السلام عليكم ورحمة الله وبركاته
انا طالبة في الثانوية الأزهرية كنت الأولي علي مدرستي في الدراسة من الاعدادي وطول المرحلة الثانوية بفضل ربنا والله وطول عمري كنت متميزة ف كل حاجه بدخلها ودا كان توفيق من ربنا ليا والله علشان الحمدلله ختمت القرآن في سن صغير جدا وانا من أسرة ملتزمة ف ديماا كنا في الكتاب حياتنا كلها كان مع القرآن ماشاءالله ف كان توفيق ربنا محالفني ديماا كنت متفوقة جدا ف دراستي المهم بعد م دخلت الثانوية فجأة كل حاجه اتقلبت في حياتي مش عارفه اي السبب كنت بعيط طول الليل والنهار والمذاكرة بالنسبالي من اثقل الأمور علي قلبي انا مش الشخصية اللي دماغها مش في المذاكرة خااالص انا من أكتر الشخصيات اللي حريصة علي مستقبلي ومستوايا الدراسي اكتر من اي حاجه ف حياتي ف دا كان من أصعب الاختبارات بالنسبالي اني أبتلي ف الحاجه دي بقيت ببذل مجود أضعاف مضاعفة في الدراسة ومع ذلك بحصل أقل تحصيل ممكن حد يتخيله لحد م وصلت ل مرحلة من اليأس معنديش اي طاقة للدراسة وبروح دروسي مش عارفه اركز خاالص بسرح ومش مركزة ف أي حاجه لو مدرس سألني سؤال بسكت وبقعد اعيط وانا اصلا بقالي تلت ايام ماسكة الكتاب بحفظ للدرس مدرسيني كلهم عارفين مستوايا كويس ف كانو بيشجعوني ويحاولو يرفعو معنوياتي بس أنا فقدت الأمل خاالص مبقيتش ارضي اروح الدروس بسبب اني مش قادرة استحمل امي ابقي بالشكل دا قدام صحابي بعد م كنت باجي اسمع الدرس كله يلف يبصلي بسبب اني ماشاءالله كنت كويسة جداا بفضل ربنا المهم اني جت الامتحانات وانا ف أسوء حالاتي وأسوء مستوي دراسي كنت اتخيل ادخل امتحان ثانوية بيه دخلت المواد كلها وربنا يعلم بحالي قبل كل مادة كانت بتيجي معايا بتوفيق ربنا ليا كدا وسبت مادتين مرضيتش ادخلهم ابدااا وكانت صدمة كبيرة اوووي بالنسبالي مكنتش اتمني أأجل الثانوية دي ف حياتي ولو ثانية واحدة كامري م فكرت في الفكرة دي ف قعدت سنة كاملة وجت عليا الامتحانات السنة دي حاسة ان كل حاجه ف حياتي بقت أسوء فقدت ثقتي ف نفسي تماما وبقيت شايفة اني أسوء وأفشل شخص في العالم كله واني خذلت كل الناس واني مش هقدر اوصل لأي حاجه وطبعا المشكلة بالنسبالي مش ف كدا قد م مشكلتي ف حاجه تانية اكبر من دي بكتييير وهي اني حتي مبقيتش قادرة اقوم بالعبادات اللي كانت أملي ف الحياة بصلي بالعافيه الحمدلله مش بسبب الصلاة ابداا بس بأخرها عن وقتها وبصليها بعظم تركيز وختي الأذكار ممكن أقعد من الفجر للعصر وانا بقول اذكار الصباح اقول ذكر واسرح وابظأ من الاول تاني واسكت وانام شوية وأقوم ابظأ من الاول مفيش توفيق ف أي حاجه ف حياتي ولا أمور دنيا ولا أمور الدين حتي يعني أنا كنا معروفه اني لو ف أسوء حالاتي المصحف بيبقي ف ايدي حتي السنة اللي فاتت ف أسوء فترة اللي هي فترة التأجيل كنت ببقي ف حالة ربنا يعلم بيها بس المصحف ف ايدي مبسيبهوش ايا كان المكان اللي انا موجودة فيه مهنا كانت الظروف دلوقتي بقرأ وانا مغصوبة يمكن سورة واحدة ف اليوم وبجري في القراءة علشان اخلص بسرعة علشان مش قادرة فاقدة الشغف في كل حاجه ف حياتي مش موفقة ف اي حاجه مش قادرة ادعي ربنا حتي يعني حتي الدعاء اللي ممكن ينقذني بدعي وانا حاسة بفتور ومش قادرة ادعي حتي ومش عارفه اشتكي ل ربنا اللي جوايا من قلبي كدا وكتير قبل كدا كنت بدعي ربنا بكل حزن من جوايا ومش بيستجيبلي اي حاجه بالعكس حاسة اني برجع لورا اكتر طب انت اعمل اي انا مش عارفه هو دا ابتلاء ولا عقاب هو لو عقاب من ربنا طب اعمل اي طيب بقالي سنتين علي الحال دا طب بدعي ربنا يهديني الطريق الصواب طيب اعرف غلطي فين علشان اصلحه انا قاعدة مش عارفة اعمل اي بعد اللى حصلي ف الثانوية السنة اللي فاتت واقتنعت أنه ابتلاء فعلااوكنت علي يقين تام أن ربنا اپعد عني شر وهيغوضني السنة دي عوض كبير اووي ملقيتش اي حاجه السنة دي دخلت من اسبوع المادة الأولي اللي كنت مأجلاها حليت فيها اسوء حل ف مسيرتي الدراسية كلها لدرجة اني خايفة من فكرة اني ممكن منجحش بحلي دا الا لو بكرم ربنا طبعاا بعد م كنت الأولي علي المدرسة خمس سنين ورا بعض ويعترف اني معملتش اللي عليا السنة دي بس والله والله غصب عني مش قادرة اذاكر معنديش اي طاقة ولا اي شغف ومتعقدة جدااا وبسرح كتير ومش مركزة في المذاكرة وانا اكتر واحدة مأذية من الوضع دا بكون قاعدة نفسي اذاكر ومش عارفه مش طايقة بجدد فكرة المذاكرة نفسها انا عمري م تخيلت أوصل للمرحلة دي ف يوم نفسي ارجع زي م كنت زمان انا مش متعمدة اني اقصر ف مذاكرتي ومش بلوم نفسي لو رجعت سنة كمان واخدت فترة أطول اذاكر فيها بردو مش هذاكر حاجه انا عارفه اتمني حد يساعدني علشان طول الوقت بقيت بعمل حاجات مش عايزة اعملها وادعي علي نفسي واتضجر في بعض الأحيان استغفر الله العظيم والله من غير تعمد وحزينة جداا اني بقيت سيئة جدااااا بالشكل دا مش قادرة اصبر وبقول كلام مينفعش يتقال غصب عني أنا بعتذر جدااا اني طولت بس لو حد يقدر يساعدني هكون شاكرة ليه جداا ومن فرج عن مؤمن كربة من كرب الدنيا فرج الله عنه كربة من كرب يوم القيامة
أول حاجه حاولي وحاولي واوعي تستسلمي مش هقدر احلل حالتك آوي بس الواضح انو في حاجه متستسلميش ومتخافيش حاولي ميت مره عشان تعرفي تستغفري وتدعي روحي دروس قرآن ممكن ده يشجعك اكتر تقومي بواجباتك الدينية حاولي متضعفيش ومتخليش حد يفرح بوضعك ده حاولي تثبتلهم إنك احسن ولو عرفتي ممكن تسالي شيخ جامع قريب منك ويكون خبره او حد من عيلتك يستشيره وبلنسبه لدراستك اعملي جدول لنفسك وخلي حد يتابعك فالمذاكره والجدول وحددي أهدافك وخلي عيلتك كلها تدعي ممكن تتحل ان شاء الله وتتفرج وتنجحي بس أهم حاجه متضغطيش علي نفسك مش لازم تكوني مثاليه فكل حاجه المهم تنجي ورينا يفرجها إنشا الله وحافظي بس علي صلواتك ودايما حطي قرآن دايما شغلي قرآن بصوت عالي التلفزيون وعلموبايل وكلو وإنشاء الله خير ♥️
تم النشر الأربعاء، ٣ يوليو ٢٠٢٤
شكرا ليكي علي مشاركتك لينا 🌷 وصلتي احساس كل كلمة كتبتيها ومدي الالم والأدب النفسي الواقع عليكي اوقات كتير الضغوط بتبدلنا حرفيا واحنا نفسنا بنتفاجئ بردود افعالنا بتقولي من سنتين ؟ هل حصل موقف ليكي او لافراد اسرتك حسيتي بعدها بالتغيير؟ وأوقات رعب الثانوية العامة بيكون معطل فحد ذاته الاهم من اللي حصل ماينتج عنه يعني انتي الحمدلله تعاملتي مع الموقف وأجلتي علي قد ماتقدري ودخلتي حتي لو مش راضية تمام الرضا عن أدائك بس كفاية قووي انك واجهتي خوفك ودخلتي الاختبارات النتيجة دي علي ربنا وان شاء ربنا هيقدرلك الخير اينما كان قد يكون ابتلاء وبعده فرج ان شاءالله هوني علي نفسك الرقيقة وكوني رحيمة بنفسك وتعاملي معها كطفل صغير محتاج اليكي تخيلي كده ممكن تطمنيه ازاي ؟
تم النشر الثلاثاء، ٩ يوليو ٢٠٢٤
و عليكم السلام و رحمة الله و بركاته بحكم أنى مريت بفترة ثانوية صعبة بردو فاحسه بيكى و إن شاء الله الدنيا هتبقى أحلى قدام الأول أنتى مش عارفة ايه السبب فلو أنت حسه انه ذنب فاستغفرى و ربنا غفور رحيم تانى حاجة عليكى و الرقية الشرعية و سورة البقرة و استمرى فترة طويلة بدون أنقطاع علشان نتأكد أن مفيش سبب خارج عن إرادتك ثالثًا لو أنت داخلة الثانوى معتبراه حاجة كبيرة و مستقبلك معتمد عليها فدا ممكن سبب ليكى توتر فمش عارفة تركزى فبلاش تجهدى نفسك أيا كان مجموعك فعادى ممكن يكون سبب أنك تكتشفى مجال أفضل زى أنا مدخلتش الكلية اللى عاوزاها بس أكتشفت مجال بحبه و هواياتى ليه. بلاش تقولى لنفسك أى كلام وحش بدلى علطول أنتى كنتى شاطرة فترة كبيرة فعادى تقدرى ترجعى تكونى شاطرة تانى أنتى بشر مفيش مشكلة لو قصرتى أو مكنتيش زى ما أنتى عاوزة أو اللى حواليكى عاوزين. أما بخصوص العبادة فحطى لنفسك عبادة و استمرى عليها حتى لو مش بنفس مستوى عبادتك زمان و إن شاء الله هتلاقى نفسك أحسن بعد فترة و أفتكرى إن ربنا غفور رحيم و أن أحب الأعمال إليه أدومها و إن قل بتمنى تبقى تطمنينا عليكى و إن شاء الله الأيام دى هتعدى و هتلاقى سعادة و نجاح تانى قدام بالتوفيق.
تم النشر الجمعة، ٥ يوليو ٢٠٢٤
يا أختي هوني على نفسك دي دنيا ! ماشاءالله سيرتك عطرة، لكن ده قدر الله لك في الثانوية إنه يحصل معاك كده لحكمة منه سبحانه، وأظن الأمثلة أكثر من أن تحصى اللي إنت تعرفيهم كانوا شاطرين طول سنين الدراسة، وفي الثانوية حصل معاهم برضو كده، ليه؟ قدر وحكمة من الملك سبحانه... ووالله الحياة ما هتوقف على الثانوية، أنا عارف إن كلامي مهما كان حلو ومنمق إنت مش هتحسي بيه...لكن مش مشكلة....الثانوية لا بداية ولا نهاية حياتك،دي مجرد سنة دراسية، وكلٌ ميسر لما خلق له والتوفيق بالدعاء، فأكثري من الدعاء ويسر الله لك ووفقك لما يحب ويرضى
تم النشر الخميس، ٤ يوليو ٢٠٢٤
وعليكم السلام ورحمة الله وبركاته. ياه، كلامك صعب بجد ومؤثر، وحسيت قد إيه الألم اللي انت بتمري بيه. خليني أقول لك بدايةً إنك مش لوحدك، وحالتك دي مش غريبة ولا مستحيلة. في ناس كتير بتمر بأزمات نفسية وزي ما انتِ قلتي ممكن تكون ابتلاء من الله أو اختبار. أول حاجة عايزة أقول لك عليها هي إنك لازم تخلي إيمانك بنفسك وبقدرتك على التغيير أقوى من أي شيء تاني. كلنا بنمر بفترات صعبة وشعور بالإحباط، ولكن القوة بتكون في كيفية التعامل مع الصعوبات دي. خليني أحكي لك عن خطوات بسيطة ممكن تساعدك شوية: التواصل مع الله: حتى لو حاسة انك مش قادرة تدعي بحرارة، افتحي قلبك لله وقولي كل اللي جواكي ببساطة. الله بيسمع وبيفهم حتى لو دعائك كان ضعيف. الحصول على الدعم: كلمي مع أمك، أبوك، أو حتى مدرسة تحبيها وتثقفي بيها. الدعم المعنوي من الناس اللي حواليك مهم جدًا. تحديد الأولويات: ممكن تكوني بتحاولي تفعلي كل حاجة مرة واحدة، حاولي تركزي على قطعة قطعة. مثلا، حطي هدف يومي صغير زي أنك تذاكري موضوع بسيط أو تقرأي صفحة واحدة من المصحف بتمعن. الراحة والاسترخاء: أوقات عدم التوفيق ممكن تكون نابعة من الإجهاد والتوتر. خدي وقت ترتاحي فيه وتعملي حاجة تحبيها بعيد عن الدراسة. طلب المساعدة الطبية: لو حاسة إن الضغط النفسي كبير جدًا ومش قادرة تتعاملي معاه، ممكن تفكري تتواصلي مع أخصائي نفسي أو معالج للحصول على الدعم الضروري. فكري إن كل مرحلة صعبة بتمر، ولكن مهمتك هي التركيز على إنك تتحسني يوم بعد يوم. افتكري كم النعم اللي عندك وكوني ممتنة ليها. بجد حاول تتعلقي بالأمل لأنك تستحقي حياة أفضل بإذن الله. أنا هنا لو احتجتي أي مساعدة تانية أو دعم نفسي، متقلقيش من الحاجة الطيبة اللي جواكي وكلنا معاكِ. ربنا يكون في عونك ويهديك لطريق الهداية والصواب.
تم النشر الأربعاء، ٣ يوليو ٢٠٢٤
ممكن يكون حسد او ابتلاء من ربنا او بيختبرك بدينك من احبه الله ابتتلاه فانتي حاولي بقي وعدي الأزمة ومتضعفيش وثقي فنفسك وفربنا و شغلي قرآن واتكلمي مع حد قريب منك اشكي همك ليه وصاحبي ناس شاطره تشجعك علمذاكره
تم النشر الأربعاء، ٣ يوليو ٢٠٢٤
لا حول ولا قوة إلا بالله العلي العظيم استغفري كتير
تم النشر الأربعاء، ٣ يوليو ٢٠٢٤
لعرض السؤال في فدني اضغط هنا