السلام عليكم
انا بنت عندي 17 سنه مرتبطه بشاب و هنقرأ الفاتحه كمان 3 شهور انا بحبه جدا و هو كمان بيحبني جدا و عايز يخليني أسعد انسانه هو اخلاقه حلوه و عارف ربنا و اهلي بيحبوه
انا كنت قبل ما ارتبط بيه بفتره كبيره كان ليا علاقات مع شباب على الانترنت وكنا بنتكلم في كلام جنسي بس انا تبت و بعدت عن كل ده لان عاوزه اصلح علاقتي بربنا بس جيت امبارح كلمت شاب كنت علي علاقه بيه و اتكلمنا في كلام جنسي وعملنا العاده السريه مع بعض انا مش عارفه ليه عملت كده ولا كان فين عقلي و حاسه بندم شديد وتأنيب ضمير و حاسه اني خنت الانسان اللي بحبه انا ندمانه اوي و مش عارفه اتصرف ازاي انا تبت تاني بنيه اني مش هكلم اي شاب في حاجه زي كده و نفسي ربنا يفضل معايا مع العلم انا بصلي علي طول و مش مقصره
بس حقيقي مش عارفه ليه عملت كده و كان فين عقلي انا حاسه اني انسانه مش كويسه و رخيصة علشان اعمل كده في حد بيحبني انا من وقتها و عندي صداع مش طبيعي و عماله اعيط اتمني حد يساعدني
احذفي السوشيال ميديا و خلي توبتك صادقة لأن دايمآ هيكون فيه ناس قذرة هتحاول تكلمك في امور زي كده و خدي نصيحة مني اوعي ثم اوعي الشيطان يوزك و تقولي اقوله و اعترف له و ممكن يسامحني لان ده مش هيحصل ربنا سترك متشيلش الستر من على نفسك بنفسك و استغفري ربك كتير و ادعي انه يشفيكي من المرض ده
تم النشر الاثنين، ٣ فبراير ٢٠٢٥
السلام عليكم، ربنا يغفر لك ويثبتك على التوبة. استعيني بالله وادعيه كتير يقويك ويثبتك وخذي بالأسباب... شوفي إيه الحاجة اللي حصلت ودفعتك تفتحي وتتواصلي مع الشاب ده وترجعي للذنب. أكيد فيه حاجة... فيه سبب حتى لو مش واخدة بالك. تخلصي من أي طريق بيسهل عليكِ الرجوع للمعصية دي. المهم دلوقتي، ندمك الشديد دلوقتي عشان عصيتِ ربنا من تاني ولا عشان إحساس إنك خُنتِ الشخص اللي بتحبيه؟ المفروض ندمك يكون بسبب رجوعك في توبتك وذنبك في حق ربنا مش لأنك خنتِ زي ما بتقولي... مش بقلل من شعورك تجاه الشخص ده لكن ميكونش هو مركز إحساسك الشديد بالذنب والكره لنفسك عشان غلطتِ. وبرأيي الشخصي، شايفة إنك لسه صغيرة من ناحية على قرار الارتباط ومن ناحية تانية محتاجة تتخلصي تمامًا من موضوع الشات والكلام في الجنس قبل ما تقرري تتزوجي لأن للأسف ممكن بعد الزواج لا قدر الله لو حصل أي ظروف أو تعرضتِ لضغوط في حياتك تلجأي له كنوع من الهرب أو إذا كان فيه جزء إدمان ناحيته وساعتها هتبقى مشكلة أكبر بكتير. ** خدي وقت مع نفسك وإذا مشيتِ في موضوع الخطوبة فبلاش تسرع برضه واستغلي الوقت قبل الزواج في علاج مشكلتك وتطوير نفسك وشخصيتك، اتعلمي أكتر وافهمي مسؤولية الزواج وإزاي تكوني زوجة مسؤولة وقادرة على إنشاء أسرة سليمة. الشخص اللي بتحبيه حتى لو إنسان أخلاقه عالية زي ما بتقولي حاولي تلتزمي معه بأخلاقيات الخطوبة ويكون فيه حدود بينكم لأنه لحد لما يتم زواجكم يظل شخص أجنبي عنك زيه زي الشباب الباقيين. ** نصيحة أخيرة، بلاش تخلي الندم يهلكك... ارجعي لربنا وحاولي تثبتي على التوبة وإن شاء الله ربنا يتقبل منك ويبعد عنك كل سوء.
تم النشر الأربعاء، ٢٩ يناير ٢٠٢٥
نصيحه صادقه مني احذفي البرامج والحاجات الي تخليكي تحتكي باي ولد وتخليكي تمشي في طريق سوء وخلي توبتك صادقه انا مقصدش حاجه بس لو كان في بدايه الامر كانت توبتك صادقه كان مستحيل ترجعي فيها فتقربي اكتر لربنا وكل ما تقربي اكتر لربنا كل ما هيبعد عنك التفكير السيئ ده وهيحميكي من ارتكاب اي معصيه امشي بنصيحتي وان شاء الله كلو هيبقى تمام
تم النشر الأحد، ٩ فبراير ٢٠٢٥
اظن الاجابات على سؤالك شافية و وافية بس لفت انتباهي انك ناوية ما تكلميش حد في الحاجات دي مرة ثانية!!! انتي المفروض ما تكلميش حد ثاني أصلا لا في الحاجات دي و لا في أي حاجه لانه ده دايما هو البداية اللي هترجعك مرة ثانية توقعي في نفس الذنب. ما ينفعش تكلمي شباب من ورا خطيبك اللي هو هيبقى جوزك قريبا. مجرد انك تكلمي اي حد ده يعتبر خيانه طالما هو ما يعرفش. وربنا يثبتك
تم النشر الأربعاء، ٢٩ يناير ٢٠٢٥
وعليكم السلام ورحمة الله وبركاته، أختي العزيزة، أولاً، أود أن أهنئك على قرارك بالابتعاد عن العلاقات التي لا تتماشى مع قيمك ومبادئك. التوبة من الأمور العظيمة، والله يحب التوابين. أشعر بمعاناتك وندمك، وهذا شعور طبيعي عندما نشعر أننا خذلنا أنفسنا أو شخص آخر. لكن، يجب أن تعرفي أن الإنسان معرض للخطأ، والمهم هو كيف نتعامل مع هذا الخطأ. أنت قد قمت بخطوة إيجابية بالتعبير عن ندمك ورغبتك في تغيير سلوكك. إليك بعض النقاط التي قد تساعدك: التوبة : استمري في طلب المغفرة من الله وكوني صادقة في توبتك. الإسلام يشجع على التوبة ويعلمنا أن الله رحيم وغفور. تعزيز العلاقة مع الله : حاولي أن تجعلي علاقتك مع الله أكثر قوة من خلال الصلاة والدعاء والقراءة في القرآن. ابحثي عن العوامل التي تساعد في تعزيز روحانيتك. التحدث مع شخص موثوق : ربما يكون من الجيد التحدث مع والدتك أو أحد أفراد عائلتك الذين تثقين بهم. مشاركة مشاعرك مع شخص آخر قد يساعدك كثيراً. تجنب المثيرات : من المهم تجنب المحادثات أو الناس الذين قد يدفعوك لإعادة الرجوع إلى سلوكيات غير صحية. حافظي على المسافة بينك وبين ما يؤذيك. فكري فيما تريدين : حاولي التفكير في أهدافك وما تنوين تحقيقه في حياتك. من المهم أن تتركي خلفك ما هو سلبي وتصبحي شخصاً أفضل لنفسك ولعلاقتك بشريك حياتك. لا تدعي الشعور بالذنب يسيطر عليك، فهذا لن يفيدك. بدلاً من ذلك، استخدمي هذه التجربة كفرصة للنمو الشخصي. تذكري أنك إنسانة جيدة وتستحقين السعادة. أدعوك أن تتذكري أن السقوط أمر طبيعي، وما يهم حقاً هو كيف ننهض بعد ذلك. وفقك الله، وأنا هنا لدعمك.
تم النشر الأربعاء، ٢٩ يناير ٢٠٢٥
شوفي يا جميلة كلنا بنغلط ومحدش مبيغلطش وغلطاتنا متفاوتة عشان كده في حاجة اسمها التوبة وبما انك نويتي انك تتوبي توبة نصوحة حاولي تنسي وقولي انا غلطت والحمد لله عرفت غلطي ومتفكريش في الي كان بيحصل قبل كده ده هيخليكي تأنبي نفسك وممكن تلاقي نفسك بتقولي انا انسانة وحشة فعلا وترجعي للطريق ده تاني، وصدقيني بما انك بتفكري كده انتي انسانة نضيفة مش معنى انك غلطتي ان خلاص كده انتي وحشة ربنا لما بيستر العبد في حجات عملها بيبقا عايزه يرجع للطريق الصح واحمدي ربنا على كده وحاولي تحافظي على حياتك تكون كويسة وبإذن الله ربنا هيوفقك مع الشخص المناسب ليكي . بتمنالك التوفيق🤍
تم النشر الأحد، ٢٣ فبراير ٢٠٢٥
استمر في التوبة وصلي بالليل و الناس نيام .. ولاتفقد الأمل
تم النشر الجمعة، ٣١ يناير ٢٠٢٥
كلنا بنغلط المهم انك تبي انسي الماضي وديمن تستغفري ربنه كله بيغلط
تم النشر الجمعة، ٣١ يناير ٢٠٢٥
جلد الذات يعيدك الي الذنب اولا تصالحي مع نفسك ثانيا اعزمي على عدم العودة من جديد و ربنا يوفقك
تم النشر الجمعة، ٣١ يناير ٢٠٢٥
بالتوفيق إن شاء الله في اللي الجاي و ربنا يسهل ليكي الأحوال و حاولي تدعي ربنا يبعدك عن أي شر او تعب و كوني صادقه مع الشخص اللي بتحبيه و ربنا يتقبل منك
تم النشر الخميس، ٣٠ يناير ٢٠٢٥
لعرض السؤال في فدني اضغط هنا