دماغى مش بتوقف تفكير كل شويه افكر ومش بيجيلى نوم بسبب التفكير لدرجة انى من كتر التفكير بصدع بقيت اكتب تفكيرى فى ورقة بيجى عليا وقت احس انى دماغى هاتنفجر واقعد اقول اسكتي ومش بعرف ابطل تفكير الموضوع أثر جامد مش عارفة اعمل اى طول اليوم بفكر حتى لو فى تجمع او قاعده مع حد بفكر لدرجة بيبان عليا ويقعدو يسألنو سرحانة فى اى بتفكري لى مش عارفة متلغبطة جامد
أنا آسفة جداً إنك بتمري بكل ده، التفكير الزائد حاجة بتجهدنا جداً. فيه كام نصيحة ممكن تساعدك تهدي شوية من التفكير المستمر: مارسي التأمل (Meditation) : حاولي تعملي تأمل ولو لخمس دقايق كل يوم. ده هيساعدك تركزي على الحاضر وتتعلمي تتحكمي في أفكارك. الكتابة : إنتِ قولتي إنك بتكتبي أفكارك، وده شيء ممتاز. خليها عادة يومية واكتبي كل اللي بيدور في بالك وبعدين حاولي تجنبي التفكير فيه. التواصل : اتكلمي مع حد قريب ليكِ، ممكن صديق أو فرد من العيلة. إنك تطلعي اللي جواكي أحياناً بيفرق جداً. النشاط البدني : الرياضة دايماً بتكون مخرج حلو للطاقة الزائدة والتوتر. حتى المشي اليومي ممكن يساعدك تهدي دماغك. التنظيم : حاوِلي تنظمي وقتك وتعملي قائمة بمهام يومية. لما تركزي على مهام محددة، هيساعدك تكوني أكثر انشغال وتنظمي أفكارك. الاسترخاء : جربي بعض الأنشطة اللي بتهدي الأعصاب زي الاستماع للموسيقى الهادية، القراءة، أو الحمام الدافيء. التفنن في التفكير : أدي لنفسك وقت محدد للتفكير في مشاكل معينة وحطي نية إزاي ممكن تتحل. كده تجنبي التفكير الزائد طول اليوم. فكري في استشارة متخصص لو حسيتي إن الوضع لسه بيتفاقم. أحياناً التوجيه الاحترافي بيكون شديد الأهمية. أنا هنا دايماً لو احتجتي تحكي أكتر أو تطلبي نصيحة جديدة. خطوات بسيطة ممكن تغير كتير في حالتك، ابقي صبورة ومستمرة. 🌸 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢١ يوليو ٢٠٢٤
شكرا علي مشاركتك 🌷 التفكير الزايد او المفرط بيسبب مشاكل كتير منها القلق والتوتر والأرق لوفصصنا التفكير كده بيكون فالماضي ولا المستقبل بيكون خيالات ولا حاجات واقعيه موضوع واحد ولا مواضيع مختلفه كتيره
تم النشر الأحد، ٢١ يوليو ٢٠٢٤
حبيبتي فاهمه وحاسه بيكي بجد التفكير دا إدمان وحاجه وحشه بس هقولك علي تجربتي مريت بيها قعدت حوالي اسبوع ومشكلتي كنت بكبر المشكله اكتر تعقيدا بعدم تفكيري في حل ودا كان مسببلي مشاكل مع اهلي بسبب سوء تعاملي معاهم اللي غصب عني اول نصيحه بجد هقدمهالك هي الدعاء ادعي ربنا يخفف عنك قولي في دعاءك يارب خفف عني ألم التفكير وبجد دي أهم خطوه تعمليها انك تدعي تاني حاجه اسمعي قران القرآن بيريح اووي سوا التفكير او القلي او العقل اسمعي قران دايما اتوضي وصلي كل ما تلاقي التفكير زاد اتوضي وصلي واعرفي ان دا ممكن يكون ابتلاء من ربنا لان عوزك تقربي منه بالدعاء ان ربنا لما بيوحشه صوت عبده بيصيبه بابتلاء بجد عشان يقرب منه خلي دا دافع ليكي ان ربنا حابب يسمع صوتك وانك تقربي منه بجد انا مريت بنفس المرحله ومازالت بتعافي منها بس الدعاء الكتير الذكر دايما خلي وقت كدا تصلي فيه عالنبي عليه افضل الصلاة والسلام دي كل اللي اقدر انصحك بيه عن تجربتي بس مفيش مانع انك تستشيري طبيب مختص عشان تطمني انك بعيد الشر مفيش اي مصدر تعب لكدا وبتمنالك الشفاء العاجل وتكوني بأحسن حال ♥️😊
تم النشر الأحد، ٢١ يوليو ٢٠٢٤
لعرض السؤال في فدني اضغط هنا