السلام عليكم
انا سنة اولي كلية طفولة مبكرة قسم انجلش ومش حباها خالص بس مكنش فية غيرها قدامي والكل بيتريق عليها وبيقولوا لي اني في الاخر هبقي داده وكلام من دة كتير وكمان فرص الشغل بتعتها بتبقي قليلة وحتي لو لقيت المرتب هيبقي عبيط وقليل جدا وانا بدفع فلوس كتير في القسم دة 10000 في السنه تنصحوني بأي أكمل فيها وارضي باللي ربنا كاتبهولي لعله خير ولا احول حاجة تانيه واوفر الفلوس بس هبقي ضيعت سنه من عمري.
شوفي أي تخصص في الدنيا ممكن إذا تميزت فيه إن شاء الله تلاقي فرصة عظيمة أو تعملي أنت فرصتك بنفسك إذا أحببت هذا المجال مثلا تخصصك دة ممكن يخليكي مدرّسة في مدرسة دولية مثلا بدخل كويس .. وهو تخصص عموما مناسب جدا للمرأة .. فأنت تشكلين عقلية الأطفال حرفيا وتعلميهم ما لا يتعلمونه في الأسرة .. وإذا كانت لك نية حسنة فيه فإن له أجر كبير عند الله إن شاء الله قرارك بالاستمرار هنا أو لا يعتمد على البديل المتاح أمامك ..فما هو البديل هنا؟ وهل البديل يستحق أم لا .. هذا هو السؤال الذي تحتاجين أنت للإجابة عليه
تم النشر الأحد، ١٩ فبراير ٢٠٢٣
مين قالك الكلام ده؟ الكلية بتاعتك فرص شغلها كتيرة جدا، ومجالتها ممتازة متركزيش مع كلام الناس ... عارفه انه تنمر وبيضايق لكن كده كده الناس هتلاقي اي حاجة في اي حد وهتتريق عليه. اللي عايز يتنمر بيتنمر .. هيشوف اي حاجة فيكي وهيتنمر عليكي. المهم انك متسمحيش لحد يكلمك او يتريق عليكي، وبالادب. هضع ليكي كام مقال شوفيهم .. وفي الاول والاخر قرار انك تسيبي الكلية وتحولي لكلية تانية ده قراراك. ولكن لو هتسيبي الكلية علشان الناس وكلامهم .. صدقيني هتفضلي طول عمرك بتجري ورا كلامهم وعمرك ما هتعملي حاجة ليكي انتي في الاخر. مقال 1 مجالات عمل كلية طفولة مبكرة مقال 2 ما هو تخصصات طفولة مبكرة ومستقبلها
تم النشر الأحد، ١٩ فبراير ٢٠٢٣
طلاما ده كان اختيار ربنا ليكي من البدايه تأكدي ان ده الخير ، ومتمسعيش لكلام حد يحبطك او يقولك حاجه تزعلك وتضايقك
تم النشر الأحد، ١٩ فبراير ٢٠٢٣
اكتر حد عارف ظروفك هو انتي .. و لكن في نفس الوقت لو حاسة انك اخدتي مسار و طلع مسار خاطيء و فيه إمكانية تصلحي يبقي تمام .. اما بالنسبة لموضوع ضياع سنة مجهود فانا رايي ان الخسارة القريبة افضل من المكسب البعيد ، لو مش مضمون ، و قبل ما تحولي اتأكدي ان ليها مستقبل و ليها فرص شغل كتير مش ان فيها ناس كتير .. اما لو حبيتي تصبري و انتي عارفه مستقبلها عاملة ازاي الامر في ايدك بس مش كده يبقي تضييع وقت ولا ايه ..! .. بعد كده ابقي خدي وقتك قبل اي قرار مهم .. و ادرسي الموضوع بشكل كافي و اسألي الناس و استشيري اهل الخبرة مش هتندمي . ربنا يوفقك للخير
تم النشر الأحد، ١٩ فبراير ٢٠٢٣
لعرض السؤال في فدني اضغط هنا