فيه واحد اسمه الزيرو (لقب) خد دبلوم، واتعلم برمجة، دلوقتي من اشهر مبرمجين مصر. اعرف واحد مخدش غير الثانوية واتعلم أمن المعلومات وخد شهايد وكورسات لدرجة انه بيكتشف ثغرات في جهات كبيرة وشهاداته تعادل الدكتوراه! انت ضعيف (مش بشتمك والله) انك تفكر ان محدش هيقبلك او تسمع للناس المحبطة تبقى ضعيف. وانك تفكر في الإنتحار؟ انت بتهرب من ابتلاء الدنيا لعذاب الآخرة؟؟ انت لازم تقرب من ربنا ده لازم، ثانيا شوف المجال اللي بتحبه ولايق عليك وادخله بقلب جامد. وتعالى بعد سنة قولي هنا ،،، انت كنت صح يا محمد.
تم النشر السبت، ١٤ يناير ٢٠٢٣
قيمتك مش فالشهاده اللي ف لاخر بتتعلق ع الحيط 🙂 انت خسرت جوله بس ماخسرتش حياتك فشلت ف طريق دور ع غيروا.. خد كورسات انزال اشتغل شاراك ف اعمال طوعيه.. بالنسبه لكلام اللي حواليك تجاهل وقرب من ربنا هيهديك وينورلك طريقك شوف القنوات دي ع التلجرام فيها كورسات كتير جرب وحاول وشوف المناسب
تم النشر الاثنين، ١٦ يناير ٢٠٢٣
ما انت لو بتأخدها عشان الناس وبتعمل كل حاجة عشان الناس فاحب اقولك ان الناس هتدور فيك دايما على اللى مش عاجبها انسي الثانويه او الجامعه او المعهد فكر انت بتتعلم ليه من الاساس ....طب وهتتعلم حاجة محدده ليه ...عشان تعمل بيها ايه فى حياتك يعنى ثانوي ليه فيها ادبي وعلمى طب والكليات ليه مختلفه فى مجالات واتجاهات الدراسه. عشان الحياه عموما اختيارات ليك الحق فى الاختيار والقرار ...واكيد مش كل الناس بتختار حاجة واحده ...والا كل الناس هتشتغل مهنه واحده وهنبقي بنعانى فى حياتنا وناقصنا كل حاجة تقريبا. المجتمع بيحاول يدفعنا ويقرر بدالنا ..ايه لازم وايه لا .. بس الحياة مش بتقف لو مبقيناش شبه اغلب الناس فى المجتمع. الحياه مكمله ...انت هتختار تصنع ايام حلوه وتاخد بدل الطريق عشر طرق كمان .
تم النشر السبت، ١٤ يناير ٢٠٢٣
مش معنى انك اخفقت ٣ مرات انك فشلت او انك وحش او بيقلل من قدراتك ... اوقات بيكون ناتج عن انك مش لاقي طريقه كويسه تذاكر بيها او ظرف محيط بيك اثر عليك لكن حاول تاني انك تمتحن وتنجح لسه في امل معاك وامن ان عندك قدرات كتير ممكن بس معرفتهاش او معرفتش تستغلها و في نماذج ناس كتير اخفقت ونجحت بعد محاولات ودخلت كليات كويسه ومناصب ف عملهم كويسه ثق بالله ثم ف نفسك وقدراتك وحاول تاني هتنجح اكيد
تم النشر السبت، ١٤ يناير ٢٠٢٣
خير ولا تعلم.... ثق فالله قبل أي شيء... بعدين ابدا من جديد وانت شايل فكرة انك سقت ٣ مرات هذي من راسك وتوكل على الله دايما وانت محسن الظن فالله لابعد الحدود خلي دايما ثقتك فربك مالها حدود وبإذن الله هتعجب من النتيجه وهتقدر وتخلص الحمل الي على قلبك... خليك واثق فالله وابدا وسكر على كل الأفكار السلبية اللي ممكن تجيك وتعليقك... وبالتوفيق ان شاء الله 🌸
تم النشر السبت، ١٤ يناير ٢٠٢٣
لعرض السؤال في فدني اضغط هنا