دلوقتي انا مخطوبه بقالي ٤شهور وقرايه فاتحه سنه قبلها، خطيبي كان عصبي جدا في أول العلاقة بسبب حاجات نفسيه عنده وقفت معاه كتير اوي وكنت في الاول حرفيا مهمله نفسي جدا بسبب اني بسمع له في الاول كنت إنه عندي مشاكل وهو بردك عنده مشاكل
كنا بنسمع لبعض بس كنت بآجي علي نفسي اوي لاني كنت في علاقه قبل كده ومدمره اعصابي فنفسي اكمل في علاقه فمشيت شويه عصبيه شويه كويسين وهكذا
كان بيهتم بيا بشكل اوفر اوي بيتصل كتير جدا علشان يحكي مشاكله ونتكلم شويه وكده كان بيحاول يبقي كويس بيا واحده واحده وتقريبا انا نفس الكلام بس انا اعصابي هاديه بتعامل بهدوء اوي بس كنت عاوزه علاقه صح بقا كل ده كان زمان وخلاص
المهم حبينا بعض بدأ بقا يهتم شويه ويهمل شويه كنت اكلمه عن الاهمال وده مينفعش وانا محتاجه اهتمام وبتاع بدأ شويه يهتم لما اقوله ويرجع تاني وهكذا لحد ما وصلنا لمرحلة قبل الخطوبه بشويه كده إهمال وعصبيه الاتنين مع بعض
الاول كنت مستحمله علشان كان في حاجه قصاد حاجه لقيته بيتلكك وحاجات كتير فسيبنا بعض اسبوع كده هو في الأسبوع ده كلم حد ومهم مقدرش يكمل معاه رجعنا تاني وانا مكنتش قادره بصراحه اعيش لوحدي انا عدوي اعيش لوحدي بجد وكنت زعلانه بشكل مش طبيعي الفتره دي بعدها رجعنا لبعض كويسين جدا واتخطبنا دلوقتي
بعد الخطوبه كان من اسبوعين كده تعبان المهم انه اجازه من الشغل اهتميت به جدا هو وصل لمرحله مش بيسأل عليه اصلا قلت اكيد تعبان وكده الاسبوع الي بعده اخد اجازه من الشغل نزل يجيب كمبيوتر هو كان عايزه حرفيا يعتبر نساني خالص ولا بيسأل اصلا اتكلمت معاه بحسه بيعاند اكتر ومش بيتكلم اصلا بيتعصب بس قلت له كده مينفعش سمعته مامته بتقول محدش بيقدر حد ولا بيقف معاه وبعدها مش بيتكلم الا بالليل دقيقه كده ويروح انا بقا مش قادره نهائي ولا اسيب ولا اكمل بالاهمال ده واسفه علي تطويل❤️
السلام عليكم، أنا شايفة إنكم استنزفتم مشاعركم ونفسكم في السنة اللي قبل الخطوبة، تعارفكم وطريقة التعامل خلال الفترة دي كان غير صحي وده أدى للوصول للنقطة اللي انتِ فيها حاليًا، أنتِ استهلكتِ نفسك في الاستماع له والضغط على نفسك فطبيعي دلوقتِ تشعري بالاحتراق النفسي. ثاني نقطة، انتِ قلتِ هو كان عنده مشاكل نفسية وانتِ كمان كنتِ خارجة قبل كده من علاقة استنزفتك. الزواج مش مصحة علاجية. مينفعش تبدأي علاقة وأنتِ مش متعافية من آثار اللي قبلها وتفكري إنك هتنسي معه أو هو ينسى معك. ومينفعش تفكري إنه I can fix him... محدش بيتغير عشان حد إلا إذا كان عاوز يتغير لنفسه. خليني أسألك، كنتِ بتحبيه قبل قراءة الفاتحة؟ ولا قصدك إيه بالسنة اللي قبل الخطبة؟ كنتم مرتبطين؟ ولا لما تقدم لك كان أول لقاء ووافقتِ عليه؟ لو كده هل كان فيه قبول وموضوع المشاكل النفسية ده عرفتِه بعدين؟ *** انتِ محتاجة تقفي مع نفسك شوية وتفكري أنتِ محتاجة إيه من العلاقة دي. ليه مستميتة في الحصول على اهتمامه؟ هل لانك مفتقدة اهتمامه الأول ولا خايفة يكون تغير وبيحاول يتركك فبتحاولي تتمسكي بأي دليل يقول إنه لسه شاريكِ ولا خوف من وصولك لنفس مصير العلاقة السابقة؟ ممكن عدم قدرتك على البعد رغم الأذى النفسي اللي انتِ حاساه إنك حاليًا في تعلق مرضي وده هيحتاج منك لخطوات عشان تتعافي منه. محتاجة تفكري مع نفسك، إيه اللي انتِ مستفيداه من الوضع ده؟ هل هتحتملي الحياة معه بعد الزواج في حين إنك في فترة الخطوبة مش مستحملة الوضع؟ *** أعتقد إن أي علاقة احنا غير مرتاحين فيها وبتتعبنا نفسيًا فالأفضل قطعها مهما كان التعب اللي هنمر به بعدها لحتى نتعافى منها نهائيًا. صلي استخارة واركني مشاعرك سلبية أو إيجابية على جنب واطلبي من ربنا هو اللي يختار لك اللي فيه الخير لك.
تم النشر الثلاثاء، ٢١ يناير ٢٠٢٥
كل ده وفي الخطوبه يبنتي صلي استخاره كتير ،لازم جدا تتكلمي معاه اعرفي الأسباب لده كلو متقوليش مشاكل نفسيه عندو وبتاع لان بعد الجواز هيبقى كده اشتري نفسك ي جميله، شوفي رده اي قوليلوا كل الي مضايقك لازم يسمعك شوفي طريقه تحاوره ورده اي ،لازم تدرسي الشخص الخطوبه عشان نعرف بعض ويكون في موده بين الطرفين لان بعد كده جواز يعني مش هزار مفيش حاجه اسمها مش قادره اصل عاوزه حد ف حياتي اختاري صح يبنتي علشان حياتك وأولادك ونفسيتهم اوعي تفتكري ابدا ابدا هيتعدل بعد الجواز لا غلطانه يماما خدي موقف جامد لو حتى علي حساب قلبك ،لازم يشاركك كل شيء وانتي كذلك فين التفاهم بقا ،قربي من ربنا وادعي كتير يختار لك الصالح الي يستاهلك وربنا يسرلك الأمر يارب
تم النشر الثلاثاء، ٢١ يناير ٢٠٢٥
عزيزتي تسنيم، أشكرك على ثقتك بمشاركتك لمشاعرك وتجاربك. من الواضح أنك تمرين بفترة صعبة ومعقدة في علاقتك. العلاقات تتطلب التعاون والتفاهم من الطرفين لتحقيق التوازن والوفاق، ومن الجلي أن هناك بعض العوائق التي تواجهينها في علاقتك الحالية. في سياق النقاط التي ذكرتها، أود أن أؤكد على أهمية الحوار المفتوح والصادق بين الطرفين. إذا كان خطيبك يعاني من مشكلات نفسية، قد يكون من المفيد له الحصول على الدعم النفسي الاحترافي، حيث يمكن أن يساعد ذلك في تحسين وضعه النفسي ويساهم في تعزيز علاقتكما. لذا، حاولي أن تتحدثي معه بلطف وبطريقة إيجابية، لتُظهري له ما يدور في ذهنك دون أن تشعريه بالضغط. يمكنك مثلاً توضيح أنك تفتقدين التواصل العاطفي معه وأنك ترغبين في تحسين العلاقة لكنك بحاجة إلى مشاركته في ذلك. أيضًا، كوني صادقة مع نفسك بشأن ما تحتاجينه في العلاقة. إذا وجدت أن الإهمال وعدم التواصل قد أصبحا عبئًا كبيرًا عليك، فكرّي في اتخاذ القرار المناسب لك ولصحتك النفسية. العلاقات تتطلب جهودًا من الطرفين، وإذا كان أحدهما يبذل جهدًا أكبر من الآخر، قد يؤدي ذلك إلى مشاعر الإحباط والاستنزاف. وفي النهاية، تذكري أنك تستحقين علاقة مفعمة بالحب والاحترام المتبادل. اطّلعي على احتياجاتك وكوني حازمة في مواقفك، ونسأل الله أن يوفقك في اتخاذ القرارات المناسبة لك.
تم النشر الثلاثاء، ٢١ يناير ٢٠٢٥
ده شخص هوائي الي ينساكي ويكلم واحده في اسبوع ميستاهلكيش ومش هتعرفي تعيشي معاه ولو كملتي هتبقي بتدفني نقسك
تم النشر الثلاثاء، ٢١ يناير ٢٠٢٥
لعرض السؤال في فدني اضغط هنا