم اني لا ليا فى الكلام ده اصلا ولكن الحمدلله ربنا نجانا وقطعنا العلاقات .. ربنا يغفر لي ويغفرلها ويغفرلنا جميعا .. حاولي تتكلمي مع بنات بس .. بالتوفيق
تم النشر الأربعاء، ١٢ فبراير ٢٠٢٥
صح فعلا ،شكرا ليكم
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا