خايفة من السنادى اوى جبت فى الترم الاول١١١ من ١٤٠ بسبب ان نفسيتي وحشة مع انى كنت واثقة فى ربنا وناس غشت كلو وجابت ١٢٥ الحمدلله انا محتاجة ادخل فى فترة اكتأب بس مش هينفع عشان المذاكرة ومش عارفة اذاكر اذاى واجيب مجموع اذاى واجيب ولا لا اصلا ادعولى
العمر كله يا رورو يا عسل💜 وإن شاء الله يارب بالنجاح والتوفيق آكتر ما بتتمني بس ادعي كتير🌻 حببتي حتي ولو عيطي وإنهرتي وفضلتي متعمليش حاجه هتزهقي وتزعلي آكتر.. إحنا كده بطبعنا البشرية مينفعش نفضل علي حال ثابت وشعور ثابت لازم نتقلب يبقي لازم نتقبل.. تقبلي نفسك عادي إنه آه زعلانه وابدأي عبري عن زعلك وأحترميه واعطيه مساحته.. لكن بلاش تفضلي تضغطي علي نفسي آكتر أصل مفيش وقت ومينفعش أنا ورايا مذاكره كده آنتي بتضحكي علي نفسك ومهما ذاكرتي ذهنك مش صافي.. يبقي مع بدايه كل يوم ساعه كامله لنفسي اشتكي لربنا واحكي فكشكولي أو فويس والاحسن وأنا ساجده افضي الشحنه وارتب يومي وأقول لنفسي إنها فتره مؤقته وهتخلص وهتفضل الحياه فترات كل المحتاجاه اتكيف إزاي مع كل فتره واستغلها ودايما دوري علي هوايه بتحبيها تمارسيها كل يوم تشحنلك باقي الجوانب.. لو احسنتي استغلال اول ساعه من يومك وظبطي كل يوم مزاجك الصبح اليوم هيبقي تحفه
تم النشر السبت، ١٨ فبراير ٢٠٢٣
طبيعي لما بنجيب حاجه اقل من توقعاتنا بتضايق بس مش المفروض نكتأب لانها ممكن تكون حافز انك تذاكري اكتر وتشدي حيلك الترم ده وثقي ف ربنا انه هيديكي نتيجه تعبك ومجهودك ف ذاكري ورتبي افكارك حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانت بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخص الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجزي وتلمي المنهج وترجعي اشطر من الاول وكمان حياتك مش مذاكره بس ف خلصي مذاكرتك والخروج حدديله وقت مثلا مره ف الاسبوع وافصلي نفسك عن المذاكره بس كافئي نفسك بالتزامك ف المذاكره بأنك هتخرجي
تم النشر السبت، ١٨ فبراير ٢٠٢٣
نفسيتك وحشة بسبب ايه ؟ الدراسة كلها وفكرة المجموع ولا سبب تانى؟ وفى حد يبقي عاوز يدخل فى اكتئاب؟
تم النشر السبت، ١٨ فبراير ٢٠٢٣
الاكتئاب مش هيروح في حتة موجود تقدر تعمليه لو حبيتي او تقدر تركني النفسية علي جنب و معاها الاكتئاب و نتكلم بشكل علمي .. ورقة الامتحان عبارة عن اسئلة و تتحل بإجابات من الكتب مالهاش علاقة بالنفسية .. لو ذاكرتي بشكل فيه تركيز و فهم هتقدري تكتبي إجابات احسن ، ثانيا الناس بتغش .. ماشي دا شيء ربنا يحاسبهم عليه مش انت ولا انا .. لو ركزتي علي نفسك و قررتي تتعلمي من الاخطاء السابقة و تطوري من طريقة مذاكرتك و تتوقعي الاسئلة هتوصلي لنتيجة احسن .. لكن انتي متقوقعة في قلب ذاتك و مركزة مع غيرك اللي غش و هيجيب مجموع اكبر .. اول خطوة شيلي غيرك من دماغك خااص مش قصتك اصلا .. ثانيا ذاكري بطريقة انك معيدة او استاذة رايحة تشرح للناس و ده معناه انك لازم تعتمذي علي الفهم و بعد كده ييجي الحفظ ، ثالثا و دي اخر حاجه .. اعملي اللي تقدري عليه و سيبي الباقي علي ربنا و لو مقصرتيش ان شاء الله رينا هيكون معاكي و ارضي بنصيبك و بلاش تاخدي الغير شماعة لاخطائك .. ابسط حاجه تحطيها في بالك و تشجعك انك تعرفي ان ربنا بيقول .. ﴿فَاستَجابَ لَهُم رَبُّهُم أَنّي لا أُضيعُ عَمَلَ عامِلٍ مِنكُم مِن ذَكَرٍ أَو أُنثى بَعضُكُم مِن بَعضٍ فَالَّذينَ هاجَروا وَأُخرِجوا مِن دِيارِهِم وَأوذوا في سَبيلي وَقاتَلوا وَقُتِلوا لَأُكَفِّرَنَّ عَنهُم سَيِّئَاتِهِم وَلَأُدخِلَنَّهُم جَنّاتٍ تَجري مِن تَحتِهَا الأَنهارُ ثَوابًا مِن عِندِ اللَّهِ وَاللَّهُ عِندَهُ حُسنُ الثَّوابِ﴾ دي اية كاملة بتقول بما معناه ان رينا مش بيضيع تعب حد او عمل حد تعب عليه حتي لو مخدش نصيبه ربنا هيعوضه في شيء تاني يكون احسن .. بكرة ان شاء الله تشتغلي و هتكتشفي ان اللي بيسرق بياخد اكتر منك و الخ انتي شفتي ده لكن مشفتيش غيرك ده هيكون ايه مصيره و ربنا هيعمل معاه ايه .. اهتمي بنفسك و سيبي الخلق للخالق .. و اجرك مش هيضيع
تم النشر السبت، ١٨ فبراير ٢٠٢٣
أنت قدها ربنا هيوفقك إنشاء الله ❤️
تم النشر الثلاثاء، ٧ مارس ٢٠٢٣
انا اسف مش قصدي اتريق بس عجبتني حتت " عاوز ادخل في فتره اكتأب بس مش هينفع عشان المذاكره" 😂😂😂
تم النشر الأحد، ٥ مارس ٢٠٢٣
حاضر هحاول ادعول ادخل ثانوى بس
تم النشر السبت، ١٨ فبراير ٢٠٢٣
لعرض السؤال في فدني اضغط هنا