انا حابه اعرض مشكلتي ونفسي في حل 🥺💔
انا اتعرفت علي شاب اوهمني انه بيحبني وعايز يتقدملي وساعتها كنت عندي 17 سنه تقريبا كنت اول مره احس ان في حد بيحبني وبجد هبخطبني وهعيش قصه حب واحبه وكدا بصراحه اتعلقت بيه وحسيت بارتباط بيه ولقيته بيتلككلي عشان ابعد عنه وكنت غبيه وكنت بحارب نفسي عشان اكون معاه وان صممت نكمل، بعد فتره قلي انه كدب عليا وان مكنش يعرفني وكدب عليا وعمل الفيلم دا عشان يتعرف عليا ويقرب مني وخلاص ويلعب بيا، انا في الوقت دا كنت خايفه اسيبه واندم قولت اكيد مع الوقت هيحبني وهنكون لبعض بس ال عرفته من كل تصرفاته وكلامه انه بينسي واحده تانيه كان بيحبها وحصلت مشاكل لما قرر يخطبها بينه وبين اهلها وكان اهلها السبب وللاسف وهو حتي معايا مكنش عارف ينساها كان دايما يقعد يحكي عنها لمده سنه ونص وكان علطول بيضايقني وانام زعلانه وبعيط وبيخاصمني بالأسبوع والشهر واقل حاجه تلات او اربع ايام مكنش بيكلمني ولقيت بالصدفه وانا بدور وراه لقيته بيكلم بنات كتير اوووي وبيضحك عليهم بنفس الطريقه العملها معايا وهما في نفس موقفي لما واجهته قعد يقولي انا بحبك انتي ومش هعمل كدا تاني وان مش هلاقي زيك،، بعد فتره حسيت ان مشاعري بارده وان عايزه اسيبه بجد، وكان كل مايعرف ان حد عايز يتقدملي كان بيقوله انه هو هياخدني وانه بيحبني وكان بيطفشهم وكان بيقنعني ارفض كتير،، بس مليت وحسيت اني كرهته ومشاعري بقيت بارده،،،، كنت ماشيه رايحه مشوار فعيني جت صدفه في حد بصراحه حسيت انه فارس احلامي بجد وانا كنت قبلها كنت شايفه صورته علي الفيس واعجبت بيه وشوفته في الحقيقه فكنت فراحنه وحسيت بحاجه حلوه نحيته فكنت حاضره فرح وهو كان موجود ومعظم معارفنا المهم ساعتها عيني جت في عينه تاني وهو كان عمال يبصلي كتير ومركز فيا اخر ما اتكسفت قومت مشيت اكتشفت انه خاطب واحده كانت صاحبتي لحد اولي ثانوي كدا وكنت بحبها اوي حاولت ابعد تفكيري عنه واريح قلبي ،، واكتشفت انه صاحب الشاب ال انا بكلمه دا ولقيت الشاب دا بيكلمني عن صاحبه وانه جايب في سيرتي وان في حد عايز يتقدملي راح الشخص الهو خطيب صاحبتي حب يكلمه عني بصوره مش حلوه عشان مايخدش الخطوه ويتقدملي والشاب الأنا متعرفه عليه اتعصب عليه قال لخطيب صاحبتي وصاحبه دي حببتي انا وانا ال هاخدها واكتشف ان صاحبه وخطيب صاحبتي غيران وعايز بأي شكل يبعد الشخص البكلمه عني،،، بعدها بكام شهر قليلين كنت عايز ابعد عن البكلمه كنت مستنياله غلطه وانا اصلا كنت مستحمله منه خيانه وضغوطات ومكنش مقدر مشاعري خالص فتعبت،، لقيته مصمم قولت اكرهه فيا وكان عايز يخطبني وانا طاقتي خلصت من نحيته قومت سيباه وحبيت اكرهه فيا وكان في ناس كتير بيتقدمولي روحت وافقت علي ابن خالتي وهو مش مناسب قولت ابين للشخص ال كنت بكلمه دا ان كنت بضحك عليه وان بحب ابن خالتي وانا مش بحبه ومش مناسبني ساعتها قريت القاتحه معاه واتخطبت شهرين تقريبا وفشكلت ،ودعيت ربنا يكون كرهني واكون انتقمت منه برضه رجع وقال انه بيحبني ومستعد يعمل اي حاجه عشاني،، كرهني في حياتي وطول الوقت مش شايفه حد غير صاحبه الأعجبت بيه وحساه انه المفروض يكون ليا انا وانا ليه هو وبس وحاسه كمان ودا احساس اكبر انه برضه بيبادلني نفس الشعور،، ولسه من شهر شوفته بعد غيبه طويله لقيته كان راكب عربيه ملاكي وانا كنت راكبه تاكسي رايحه مشوار فشاور لسواق التاكسي وكان قريبه انه يوقف فشافني وفضل باصص لعيوني كتير،، ولقيته بيلمحلي علي الفيس كدا بحاجات جه في بالي ان اصدق احساس قلبي نحيته ال استمر سنه ونص تقريبا بفكر فيه ونفسي يكون ليا وهو اصلا خاطب ان عمري مكلمته او اعترفتله بس دايما بحلم بيه وحساه هو نصيبي ونفسي يفشكل وحاسه بكدا اوي قريب كمان،،، كمان وصلي كلام ان ال كنت بكلمه انه عمل مشكله عشان يأكد ان انا العملتها ويبوظ صورتي قدام الشخص دا ولأنه تقريبا حاسس كمان ان حاسس بمشاعر نحيتي فحب ينتقم وكدا وحس ان عملت كل دا علشانه او عشان اقرب منه مهما كانت الظروف،،، وعلما بأن الشخص المعجبه بيه اوي دا خاطب وملبس الدهب ودافع واكيد مش عارف يتصرف وهو لسه شاب صغير في بدايه حياته دايما بيجيلي احساس وكأنه تخاطر انه مش قادر يتصرف ويقرب مني انا ودايما في تفكيري ونا صاحيه وحتي وانا نايمه، مش عارفه اتصرف ازاي ولا اعمل ايه بجد استني ولا اعمل اي وكمان هل احساسي صح ولا انا عايشه في وهم انا حاسه اني ظلمت نفسي اوي وظلمت كل الحواليا بس بجد انا حاسه بحب كبير نحيته ومش عايزه غيره هو وبس ونفسي في كدا ،،،، مش عارفه اعمل ايه انا محتاره ومتشتته وتعبت بجد💔🥺
الحب ف السن ده بيكون مجرد تغير هرمونات بتكوني بتحبي اي اهتمام او بتميلي للحاجات الجذابه فقط... مش بيكون حب حب وبعدين انتي لو مكان البنت صاحبتك دي ومخطوبة لواحد وصاحبتك بتبوصله ونفسها ف خطيبك.. هتتقهري من جواكي.. فا بلاش تبصي لحاجة غيرك وارضي بنصيبك وركزي ف دراستك وفكك من الحاجات دي.... و بكرر تاني... بطلي تبصي لحاجة غيرك لأن الوقت هيلف بيكي ووقت ماتلاقي الحاجه اللي هتبقى ملكك... غيرك هيطمع فيها.. فا احمدي ربنا وصلي و اتقربي من ربنا وهتلاقي نفسك تلقائيا بتفكري بنضج.. دوري انك تبني حالك وتبني عقلك بدل ماتدوري ع الحب والمشاعر اللي مش صح دي... حافظي ع نفسك و اللي عايزك يخش البيت من بابه.. انما شغل ارتباط واعجاب ونظرات...(النظره سهم ابليس)... متبصيش لحاجه مش بتاعتك ومتتمنيش انه يفشكل عشان ياخدك... لو حد عرف ده هيقول عليكي ناقصه... انا بنصحك و امري لله... بلاااش تدوري ع الحب ف سنك ده.. متدوريش اصلا.. كل ماتحافظي ع نفسك.. كل ما هتبقى اغلى ف عين الكل... لو دورتي وحاولتي تعملي اي حاجه تقرب اي حد منك... هتكوني ناقصه ورخيصه ف نظر الكل... حتى لو خدك ف يوم من الايام هيقول عليكي انتي الي كنتي مدلوقه.
تم النشر الاثنين، ٥ فبراير ٢٠٢٤
الله المستعان لا تلجئي الي الحب والارتباط ف كلها كلام فارغ يا حبيبتي
تم النشر الثلاثاء، ٦ فبراير ٢٠٢٤
مينفعش خالص تحبيه وهو خاطب حاولي تنسيه و لو بصلك او لمح بأي حاجه اعملي مش مهتمه ومتبصليهوش ويعني انتي لو بتحبي واحد و اتخطبتو ترضي خطيبك يقعد يبص لوحده وواحده تبصله وتبقي عيزاكو تسيبو بعض عشان تاخده هي ف من الاخر ابعدي تفكيرك عنه و الشخص التاني ده مؤذي جدا نصيحه مني متكمليش معاه لانه شخص مش كويس و مبيحبكيش مهما حاول يبينلك كدا يعني من الاخر سيبك منهم هما الاتنين ونصيبك هيجيلك و هيكون الأحسن منهم لان واحد مؤذي و التاني خاطب ولو خدتيه من خطيبته هيبقي حرام عليكي اوي بجد سيبيها يكملو و متديلهوش وش لأنها هتتردلك ولو سابها و خطبك هيعمل معاكي نفس الحاجه هتبقو مخطوبين و يروح يبص لواحده تانيه و هي تبصله و يسيبك عشانها بردو واتمني تشوفي واحد غيرهم هما الاتنين
تم النشر الثلاثاء، ٦ فبراير ٢٠٢٤
في الحقيقة يا عزيزتي .. انتي لم تحبي احدا على الاطلاق .. ازاي هتحبي حد من على الانترنت؟ من غير ما تعرفيه؟ من غير ما يكون فيه بينكم مواقف.. الحب في السن ده مش بيبقى حب، بيبقى تعلق، نتجية الاهتمام، ولحالة الحب نفسها .. حالة ان فيه شخصين مرتبطين ببعض، ف بتنشأ حالة المشاعر، ولكن ف الجقيقة هي ليست حب. اما الشخص الاخر انتي برضه محبتهوش .. كل اللي بيحصل ما بينكم هو نظرات ولا اكتر ولا اقل. ثم ان الشخص التاني ده خطيب صاحبتك!! ازاي قبلتيها على نفسك؟ هل ترضي انتي تكوني مكان صاحبتك؟ ثم معلش .. هو لما يكون بينظر اليكي بالشكل ده، انتي تسميها ايه وهو خاطب؟ خطيبته ديه مكانها فين بالظبط؟ راجعي نفسك كويس، واعرفي انك لسه صغيرة جدا، على فكرة الارتباط والخطوبة والجواز .. والارتباط الغير شرعي حرام، لا يجوز شرعا .. واي شئ محرم لا يرضي الله تخيلي بقى شئ لا يرضي الله هيكمل ولا لا؟ ربنا يهديكي للصواب باذن الله ويوفقك
تم النشر الاثنين، ٥ فبراير ٢٠٢٤
لعرض السؤال في فدني اضغط هنا