شىء مؤلم جدا ان الإنسان في بداية حياته يفقد أبسط الأشياء زى إنه يحس بقيمته شىء مؤلم إنك تكون في أسرة طريقة تعبير الحب لها مش بالكلام مع إن الكلام ممكن يخلى الواحد يكون عنده ثقة في نفسه.
الحقيقة اتمنيت لو والدتى فهمتنى قد إيه المجتمع ممكن يكون خطير ويؤذينى وإن في حاجات لازم أفهمها وإني لازم أحب نفسي عشان مصدقش الكلام الحلو من أي حد اتمنيت علاقتي مع والدي تفضل كويسة بالشكل بتاع زمان لما كنت كل حاجة ليه وكان كل حاجة ليا.
بعده عن البيت ساب مسافة كبيرة بينا، بتكسف أكلمه رغم إني كنت بترمي في حضنه، الموضوع زاد بعد ما أختي الصغيرة اتولدت.
هي ملهاش ذنب ولكن أنا نفسي يفهموا إني لسه صغيرة مقدرش أواجه العالم لوحدي وكنت محتاجة يوعوني أكتر قبل حتى ما أعمل كبيره من الكبائر.
كل حاجه اتغيرت بشكل مؤلم، بعدي عن أهلي وكرهي لنفسي وفشلي الدراسي وتدهور العلاقة مع أهلي وفقدت كل أصدقائي.
أشعر بالحزن حتى في اللحظات السعيدة أتمنى أن تكون والدتى تريد أن تحضنني، أحضن أهلى كل سنة مرة أو أقل وأحيانا يمر عام بدون أن يحضنوني.
من فترة صحيت من النوم وكنت أعتقد إني حضنت أمي، أدركت أنه حلم.
الموضوع أصعب بكتير، ممكن شخص يقول قومي احضنيها وكلميها، أنا فعلا بكره نفسي جدا بشوف إني فاشلة ومعنديش إرادة كل حاجة بتحط فيها فاشلة معنديش أي لازمة.
بحس إني تقيلة دايما على الناس وإني عبء على الكل دايما بكون طرف تالت رغم إني بقدم حاجات كتير في العلاقة، بعمل حاجة نفسي تتعمل لي.
مش قادرة أنسى الماضي في ذكريات كتير نسياها لكن أثرها موجود تراكم الحزن على قلبي زاد شعور ضيق النفس والكتم الداخلي أتعبني أكتر حتى في علاقتى مع ربنا أحاول ولكن دون فائدة.
ارى نفسي شخص سيء في حياة الآخرين، شخص فاشل إلى أبعد الحدود.
أتمنى ان أتخلص من آلام الماضي وأن أنسى أفعالي المقرفة في الماضي. لا أعاتب إهمال أهلي، أعاتب نفسي فقط.
لا أريد أيضًا الزواج، أشعر بالرهبة والخوف يسيطر علي وأخاف أن أموت وحيدة بداخلي صراع أريد أن أنهي حياتى ولكن أقول سأخسر الدنيا والآخرة ولا أعلم لماذا يحدث كل ذلك.
السلام عليكم ورحمة الله، أعرف صعوبة التخلص من آثار الماضي والأفكار السلبية لكن فكري قليلًا واسألي نفسكِ... ما الفائدة من الإغراق في هذه الأفكار والأحزان؟ ألا يقولون لا جدوى من البكاء على اللبن المسكوب؟ الماضي وقع وانتهى ولو ظللتِ متمسكة به فسيدمر الحاضر والمستقبل. لو ظللتِ تحملينه مثل الجبل على ظهركِ لن تستطيعي التقدم في حياتكِ ولو ظللتِ تركزين على النواقص الحالية في حياتكِ والجوانب السلبية فقط لن تتخطي الواقع الصعب الذي تعيشينه الآن. أنتِ حزينة بسبب أفعال الماضي؟ انظري لنفسكِ في تلك الفترة على أنّها كانت نسخة صغيرة منكِ غير ناضجة وسهل أن تقع في الأخطاء، سامحيها وواسيها وتفهمي عدم نضجها. إن كنتِ فعلتِ أي ذنوب فتوبي عنها واستغفري الله وهو سيتوب عليكِ وتجاوزي الأمر، إن كنتِ قصرتِ في حق نفسكِ فلا ترجعي لهذه الأفعال، إن أخطأتِ في حق أحد فاعتذري وصححي الخطأ إن كان باستطاعتكِ. المهم أن تأخذي خطوات الحل. **** أنتِ حزينة بسبب وضعك مع العائلة؟ لا تنتظري ليأخذوا هم الخطوة، ابدأي أنتِ... الأهل خصوصًا في مجتمعنا لم ينشأ معظمهم على التربية الصحية والتعبير عن مشاعرهم تجاه أبناءهم والآباء خاصة قد يجدون هذا ضعفًا. تقربي أنتِ، حاولي إيجاد نقاط مشتركة واقضي وقتًا معهم. لا يهم الحضن بقدر قضاء الوقت والكلام. ربما يكون الأمر صعبًا لكن واصلي الدعاء في نفس الوقت ليصلح الله علاقتكم ويقرب بينكم. *** والمهم في كل هذا أن تركزي على الإيجابيات في حياتك. هاتي ورقة وقلم وفي كل صباح بعد صلاتك وأذكاركِ قومي بكتابة على الأقل 3 أشياء أنتِ ممتنة لها في حياتكِ، سجلي نعم الله التي ربما لا تنتبهي لها ولقيمتها وسط كل أحزانكِ. اكتبي أي شيء قمتِ بإنجازه أو أسعدكِ مهما كان صغيرًا. خذي خطوات صغيرة لكن استمري عليها وإن شاء الله ستستطيعين تجاوز وضعك الصعب. *** هذا الفيديو جميل ويمكن أن تفيدكِ النصائح فيه، أنصحكِ بمشاهدته. https://www.youtube.com/watch?v=8xO-FS0IJKs&ab_channel=dr_AsmaaElkady بالتوفيق في حياتكِ كلها.
تم النشر الجمعة، ٢٢ نوفمبر ٢٠٢٤
اولا الاهل ممكن يكونوا ربوا بطريقه الغلط ودا وارد جدا لأن هم مش اخصائين تربية، هما كانو شباب زينا اتجوزو وخلفو وربوا اولادهم وزي متيجي ولكن اهلك بيحبوكي جدا حتى لو هما مش قادرين يعبروا عن الحب دا ممكن تكون مشكلتهم في التعبير شايفين انهم بيعبروا بالحاجات الي بيعملوها ولكن دا مش باينلك فانت لازم في الوضع دا انت اللي تعبري عن حبك ليه وتشديهم وتعلميهم ان ممكن نحضن بعض كل يوم عادي ونقول لبعض اننا بنحب بعض وبنخاف علي بعض. احكيلهم مشاكلك وقربي منهم اكتر والوضع هيبقى احسن طبعا. دلوقتي هتقولي انك فاشله ومش هتقدري وانك عبء عليهم، اولا علاقه الاب والام ببنتهم بتبقا مبنية على الحب مش الخدمات وخلاص يعني كل اللي هما بيعملوه ده عشان هما بيحبوكي ومش عايزين مقابل فانت مش عبء على حد، انت شايفه انك وحشه وفيكي صفات وحشه كتير بس دا طبيعي كلنا فينا صفات وحشه، الحل مش اني أركز عليها، الحل اني أحاول اقللها قدر المستطاع واحسن من الصفات الحلوه واركز علبها دايما وكل ماتشوفي نفسك لا تستحقي او شخصيه سيئة افتكري الصفات الحلوه اللي فيكي وحاولي تقربي من الناس وتعملي صحاب جديده واخرجي ورفهي عن نفسك، اسحبي نفسك من دوامه الحزن دي لانها مش سهل تطلعي منها بس انت تقدري إن شاء الله وقربي من ربنا وادعي كتير ان يخرجك من كل دا. الدعاء هو الحل وبالنسبه لمشاكل الماضي والحاجات الغلط الي حصلت في الماضي فاحنا ولاد النهارده بمعنى ان اي حاجه حصلت في الماضي مش مهمه هي مجرد درس بيعلمك حاجة للزمن مش اكتر ومش مهم إيه المشاكل اللي حصلت بسببه المهم إنه حصل ومش هيحصل تاني إن شاء الله وربنا يوفقك
تم النشر الخميس، ٢١ نوفمبر ٢٠٢٤
عزيزتي، أود أولاً أن أعبّر عن مشاعري تجاه ما تعانين منه. من المؤلم حقًا أن تشعري بهذه الطريقة، وأتفهم تمامًا الصعوبات التي تواجهينها. الحياة مليئة بالتحديات، وأحيانًا نشعر بأننا معزولون في خضمها. من الواضح أنك تشعرين بالوحدة والحزن العميق، وقد يكون ذلك نتيجة للتغيرات الكبيرة في حياتك. عزيزتي، هو مطلوب منك أن تكوني لطيفة مع نفسك وأن تتذكري أن مشاعرك مهمة. الحب والاهتمام من الأسرة يمكن أن يكونا محدّدًا للثقة بالنفس، وأقدر مشاعرك العميقة حول علاقتك مع والدتك ووالدك. قد يكون الحديث عن مشاعرك صعبًا، ولكن من المهم فعلاً أن تتواصلي مع من تثقين بهم، سواء أكانوا أصدقاء أو أفراد من عائلتك إن أمكن. إذا كان لديك شخص تستطيعين التحدث معه، فقد يساعدك ذلك على تخفيف هذا العبء الثقيل. كما أن مواجهة مشاعرك والتعبير عنها يمكن أن يكون خطوة هامة نحو الشفاء. يعتبر الذهاب إلى مختص نفسي أو استشاري في هذا المجال أمرًا مفيدًا، حيث يمكنك مناقشة مشاعرك وتجاربك بشكل آمن وداعم. لا تنسي أن الله يحبك ولا ينظر إليك كشخص سيء، بل هو يراك كإنسان يحتاج إلى الدعم والتوجيه. الثقة بالنفس والمحبة الذاتية يمكن أن تبدأ من الآن. كوني متمسكة بالأمل، وحاولي أن تجدّي الوقت لكل ما يجلب لك السعادة، سواء كان ذلك من خلال العناية بنفسك أو الاهتمام بشغفك. أنت لست وحدك في هذا الشعور، ومرورك بهذه المراحل هو جزء من الرحلة الإنسانية. يجب أن تتذكري بأن هناك أملًا دائمًا وأن الحياة قادرة على التغيير. كل شيء ممكن مع الصبر والتوجيه الصحيح. فقط تذكري، حياتك ثمينة وبها الكثير لتقدميه للعالم. أرجو أن تجدي السلام الداخلي وراحة البال. إذا كنت بحاجة للدعم، فلا تترددي في البحث عنه.
تم النشر الأربعاء، ٢٠ نوفمبر ٢٠٢٤
بأذن الله و أنتي قدها لازم تثقي في نفسك و في قدراتك و في ربنا و بأذن الله كل مر سيمر و صدقيني نفسك تستاهل تفرحيها ربنا يكرمك و يوفقك يارب العالمين
تم النشر الخميس، ٢١ نوفمبر ٢٠٢٤
أولا عايزك تفهمي كويس أوي أن أنتي اللي في ايدك الحل ألا و هو أنك تدي لنفسك فرصة تستريح من ضخ أفكار سلبية و تخليها تتأثر بيها الموضوع اشبه بشخص فقد الذاكرة و أول ما صحي لقي حد قاله أنت اسمك كذا و متجوز كذا و مع مرور الوقت من كتر ما بيدسوا فيه الأفكار ديه هيصدق و هيتعايش عليها أقعدي و قولي لنفسك لا أنا مش فاشلة لأن الفاشل مبيقولش أنه فاشل، أولى خطوات النجاح الاعتراف بأني موصلتلهوش و أي شخص ناجح فشل بدل المرة الف لحد ما نجح و أنك تكتبي دلوقتي الكلام ده دليل أنك عايزة تتغيري للأحسن و التغير ده نجاح و جربي تبتدئ تحطي أهداف صغيرة زي مثلا هتتعلمي النهاردة أكلة جديدة كان نفسك تتعلميها بقالك كتير أو بتغلطي في طبخها و لما تنجحي كافئي نفسك بأنك مثلا تشربي حاجة بتحبيها أو تتفرجي علي حلقة من مسلسل بتحبيه لأن التحفيز ده هيثير مراكز الدوبامين أنها تتحرك و تستجيب المؤثر ده و هتبقي عايزة تحقق الهدف عشان تتكافئ و حتة الأقارب صدقيني أنتي نفسك قولتيها طريقة التعبير مش في كل الأحوال زي ما أحنا عايزين بس الفكرة أني أفهمها يعني مثلا في أم بتظهر حبها بأنها تعمل أكلة بتحبيها أم تانية تظهره بكلمة حلوة أم تالتة تظهره بأنها تفضل تتكلم عنك الطرق بتختلف و لكن السبب واحد و هو الحب صدقيني الأهل بالذات مينفعش تعاملهم كأي شخص لأنهم بيبقوا فعلا كذا شخصية في بيت واحد حاولي مثلا تقعدي وقت أكتر معاهم و في وسط الدولة أرمي نفسك فحضنها و ده عارف صعب عشان بقالك كتير محستيش بس صدقيني الخوف لو فضل مسيطر عليكي لحد فوات الأوان صدقيني هتقولي ياريتني رميت نفسي في حضنك من زمان خدي الخطوة و مش لازم هي تاخدها كل ما تبقي عايزة حضن روحي و خدي مفيش حاجة اسمها مكسوفة أو خايفة ديه والدتك يعني ده حقك بس هي عشان ممكن تكون مبتقدرش تعبر بده أو مش فاكرة أن ده الحب من وجهة نظرها فمش بتعمله و حاولي ترجعي تصلي و تقرأي الأذكار و كل مرة تصلي فيها كل الفروض كافئي نفسك برضو كافىي نفسك علي كل حاجة حلوة او كل حاجز بتكسريه عشان تقدري تكملي اللي بعده و أكثري من قول لا إله إلا أنت سبحانك إني كنت من الظالمين و ربنا يريح قلبك
تم النشر الأربعاء، ٢٠ نوفمبر ٢٠٢٤
هعيط والله ، إن شاءالله كل حاجه تبقى تمام فعلا واتمنى مفعول الاراده يستمر عشان احقق كل الى عوزاه واعوض نفسي عن كل حاجه وشكرا ليك وإن شاءالله ربنا هيستجاب ليا وحياتى تكون احسن
تم النشر الخميس، ٢١ نوفمبر ٢٠٢٤
ربنا سبحانه و تعالي حاشاه أن يخذل عبدا لجأ إليه و لكن حكمته في وقت قبول الدعوة لا نعلمها و بعدين الصبر ابتلاء كبير بس أيه جزاته؟ لا يلقاها إلا الذين صبروا طب أيه هي ديه يارب ديه الجنة صدقيني يونس لما كان في بطن الحوت في الظلمات اللي بجد اللي وقت ما كل السبل أتقفلت مستسلمش رغم أنه لو واحد غيره هيقولك خلاص بقي أنا كدة كدة ميت و هيستني الموت بس لا فضل يسبح و بقول لا إله إلا أنت سبحانك إني كنت من الظالمين و مقالش ربنا مستجابش ليه بس ربنا كان بيختبره هيصبر و هيثبت ولا لا و في الأخر ربنا تاب عليه و نجاه المغزي أنك متيأسيش أبدا ولا تملي و تقولي ربنا رافضني بالعكس ربنا بيحبك أوي و ده ظاهر ليكي بس مش شايفاه ربنا بيحبك و مديكي صحة و قادرة تقومي تخشي الحمام بنفسك و تقدري تتنفسي بسهولة و تقدري تشوفي صدقيني أنتي غرقانة في بحر من النعم و اللي زعلوكي و بتقولي أنهم مكملين حياتهم صدقيني ربنا سبحانه وتعالى يمهل و لا يهمل بس أنتي بقي لازم تقولي لا كفاية كدة بقي طب ما أنا كمان أعيش حياتي و ارضي ربنا و ابتدي بقي أركز مع نفسي لأن صدقيني محدش هيساعد حد غير نفسه و نفسك تستاهل كل حلو فمتحرمهاش من ده و أخلقي أنتي ليها السعادة و الفرح و لو بأقل حاجة و لو الفرح مجالكيش بقاله كتير روحيله أنتي و صدقيني ركزي في الجملة ديه هتفرق معاكي أوي السعادة مش هي اللي بتصنعنا أحنا اللي بنصنعها ربنا يراضيكي و يرضي عنك يارب العالمين
تم النشر الخميس، ٢١ نوفمبر ٢٠٢٤
شكرا ليك جدا ، انا حاولت كتير وبحاول ولسه هحاول بتعشم فى ربنا انه يجبر بخاطرى ويعوضنى عن اى ظلم وتعب نفسي حصلى من فتره بسيطه من حوالى اسبوعين كنت بعيط وبدعى ربنا انى اسمع خبر يفرحنى لانى فعلا مفرحتش من زمان ودعيت كذا يوم بس ربنا مستجابش مع انى عملت نفس الحجات الى الناس قالت ربنا هيستجاب بيها ومع أن الفرحه شىء بسيط لكن متحققش وانا حاسه ان ربنا رافضنى وحاسه ان عبء على اى حد ف اى حاجه واحساس الرفض ملازمنى الحقيقه الناس الى سببت ليا الاحساس ده كملت حياتها ويمكن نسيت انا بس الى لسه بعانى منه سعات اتمنيت لو افقد الذاكره عشان ابدأ حياتى من جديد او لو كنت اقدر ارجع بالزمن ومعملش حجات كتير الموضوع مليان تفاصيل كتير وفعلا كل ده بسبب انى براكم بقالى سنين بفتكر ان انا نسيت والحقيقه انى منستش ولسه زى مانا كل التفاصيل الى اتقالت زى انى اعمل حجات احبها جربتها وجربت انى اكتب وافضفض للورق وجربت اسمع بودكاست فعلا بتغير بس تغيير مؤقت معرفش ليه المعاناه دى كلها
تم النشر الأربعاء، ٢٠ نوفمبر ٢٠٢٤
لعرض السؤال في فدني اضغط هنا