هو انا ليه مؤخر بدأت ادقق في ملامح الناس (الولاد) يعني اقول ياريت خطبيبي في الشكل دا ملامح صغيره مثلا بدل الملامح الكبيره مثلا هو عشان مناخيره طويله شويه ف خايفه تكون وراثه من والدهم هو كدا خطيبي مش مالي عيني ولا اي ممكن تفهموني خايفه اخده وأفضل مدايقه ولا اخده وبكرا هتعود ولا اي اهم حاجه الأخلاق وانه هيحترمني قدام الناس ويقدرني دايما وبيعرف يحتويني بس مدايقه من كتر ما انا ادقق في واركز في وسوش الشباب مع ان الشباب اصلا الي بدقق فيها شكلهم عادي اصلا
اهلي بيقولوي شكله حلو بكرا تتعودي ع شكله والشكل قدام بيتغير مش مهم الشكل
اهلي شايفين ان دا سبب تافه لأنهم خايفين عليا يعدي ليا العمر وانا عمري 23 سنه
مهم جدا انك تكونى متقبلة شريك حياتك الى هتبقى عايزة تقضى حياتك معاه لو موضوع المناخير مضايقك اوى وفعلا مش عارفة تعديه ده مش هيخليكى عارفة تتعاملى معاه فى ناس لما بتحب بتشوف العيوب مزايا وفى ناس مبتقدرش أنها تقبل حاجة معينة وتخليها بعد كده متحبش الإنسان ده بسببها انتى اقعدى مع نفسك وبصى لصور خطيبك وشوفى هل انتى منجذبة ليه فعلا ولا لا من غير مقارنات بحد تانى لو لقيتى نفسك مش منجذبة صارحيه. الانجذاب ركن مهم جدا فى علاقة الجواز الصحي..لأن العلاقة بتتبنى على ٣ حاجات الانجذاب والصداقة (وده اننا نكون بنعرف نعمل حاجات مع بعض ونتكلم ونتناقش ونلعب ونخرج وكده) والالتزام (وده انى التزم بأنى فى علاقة بالشخص ده ومش اى حد تانى وبعمل إلى عليا فى العلاقة)
تم النشر السبت، ٣٠ مارس ٢٠٢٤
بداية موضوع الوراثة ده مش تحت تحكم أي حد، الوراثة عموماً مصطلح مش معناه إن كل حاجة بيتم توارثها بتشتغل، بمعنى لو فيه أب طويل و أم طويلة ممكن الإبن يطلع قصير عادي لأن جده للأب مثلاً كان قصير بس الموضوع ده متوارثش عند أبوه ف ده مش في تحكمك، الحاجة التانية إنك متأثرة زيادة بالاعلانات بتاعت الفترة دي و السوشيال ميديا لأن معظم الناس الفترة دي بتتريق على موضوع المناخير الطويلة و على الناحية التانية بيجيبوا شباب حلوين يعملوا إعلانات على القنوات، ف هم بيظهروا بصورة كويسة اوي كأنه مفيهوش غلطة بس ده اللي ظاهر، خلاصة القول إن مفيش حد كامل غير الله عز وجل و كل واحد فيه مننا مشكلة، أهم حاجة يكون دينياً و أخلاقيا كويس و يراعي ربنا فيكي، وربنا يرزقك الذرية الصالحة إن شاء الله و يرزقك الخير أينما كان
تم النشر السبت، ٣٠ مارس ٢٠٢٤
الإنسان ليس بشكله بل بااخلاقه وعلمه يأايها الإنسان ماغرك بربك الكريم الذي خلقك فسواك فعدلك في أي صورة ماشاء ركبك صدق الله العظيم
تم النشر الأحد، ٣١ مارس ٢٠٢٤
ربنا امرنا بغض البصر طول مانتي مش بتغضي بصرك وبتبصلي لكل الولاد فانت عمرك ما هيملى عينيكي راجل فا غضي بصرك دائما الولاد الي ماشيه فشارع قرايبك صحاب اخواتك اي كانو مين كان في راجل بيقول ان مراته دي جميله جدا جدا جدا مع ان شكلها عادي مش حلو ولا وحش بس هو بيغض بصره فا شايف انها أحلى وحده فلعالم انما لو كان بيبص على الي رايحه والي جايه والله لو متجوز ملكه جمال الكون ما هتملى عينو وهتلاقي بيخنها بعدين او بيطلقها او او لانو شويه تعجبو دي وشويه تعجبو دي وشويه تعجبو دي فانت نصفس النظام لو فضلتي تبصى على كل الشابب لو اتجوزتي اجمل راجل. مش هيعجبك وتقولي يارتني اتجوزت الاحلى فا غضي بصرك وقربي من ربنا اكتر
تم النشر الأحد، ٣١ مارس ٢٠٢٤
الشكل مش اهم حاجة بس ده ميمنعش انو مهم بس لو مش حابه شكله يبقى خلاص لأنه مهما عملك هتفضل النقطه دى قدامك دايما ومش هتخليكى شايفه اى حاجه تانيه حلوه وهتظلميه وتظلمى نفسك
تم النشر السبت، ٣٠ مارس ٢٠٢٤
الشكل مش مهم المهم الحب وانو بيحبك و هيحترمك قدام الناس دي بالدنيا و هتخلي الناس مش تقول شكل و مش شكل هتقول ياريت عندي واحد زيها بيحبها و يحترمها و متقدميش البلاء قبل وقعه العالم هو الله ممكن ولادك يطلعوا شبهك انتي أو شكلهم ياخد منك شويه و من ابوهم شويه و يطلع شكلهم قمر و كل خلقه ربنا في الاول و الاخير حلوه مضيعيش خطيبك من ايدك
تم النشر السبت، ٣٠ مارس ٢٠٢٤
الشكل م مهم الشكل بيتغير اما بدل بيحبك راعي ربنا فيه بس بدل انتي م عوزاه م تجبري نفسك ع حاجه
تم النشر الاثنين، ١ أبريل ٢٠٢٤
لعرض السؤال في فدني اضغط هنا