السلام عليكم
كنت بشتغل فى شركة بمجال دراستى وبصراحة مبحبش المجال ومن ساعة ما اشتغلت وانا بفكر اسيب الشغل فضلت فى الشغل ٦ شهور وكنت بغيب ومديرى عملى لفت نظر وقبل ما قررت أمشى رفدنى وكأنى ما صدقت مع العلم كان فى فرصة ارجع على طول ومن زمايلى بس انا كنت مصمم ما ارجعش وبعد كام شهر المهندس كلمنى وكان فى زميل ليا كان مشى وطلبو منه يرجع زى ماطلب منى فرجعت معاه ورحت واشتغلت طول اليوم وقررت فى الاخر مش راجع تانى واصلا انا رجعت علشان زميلى رجع.
والمشكلة بقى انى مش عارف اشتغل ايه وفين وعلى مدار المدة اللى انا قعدتها إلى الآن لما بنزل ادور على شغل مرات أسأل ومرات ماسألش خالص والف واعدى من قدام الشركات وما اسألش ومرات حد من صحابى بيدور على شغل انزل معاه ندور مع بعض ونسأل وفى الاخر مفيش نتايج خالص حتى فى مرات بلاقى شغل ومنزلوش وبقدم على وظايف على النت فى شركات ولو جاتلي مقابلة مبروحاش وهى مرة مثلا كل شهر بدور.
ولما سبت الشغل كنت حاسس انى هعمل حاجة تانية، اي هى مش عارف ودخلت فى ٧ شهور دول دايرة خمول وكسل مش عارف اطلع منها وبحاول بس مش عارف اكسرها مع العلم انى ايام الشغل مكنتش واخد على روتين الصحيان والنوم بدرى وحاولت اتأقلم معرفتش وكنت بغيب كتير وبفكر كتير والنشاط عندى بالليل عالى حتى لو جايلى نوم وميال ومتعلق بالزراعة اوى فكريا بردو ومبنفذش فى اى حاجة ولا عارف ابدا فى ازاى كهواية حتى ولا بتعلم فى حاجة وطول الوقت بفكر فى اى حاجة وكل حاجة فى اى وقت بدون جدوى ومعنديش اى مصدر دخل خالص والموضوع ده عاملى تحديات كتير جدا ومش قادر ولا عارف اشتغل انا عارف ان دى مسؤليتى وإن شاء الله ليها حل الموضوع متعلق بمعنى حياتى مش لاقى المعنى بوضوح والحمد لله بصلى وبادعى بس نفسيا مشوش الفكر .وأرجو الإفادة شكرا
وعليكم السلام ورحمه الله وبركاته. طيب بص الازمه دي هي ازمه التزام ذاتي يعني ايه التزام ذاتي يعني احنا لما كنا بنروح المدرسه ايه اللي كان بيخلينا نروح الساعه 7:00 الصبح وما نروحش الساعه تسعه. علشان ده ميعاد المدرسه علشان احنا لو ما روحناش روحنا تسعه مش هدخلونا اصلا فهيروح على المدرسه هتروح علينا الدراسه هتروح علينا الامتحانات فاست هتروح مننا فالعواقب اللي احنا شايفينها قدامنا دي وعارفين ان احنا ما عندناش استعدادنا تحملها وهتكون صعبه علينا من الاتجاهات كثير كانت بتخلينا حتى لو بضربه جزمه بنقوم الساعه 7:00 الصبح نروح المدرسه فدي حاله حطيتنا في التزام حتى لو احنا من جوانا مش عايزين نلتزم تمام وجود نظام بيخلينا نلتزم دي بتكون الدافعه الاولانيه لحد ما الانسان يوصل لدرجه من النضج كده اا في الحته دي ويكون هو لوحده عنده التزام ذاتي يعني مش لازم يكون في نظام. هو اللي بيقول له انت لو مجتش هيحصل وهيحصل وهيحصل او لو ما جيتش في الميعاد ده هيحصل هيحصل هيحصل وبيبقى اقوى منه لنفسه علشان نحترم العواقم اللي هو مش حابب انها تحصل او علشان مصمم يوصل لهدف معين فبناء عليه بيقوم هو يلتزم لوحده يعمل الحاجه لوحده من غير ما يكون في نظام يلزم طب انا لحد ما اوصل للحاله الجميله دي وابقى ملتزم ذاتيا كده مع نفسي اعمل ايه؟ ادخل نفسي انا بنفسي جوه نظام لكن لما هكون بهرب من كل حاجه هلاقي نفسي مخي ما بيستحملش ان هو يقعد ما يعملش الوظيفه بتاعته عقلنا الوظيفه بتاعته ان هو يفكر ان هو ينفذ. وهكذا فانا دلوقتي مش بعمل حاجه فمخ يعمل ايه ويطلع شويه افكار ويشوف طريقه تنفيذها ايه ويقول لي عليها المفروض يسيب لي الباقي انا الباقي ان انا اخذ ايه المنتج اللي طلعه مخي ده الفكره وتنفيذها وابدا فعلا انفذها انا بقى ما بعملش حاجه خلاص هو مخي خلص الايه الوظيفه بتاعته وتعب وهنخش ننام ونصحى ثاني يوم نعمل نفس القصه علشان نكسر الدايره دي احنا محتاجين ننفذ اي حاجه فعليا. بنعمل شويه تمارين بسيطه اولها هو ان لما بتجي لنا فكره او ما بيبقى في حاجه قدامنا نقوم ننفذها حتى لو حاجه بسيطه يعني اقول لك ابسط حاجه انا دلوقتي بقلب في السوشيال ميديا وقفت قدام فيديو. بيوريني ازاي اعمل بطاطس مهروسه؟ انا اتفرجت على الفيديو صح بما اني اتفرجت عليه انا مش هتفرج على الفيديو اللي بعديه ومش هقلب الا لما اقوم انفذ اللي انا شفته ده اللي انا يعني اتشديت ليه واهتميت بيه وكملت الفيديو للاخر وشفت الطريقه تمرين على تمرين حاجات بسيطه زي دي جات لي فكره دلوقتي انا عندي فكره دلوقتي ان انا هقوم اصلح الحاجه اللي مكسوره دي. ومتسابه بقى لها كثير وهطلعها بالطريقه الفلانيه انا مش هاجل بقى انا طالما خلاص خلصت الفكره في دماغي وفكرت فيها بشكل معين انا هقوم انفذها. لو انا عملت ده مع نفسي مره على مره اجبارا وهيبقى تقيل في الاول والكسل هيبقى هو اللي بيقومني بس لو انا عملت ده مره مع مره هتبدا تلاقي مشكله انك تروح وتقدم وتحط نفسك في سيستم الشغل حتى لو سيستم الشغل ده تقيل عليك عشان الصحيان بدري وهكذا هتقدر تروح تشوف سيستم شغل ممكن يكون بيبقى متاخر شويه او هنا تكون اساسا شفت مسائي يعني الحلول موجوده بس انت لازم تجبر نفسك على الخطوه دي وتحط نفسك في سيستم الشغل لحد ما انت يكون عندك التزام ذاتي.
تم النشر الأربعاء، ٢ أكتوبر ٢٠٢٤
"لو ركّزت على اللي ضاع منك عمرك ما هتشوف اللي بيستناك.. شوف رزقك الدنيا واسعة." ڪلنا بنحزن ، وڪلنا بيصعب علينا نفسنا في أوقات ، وبينڪسر بخاطرنا في أوقات ، من الضعيف فينا للأجمد بيحزن ، مافيش استثناء في الأمر دا ، ودا حقڪ ، ازعل شوية وعيط شوية ، ودبدب في الأرض ڪمان ، بس حاول متخليش الحزن يسحبك ويخليك جزء منو ، خد وقتك في الحزن ، بس متطولش.. يقول عمر بن الخطاب : "لو عرضت الأقدار على الإنسان لأختار القدر الذى أختاره الله له."حُسن التوكل على الله والظن بالله، هو الذي يجعلنا نحتسب كل ما يصيبنا عنده، ويجعلنا موقنين أن ما أصابنا هو الذي كان يجب أن يكون، لحكمة لا يعلمها إلا الله
تم النشر الأربعاء، ٢ أكتوبر ٢٠٢٤
وعليكم السلام ورحمة الله وبركاته، أخي الكريم، أشعر بمعاناتك وأتفهم الموقف الصعب الذي تمر به. الفقدان المفاجئ للعمل والبحث عن فرص جديدة قد يكون تجربة محبطة للغاية، لكن من المهم أن تدرك أنك لست وحدك في هذا. من الواضح أنك تعاني من فقدان الدافعية والخمول، وهذا قد يؤثر على قدرتك في البحث عن وظيفة جديدة. إليك بعض الخطوات العملية التي قد تساعدك: اجمع نفسك : حاول تحديد أهداف قصيرة المدى، مثل تحسين روتينك اليومي. يمكنك البدء بوضع وقت ثابت للاستيقاظ والنوم، وهذا سيساعد في تكوين نمط صحي. تحديد اهتماماتك : إذا كنت تميل إلى الزراعة، ابحث في كيفية الانخراط في هذا المجال. يمكنك تعلم مهارات جديدة تتعلق بالزراعة سواء عبر الإنترنت أو من خلال الندوات المحلية. تطوير مهارات جديدة : استغل الوقت المتاح لك في تعلم مهارات جديدة قد تفيدك في العمل. هناك العديد من المنصات التعليمية المجانية والمدفوعة التي يمكن أن تعزز من مهاراتك. البحث عن فرص تطوعية : التفكير في التطوع قد يمنحك شعورًا بالإنجاز ويساهم في إعادة بناء ثقتك بنفسك. توسيع دائرة الشبكات : حاول التواصل مع الأصدقاء والمعارف في مجالات مختلفة ولا تتردد في طرح الأسئلة حول الفرص المتاحة. استشارة متخصص : إذا كنت تجد نفسك غير قادر على التحرك من هذا الوضع، ربما يكون من المفيد التحدث مع مختص في التوجيه المهني أو مدرب حياة لمساعدتك في وضع خطة محددة للمستقبل. تذكر أن الله سبحانه وتعالى يفتح أبوابًا جديدة لمن يسعى ويثابر. اجعل هدفك هو اتخاذ خطوات صغيرة تقترب بك من تحقيق ما تريد. أتمنى لك التوفيق في مسيرتك، ونسأل الله أن يرزقك الفرصة المناسبة قريبًا.
تم النشر الثلاثاء، ١ أكتوبر ٢٠٢٤
لازم تحب المكان ال هتكون فيه وتتاقلم وتصحي بدري ونشوف شغلك لأن دي مسئوليه كبيره ولما تيجي تفكر انك ترتبط هي هتبص لشغلك ومستقبلك ولازم تدور ع نفسك عشان محدش هيدور عليك وكمان لازم تبقي عارف مبداك وعارف رايح فين وجاي منين عشان متتعبش ال معاك وتكون الحياه سهله وكويسه مع شريكك وأولادك يكونوا فخورين بيك
تم النشر الخميس، ٣ أكتوبر ٢٠٢٤
انت تايه ومحتاج حد يبفوقك اولا ماحدش لاقي شغل في ظل الظروف اللي البلد بتمر بيها وماخدش بيشتغل اللي هو بيحبه واللي بيشتغل بيضطر يستحمل اي حاجه لانه محتاج وشخص مسؤل ولان ٩٩٪من الشعب ماعندوش رفاهيه إنه يشتغل الحاجه اللي بيحبها او انه يغير الشغل وقت ما يحب فبيشتغل اي حاجه لو انت كنت حاسس انك مسؤل فعلا ماكنتش سيبت الشغل او علي الاقل لما رجعت كنت كملت او كنت دورت علي شغل بجد مش مجرد انك بترضي ضميرك وتقول انا نزلت دورت لكن مالقتش حاجه مناسبه ثانيا انت كدا بتضيع وقتك طاقتك مستقبلك حياتك في اللاشيء ومش هاتفوق غير وانت بتبص في المرتبه وتلاقي نفسك كبرت وعمرك ضاع في ولا حاجه ولا اي شئ تقدر تقول انا عملت دا ثالثا قرب من ربنا ناوادعيه يهديك سواء السبيل ويدلك علي الطريق الصح رابعا لو انت مصاحب ناس محبطالك او بتتكلم بشكل او اسلوب محبط ويأس ابعد عنهم لانهم اكيد هايأثرو عليك اختار اصحابك لان الصاحب ساحب
تم النشر الثلاثاء، ١ أكتوبر ٢٠٢٤
ممكن
تم النشر الثلاثاء، ١ أكتوبر ٢٠٢٤
شكرا على تعليقك انا بعيد عن صحابى ومفيش حد محبطنى ومبتكلمش سلبى بالعكس كلامى ايجابى وبالنسبة ان البلد مفيش فيها شغل لأ فيها شغل ومع كل احترامي نظرتك سطحية للموضوع
تم النشر الثلاثاء، ١ أكتوبر ٢٠٢٤
لعرض السؤال في فدني اضغط هنا