انا كنت زمان شاطر جدا وكنت على طول بطلع من الاوائل وكدة
لغاية اولى ثانوي مستوايا بدأ يقل ونفسيتي بدأت تبوظ ومبقتش طابق المذاكرة بس مع ذاكر كنت شاطر
لغاية ما دخلت تالتة ونفسيتي برضو كانت بايظة بس برضو كنت بذاكر وشاطر وكويس
بس جبت درجة زي الزفت وشيلت مادة
اي نعم بعدها نجحت بس كانت خلاص الضربة القاضية
ودخلت كلية انا مش حاببها ومش عارف اشوف نفسي فيها وبنجح بالعافية
بس من ساعة ثانوي وانا مش عارف ارجع نفسيتي تاني
وكنت بحب بنت جدا بدرجة مش طبيعية وكنت بفكر فيها كتير
بس مكنتش بكلمها وقولت مش هعمل اي حاجة غير لما اكبر واتقدم ومش هعمل حاجات حرام
وقولت ممكن تكون هي السبب في ان نفسيتي مش كويسة واني درجاتي مش زي الاول
بس اكتشفت انه لا
بس بطريقة أو بأخرى عرفت ابطل أحبها
بس برضو مش عارف ارجع نفسيتي خالص
ومش عارف اعمل ايه
اولا كل إنسان بيجيلوا فترا كدا في حياته بيتعب فيها والشاطر مش اللي متفوق في الدراسه بس لأ الشاطر بردوا اللي ساعت اما يتحط في مكان يكون قده، انا عارفه انك اكيد مضغوط نفسا بسبب الكليه مثلا مش حاببها وكدا او بسبب ازمه ثانويه عامه بس لو انت لسا بتفكر في اللي حصلك في الثانويه تكون غلطان اووي لانك كدا بتفكر في الماضي. بص يا بني الايام اللي بتروح مبترجعش استفيد من كل يوم ، ولو على الكليه اقرأ عن الكليه اللي انت فيها واسأل الناس اللي اكبر منك عن الشغل وكدا. ولو مش حابب المجال اصلا ممكن تشتغل برا مجال زي اما ناس كتير بتعمل
تم النشر الثلاثاء، ٣٠ أبريل ٢٠٢٤
طيب السؤال هنا: ليه نفسيتك بدات تسوء من وقت ثانوي. انت قولت انك اكتشفت ان موضوع البنت مكانش مرتبط باللي كنت بتمر بيه. طيب هل حصل حاجه معينة؟ وبالنسبة ل الكلية بتاعتك الحالية .. مفيش اي طريقة بتاتا انك تحاول ع الاقل تتقبلها، مش هقولك حبها .. ع الاقل توصل لمرحلة التقبل!
تم النشر الثلاثاء، ٣٠ أبريل ٢٠٢٤
ربنا بيكون شيلنا الأحسن يعنى دخلت الجامعة وانت مش حببها بس ممكن يكون ربنا شايف ان دى الأحسن ليك حتى لو انت مش حاسس دة دلوقتى بس دة بقا امر واقع ولازم تتعايش معاه مينفعش علشان دخلت حاجة مش حببها خلاص نوقف ونسيبها تمشى زى ماتمشى أسعى فيها واجتهد يمكن توصل لحاجة وربنا يعوضك احنا إلى نقدر نصنع من الكليه القمة مش كليات القمة هى إلى تصنع مننا ياما ناس كتير دخلت حاجة بتحبها ومع ذلك معرفتش تكمل وقرب من ربنا وادعى ممكن كان ليك حلم او تخطيط ولقيت اتنفذ غيرة بس احنا ممكن نحلم مرة كمان ونقدر نحققة اكتر إنسان ممكن يحقق انجاز الانسان إلى خد خبطة لان الوجع بيقوى مش بيضعف والشاطر إلى يقف على رجلة ويتحدى منسبش العمر يعدى بينا واحنا وقفين نتفرج ابدأ ابنى حلم فى الجامعة الى انت فيها وربنا هايوفقك ويعوضك
تم النشر الاثنين، ٢٩ أبريل ٢٠٢٤
السلام عليكم اتمني ان تكون بخير ولكن اجابه او مساعدة لما تقول هو ان تعلم الطريق الصحيح لبدأ بكتاب قوانين التحرر من الصراع النفسي واستعن بالله ولا تعجز وكن واثق ان الفكرة كلها تدور حولك واتمني ان تستفيد وابحث عن ذاتك وابحث عن كل الاسباب وحاسب نفسك ولا تترك ابدا الصلاة هي نور الطريق
تم النشر الثلاثاء، ٣٠ أبريل ٢٠٢٤
قيام اليل و المواظبة على الصلاة بتفرق جامد جدا
تم النشر الأربعاء، ١ مايو ٢٠٢٤
لعرض السؤال في فدني اضغط هنا