بقالي بالظبط 7شهور عندي ضيق تنفس وصعوبه في التركيز وبقيت اسرح كتير حاجه كدا زي احلام اليقظه المهم اني انا دلوقتي ف ثانويه عامه علمي علوم حرفيا ضيعت السنه في كوني خايف من ضيق التنفس دا وحرفيا بعد طول اليوم نفسي تقيل وعندي نهجان وخوف من الموت...
أفهم تمامًا مشاعرك الصعبة والتي قد تتسبب في شعورك بعدم الراحة والقلق. ضيق التنفس وصعوبة التركيز يمكن أن تكون من الأعراض المرتبطة بعدة عوامل، سواء كانت جسدية أو نفسية. من المهم أن تتوجه إلى طبيب مختص لتقييم حالتك بشكل دقيق. يمكن أن يكون للشعور بالقلق والخوف تأثير كبير على صحتنا النفسية، وقد يؤدي إلى أعراض جسدية مثل ضيق التنفس. أدعوك إلى مراجعة طبيب مختص في الأمراض التنفسية أو طبيب نفسي للحصول على التشخيص الصحيح والعلاج المناسب. لا تتردد في الطلب المساعدة، فالصحة النفسية لا تقل أهمية عن الصحة الجسدية. كما يمكنك التحدث إلى شخص تثق به عن مشاعرك، مثل أحد أفراد العائلة أو الأصدقاء. تذكر أنه من الطبيعي أن تشعر بالقلق في أوقات الضغط، لكن عليك التركيز على تحقيق أهدافك الدراسية من خلال تنظيم وقتك، وطلب الدعم من المعلمين أو الزملاء. احرص على رعاية صحتك النفسية والجسدية، وهذا سيساعدك كثيرًا في تجاوز هذه الفترة الصعبة.
تم النشر الجمعة، ٢٨ فبراير ٢٠٢٥
السلام عليكم ورحمه الله وبركاته واضح جدا انه ضيق التنفس ده مرتبط بالتوتر عشان خاطر المذاكره ومرحله الثانوي وانه خلاص المستقبل كله بقى متوقف على اللي هيحصل في ثانويه عامه فاحنا محتاجين ان احنا نحط لنفسنا روتين هادي نعرف إن مستقبلنا في الاول وفي الاخر في يد ربنا احنا علينا السعي بنعمل كل اللي في ايدينا مش بنقصر علشان ما نرجعش نلوم نفسنا على اي حاجه وبنحط يعني نظام يكون متوازن نظام ده هيكون بنذاكر فيه وفي نفس الوقت بناخد وقت نفصل فيه ووقت نرفه فيه عن نفسنا التوازن ده بيكون افضل بكتير جدا من ان احنا نضغط نفسنا او ان احنا نبقى منعملش حاجه غير ان احنا بنذاكر. لانه التوازن مهم في كل شيء فاحنا بس محتاجين نعمل ده عشان نتخلص من التوتر نعرف انه. فرضا ان في حاجه حصلت والنتائج ما كانتش احسن حاجه طيب ايه اللي هيحصل الدنيا هتخلص لا هي الدنيا ما تخلصش عند الثانويه العامه ضروري جدا نكون مفتحين عينينا على الكلام ده لانه الكلام ده هو اللي هيخليني انا دور نكون هادين نعرف انه احنا كل اللي احنا محتاجين نعمله نركز في الوضع الحالي وبس قلقنا من المستقبل مش هيغير حاجه في المستقبل خالص بالعكس احنا ممكن نأثر في نتيجة المستقبل لو احنا مركزناش في الحاضر بكل هدوء، ومنقلقش على المستقبل لأنه في إيد ربنا، فضيق التنفس ده واضح جدا إنه حالة التوتر دي، أحلام اليقظة غالبا كلها مرتبطة بيا ترى ممكن يحصل لي إيه لو منجحتش أو مجبتش مجموع كويس فقاعدين عمالين بنحلم بكرة ممكن يحصل فيه إيه والتخيلات السيئة طبعا بتخلينا ييجي لنا ضيق تنفس وبنتضايق لأن احنا بنستحضر حالة الحزن فمش محتاجين نعمل ده، خوف بقى من الموت لأ احنا محتاجين نعرف احنا خايفين من الموت ليه.
تم النشر الاثنين، ٣ مارس ٢٠٢٥
السلام عليكم، غالبًا الموضوع له علاقة بالثانوية العامة وشعورك بالتوتر والأعراض احتمال تحس إنها بتزيد كل ما الوقت بيعدي وتقرب من موعد الامتحانات. ضيق النفس والنهجان ده من التوتر والقلق، والشرود وأحلام اليقظة ده هروب من عقلك عشان متفكرش في ضغط المذاكرة والمسؤولية اللي وراك. ** محتاج تتعامل مع التوتر ده وتقعد مع نفسك كذا جلسة، كل يوم نصف ساعة أو حتى 10 دقائق تبرمج فيهم أفكارك وتعمل تمارين تنفس واسترخاء. ** اقعد مع نفسك وفكر في الوضع اللي أنت فيه، إيه الفائدة اللي هتعود عليكِ من توترك وخوفك؟ هل هتخليك تنجز حاجة في دراستك؟ بالعكس، هتضيع وقتك وتمنعك تركز مع مذاكرتك وتأثر سلبًا على أدائك في الامتحانات بعد كده. اسأل نفسك، إيه أسوأ حاجة ممكن تحصل لو لا قدر الله متوفقتش في الامتحانات؟ هل هي نهاية العالم؟ هل مستقبلي فعلا هيكون ضاع؟ هي مش سنة مصيرية وانت اللي بتصنع نجاحك بغض النظر عن الكلية اللي هتدخلها وكل اللي مطلوب منك تعمل اللي عليك ومتفكرش دلوقتي في النتيجة. ** طب هو فات الأوان أصلا؟ أكيد لأ، لسه قُدامك وقت تنجز وتنجح إن شاء الله بس فكر في مصلحتك وبلاش تضيع وقت. __ استغل شهر رمضان عشان تظبط نفسيتك وتقرب من ربنا أكتر وتستعين به ولازم تعرف إنه لا حول ولا قوة إلا به. فعشان تغير من حال لحال لازم تلجأ لربنا وعشان تملك القوة عشان تغير حالك للأفضل لازم تلجأ لربنا. بالتوفيق إن شاء الله.
تم النشر الاثنين، ٣ مارس ٢٠٢٥
ده ليها علاقة بحاجة بتوترك ومقلقاك طول الوقت وانت مش مدرك ده، ممكن ضغط الثانوية العامة او مشكلة في البيت والحل انك تقعد لفترة مع نفسك كده وتسترخي لمدة ساعة مثلا ومتفكرش في اي حاجة خلال الساعة ديه، وحط في بالك دايما ان الثانوية العامة او أي حاجة موجودة في الدنيا متستهلش صحتنا وطاقتنا غير طاعة ربنا وحدها هي ديه اللي تستاهل الاهتمام، ويفضل انك تتابع مع دكتور نفسي لو الموضوع تطور
تم النشر السبت، ١ مارس ٢٠٢٥
الصيام علاج
تم النشر السبت، ١ مارس ٢٠٢٥
لعرض السؤال في فدني اضغط هنا