السلام عليكم
اولا انا عندى 18 سنه انا حاليا شايل بيتى و والدتى و اخواتى دايما ببق عايز اشوفهم هما مبسوطين قبل منى لكن من نحيتى دايما بيجيلى افكار مصاريه بتدمر شغفى (هل انا هفضل كده هل لو الوضع اتغير اى الى هيحصل هل،لو انا معتش موجود الدنيا هتبق عامله ازاى مع اهل بيتى و دايما حاسس بقلق و خوف و ممكن من كتر التفكير اقعد بساعات و انا مش حاسس بده احيانا بتمنى انى اعرف انام من كتر منا مشعارف من التفكير ولا عمرى فكرت اخد منوم ولا كده لانى عارف انها هتزود الموضوع عندى و احيانا بحس اخر اليوم انى عايز اتفطر من العياط لكن مفيش دمعه تنزل مشتت ف اوقات كتير مشعارف اخد قرارت بحس ساعات انى مش حابب اتعامل مع البشر ممكن مع حد من اقل موقف انفعال و عصبيه و ارجع اندم ع ده لكن انا فعلا مشعارف ده من اى انا حكيت بختصار سريع
اتمنى رد مقنع بس❤️
المسئولية هى السبب مفيش حد مهما كان قوى شعور المسئولية مش بيعمل فيه كده اوقات كتير الرجوله ( سواء كانت صفه فى ذكر او انثى) معناها انك بتشيل رغم ان الحمل تقيل و رغم انك عاوز ترجع طفل يعيط ويقول لا خلاص مش لاعب بقى ..,.الا انك بتكمل عشان احساسك باللى انت شايلهم اعظم من الالم اللى انت حاسه من التقل ...عشان لو سيبت المسئولية عارف انك هتحس بالم تانى اكبر بكتير المعارك الكبيرة لاشد الرجال وانت ربنا بيحبك ويسرلك انك تكون مسئول وتاخد ثواب اللى انت بترعاهم من اهلك ...واحنا بندعى ونقول اللهم استخدمنا ولا تستبدلنا ..عشان الحقيقة لو انت سيبت مسئوليتك ربنا هيكلف غيرك بيها وياخد هو الاخر ( الاستبدال مش حلو ) اللى حاطك فى المكان ده مش طالب منك تعمل حاجة غير انك تسعى فى انك تؤدى دورك وهو هيقويك ويعينك ويدبرلك امورك ( اللهم دبر لى الامر كله فانى لا احسن التدبير ) انت ضهر لاهلك واسند انت ضهرك على الحى القيوم القاهر القادر ..هترتاح وتمشى مطمن ..هو بيدير الكون كله بما فيها انت ومسئوليتك اللى عليك .
تم النشر الخميس، ١٤ مارس ٢٠٢٤
ده طبيعي جدا وفي حالتك انك لسه صغير الي حد ما وشايل بيت كامل وأخواتك ومسؤليه كبيره عليك ف أنت هتحس بده بس في نفس الوقت متخليش ده يأثر عليك بالدرجه دي حاول تقرب من ربنا اكتر صلي وانت ساجد بين ايدين ربنا ادعي ادعي بأي حاجه انت عايزها ، احكي لربنا اللي في قلبك وكل اللي انت سائله فوق كتافك وعيط ده اكيد هيخفف عنك كتير ، واعرف حاجه دايما أن أهل بيتك مش عايشين حاليا ولا كويسين كده بسببك لكن ده بسبب ربنا ، انت سبب بس لكن المسبب فوق هو اللي دبر ده كله متنساش أن ربنا مش بينسي عبد من عباده ابدا وبص حوليك هتلاقي مطلقه بس ربنا رازقها بشغل ، ارمله ربنا رازقها بإبن يخفف عنها ويساعدها ، ناس بسيطه ومديونه لكنهم راضيين وسعداء ربنا بيراضي دايما بس انت عليك الصبر بس ، وبعدين يا عم انت اصلا 18 سنه يعني لسه صغير وقاعد علي قلب اهلك اهوه هتروح فين يعني ، أن شاء الله خير متخفش ربنا المدبر ف مش هينسي عباده
تم النشر الخميس، ١٤ مارس ٢٠٢٤
وعليكم السلام تذكر قوله تعالى :"وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ" معناها إيه ؟ يعني مفيش أي مخلوق على الأرض إلا على الله رزقه .. ربنا عاينلهم رزقهم .. وجعلك سبب فيه الوقتي .. ولو بعد الشر مش موجود برضو ربنا عاينلهم رزقهم سبب خوفك وقلقك إنك حاسس أن أي تقصير منك هيقصر في أهل بيتك و إنك إزاي هتتجوز مثلا أو تعيش حياه مستقله وإنت المسؤول عنهم .. طب ما الأفضل تفكر إزاي تقدر توفق بين الإتنين؟ ربنا مش هيشيلك حمل مش قدك زي مشروع أو مصدر دخل صغير يقدر يمشي البيت مثلا .. صدقني إنت الوقتي عندك 18 سنه لسه صغير .. إجتهد في دراستك أو في إنك تتعلم حاجه تقدر تشتغل بيها شغل أحسن من اللي إنت فيه حاليا .. العمر قدامك تحقق فيه كتير و هيجي وقت تلاقي الدخل مكفيك ومكفي أهل بيتك و أكتر بإذن الله الوقت اللي إنت فيه حاليا مش وقت تاخد فيه قرارات .. بل هو وقت تغييرات .. بمعنى؟ إنك تبدأ تمهد للتغييرات في حياتك .. تتعلم حاجه تقدر في المستقبل تشتغل بيها شغل أفضل يجيب راتب أفضل وهكذا.. وتحط ف بالك كويس جدا إن رزق أهلك ورزقك مكتوب عند ربنا .. وبعتذر على الإطالة..
تم النشر الأربعاء، ١٣ مارس ٢٠٢٤
اكتب الافكار الي بنجيلك علط ورق وشوف ايه منها الافكار المنطقيه وايه الافكار الي مش منطقيه الافكار منطقيه الي تقدر تغيره الي محتاج تعمله عشان يتغير للاحسن
تم النشر الجمعة، ١٥ مارس ٢٠٢٤
اصل السلبي مش هتجني منه غير أن يأثر علي صحتك صح ولا لا ومش هتعملهم حاجه. ومش هتجني غير الهم والغم
تم النشر الأربعاء، ١٣ مارس ٢٠٢٤
ده اولا. ثانيا بقا. طيب ماشي ليه الزعل والحزن والخوف ده كلو متستغلوش. يعني بدل افكارك السلبيه بايجابيه
تم النشر الأربعاء، ١٣ مارس ٢٠٢٤
السلام عليكم اخي. متقلقش ده من كثرة حبك ليهم وحاسس أن انت مكان ابوك. يعني حاسس أن انت الكتف الوحيد اللي هيتسندوا عليه
تم النشر الأربعاء، ١٣ مارس ٢٠٢٤
وشكرا لاصغائك اخي. وااسف علي الاطاله. وكل التوفيق لك ✊👥🏆🏅
تم النشر الأربعاء، ١٣ مارس ٢٠٢٤
ذاكر وانجح. وخلي عندك طومح فالحياه. ده هيساعدهم بعدين. لاكن تفكيرك السلبي أن انت عايز تريحم وخائف. طيب هياخد ا من ده ايه وانت هتاهد من ده ايه. غير قلة الصحه ومش هتقيدهم. بمعني اصح. خليك عملي. صب كل تفكيرك دلوقت لمستقبلك وخليك إيجابي. عشان هترتاحوا بعدين. بس انت ارسم مستقبلك صح لان مستقبلهم معاك مع مستقبلك
تم النشر الأربعاء، ١٣ مارس ٢٠٢٤
يعني بمعني اصح. تخطط لمستقبل صح. ميشغلكش دلوقت الا مستقبلك عشان تضمن أن هو مستقبل صح. وهما بالتالي هيكون اوفمستقبلك. صح ولا لا
تم النشر الأربعاء، ١٣ مارس ٢٠٢٤
وان استنوا بس لما انخرج. وايت ل التفكير ده فإن انت تشتغل علي نفسك اكتر وتتحمس أن انت تبق احسن دراسيا وماديا فيما بعد
تم النشر الأربعاء، ١٣ مارس ٢٠٢٤
وتفكر ايجابيه. قول لنفسك. انا هتخرج. واشيلهم ومخلعمش محتاجين حد وخطط لده مع مستقبلك. بدل متشبل الهم وتخاف لا. بص علي نفسك بحب أن انت هترضبهم. ومتخليش اي حاجه وحشه تحصل معاهم وهتعيشهم وتعيش معاهم سعيد
تم النشر الأربعاء، ١٣ مارس ٢٠٢٤
ثالثا انا هي اك ودهالاهم. نستبدل كووول الافكار دي بأفكار بنائه. دومت كده كده هتفكر فبكرة. يبق تفكر صح
تم النشر الأربعاء، ١٣ مارس ٢٠٢٤
لعرض السؤال في فدني اضغط هنا