سلام عليكم
امي تحبني بكثره وبزايده جدا اني بنتها صغيرة وانا فاشلة تقريبا في الكثير من الامور لكنها تقول عني انتي ناجحه ولدي تصرفات سيئة لكنها تبرر كل تصرفاتي سيئة على العكس في تعاملها مع اختي هي تكرها كره شديد مع علم هي انسانه نقية جدا ومودبة وهي طبية اسنان وناجحه ومودبة جدا لكنها تتعامل معها بقسوة ودائما تقول عنها كلام لا يليق بها وتتكلم عنها بسوء امامي ثم بعد كل هذا اختي خسرت دراستها لان فقدت حنان امي وهي على قيد حياة وخسرت شغفها بالدراسة وغيرها من الامور 😭😥 امي ما زالت مقتنعة تمام انها على حق وانها لم توذيها ابدا مع علم هي اذيتها بقسوة
حتى ان اختي حاولت الانتحار وامي لا تتعاطف معها اختي منكسرة من داخلها 😭😭😭💔 اخبروني كيف اتصرف ؟
خليكي انت الحنية الي اختك ملقتهاش في والدتك خليكي نت سرها و صاحبتها و سندها خليها ع طول حاسه انك معاها في اي حاجة و هتدعميها دايما و افرحي لنجاحها و ادعميها في إخفاقتها
تم النشر السبت، ٤ مارس ٢٠٢٣
هل والدك يحب اختك اكثر؟ او اختك تتعامل بشكل جيد مع احد الاقارب اللى تكرههم امك؟ انتى وماما شخصيتكم اقرب لبعض فى الاهتمامات وطريقة التفكير؟ هل اختك تبدى اعتراض كثير على بعض من تصرفات او قرارات ماما ؟
تم النشر السبت، ٤ مارس ٢٠٢٣
* اول حاجه انا اخترت السؤال دا بالتحديد عشان اعلق عليه بسبب اني بمر بتجربة شديدة الشبه بكلام حضرتك وجوابي هيكون من خلال التجربة اللي عندي أولا الام مريضة نفسياً بمرض مؤذي جداً ليها ولكل المحيطين بها المرض ممكن ثايكوباتية أو نرجسية ودي امراض خطيرة لأن صاحبها بيكون ذكي جدا وبيستخدم ده في الإضرار بالغير وهدم معنوياته وثقته بنفسه كمان بيقضي على طاقة الإنسان اللي بيتعامل معاه أو الضحية اللي في قصتنا اخت حضرتك المريض دا بيكون داااائم المكر والكيد والإساءة والتشويه مغرور وبيشوف أن كل شيء من حقه وبيتعامل مع الناس على أنهم اشياء يتحكم فيها ويوجهها لمصلحته بس مبيعملش حساب لمشاعر حد ممثل كبير يتفوق على اشهر الممثلين العالميين وافضل دور بيعرف يتقنه دور الضحية الناس كلهم وحشين عشان ظلموني الشخصية دي ممكن تقوم حرب تحرق الدنيا وما فيها بدون أي شعور بالذنب مش بيتردد في اذي حد مادياً أو نفسياً بيغيير من اي حد يمتلك اي ميزة هوا شايفها اساسا من حقه هوا مادي جداً وطماع لأقصى درجة انتهازي ومستغل لكل اللي حواليه ممكن يضحي بأي حد عشان نفسة أو حتى مصلحة بسيطة ليه الحل بالنسبة للشخص دا أنه يتعالج لازم يتعالج لأنه هوا كمان مأذي من المرض لانه مستحيل انسان يرتاح بكل الشر دا * تاني نقطة حابب اعلق عليها وصف حضرتك لنفسك بالفشل وتعميم الاحساس دا على كل شيء دا مضر جدا لانك عقلك الباطن هيخليكي تتصرفي من منطق انك فاشلة وبالتالي مش هتعرفي تنجحي في اي شئ حتى لو افترضنا أن تجاربك السابقة كلها فشل مع أن دا مستحيل لأن كل تجربة فاشلة بتخرج منها بخبرة جديدة فتتحول من فشل لدرس لازم نتعلمه وعليكي الحذر منها لان الحب والحنية الزيادة دي سببها أنها بتحاول تخليكي نسخة جديدة منها عشان تكملي المسيرة فاوعي تسدأيها أو تتماشي مع الخطأ لأن دا هيضرك اكتر من اختك الشخص دا صديق خطير وعدو اخطر * ثالثا هي مش بتكره اختك قد مابتكره الصفات الجميلة اللي فيها النقاء والأدب النجاح والطيبة من المستحيل إقناع الوالدة بخطأها أو اذاها مش بس لأختك هيا مش بتعرف أصلا بالغلط ولو حاولتي تقنعيها هتأذيكي انتي اتمنى اكون قربت للحقيقة واعتذر عن اي خطأ الخلاصه الحل في العلاج النفسي وبالنسبة لأختك بردو ممكن تحتاج تتكلم مع متخصصة في العلاج النفسي أو طبيبة وغالبا بيتغير حالها من الكلام الإيجابي .
تم النشر السبت، ٤ مارس ٢٠٢٣
انتي بنوته جميله جدا ومشاعرك حلوه قوي متقوليش انك فاشله ابدا وسويه جداااااا ربنا يباركلك ويخليكي لأختك ويخليها ليكي خليكي قريبه منها وخليها صحبتك جدا طبطبي انتي عليها واحضنيها واطلبي انك تعرفي تفاصيل يومها ومشاعرها وتحكي معاكي وتحس انها محبوبه من اختها ..كمان دور بابا مهم حاولي تنبهيه للمشكله دي لو مش منتبه ليها وانه لازم يكلم ماما يفهمها انه غلط الي بتعمله ويعوضها بالمشاعر دي منه هو
تم النشر الأحد، ٥ مارس ٢٠٢٣
بصى حاولى تتكلمى مع ماماتك طلاما هيا بتحبك وتحاولى تخليها تتعامل معاها كويس ثانيا خليكى انتى السند والدعم لأختك طلاما مالقتهوش من مامتها تلاقيه من اختها فخليكى حنينه عليها وادعميها وصدقينى لما عتلاقيكى هتبقى انتى كل حاجه ليها على الأقل لما هتتخنق وتكره الدنيا هتفتكر أن ليها حد تقلق عليه صدقينى مافيش احن من الاخت الكبيره على اختها وهتشوفك بنتها فهترجع تحب الحياه بسببك فساعديها
تم النشر الاثنين، ٦ مارس ٢٠٢٣
لعرض السؤال في فدني اضغط هنا