انا فى كليه وهتخرج السنه دى ان شاءالله
كان فيه شخص بتعامل معاه أثناء فتره الكليه انا عندى ٢٤ سنه وهو اكبر منى بتلات سنين بس هو ميعرفش سنى الحقيقى كنت بجيب منه ورق وملازم كنت لما اطلب منه حاجه كان يبص لى نظرات طويله وبعدين يتجاهلني ميرضاش يرد عليا
بعدين قولت خلاص هخلى صحبتى تتعامل هى معاه وتجبلى اللى محتجاه كان بيقابلنى ف الشارع يفضل يبصلى وبيكون متنح لى جدا لدرجة انا استغربت بصاته ونظراته وكل م يشوفني او اتعامل معاه الاقيه متثبت ف مكانه وانا غصب عنى كانت المواقف اللى بتحصل دى بتيجى ف بالى وافكر فيه ع لطول لدرجة انى اتعلقت بيه مكنتش فاهمه اصلا هو بيعمل ليه كده وبيتنح ليه قدامى انا الصراحه عامله حدود بينى وبين الشباب بتكسف اتكلم معاهم وبتجنبهم بس عمرى م حبيت ولا فكرت ف واحد بس غصب عني كل مواقفى مع الشخص ده كانت بتيجى ف بالى ف اتعلقت بيه جدا واتضح لى ان هو كمان متعلق بيا ولما ببعد بيزعل كنت براقبه والاقيه منزل صوره وهو زعلان و حاجات عن الفراق وبيبقا حزين وموجوع وحلمت بيه قبل كده كان حزين وبيقولى خليكى جنبي متسبنيش انا محتاجلك وكنت بحلم بيه بيحمينى من اى حاجه تأذيني
انا مستغربه هو بيعمل ليه كده وبقيت افكر فيه واتوجع لوجعه واحزن وقلبي يوجعني جدا واقول ده زعلان بسببى انا السبب وحالتي بقت متدمره حرفيا لو هو فعلا محتاجنى معاه وزعلان بسببى ليه مثلا م حاولش يصارحنى مثلا ويطلب يدخل البيت من بابه والله العظيم دخلنى ف متاهه بسببه وقربت اتجنن مش فاهمه ايه ده حتى من قريب برضوا قابلته وانا ماشيه لقيتوا متنح وزعلان وزى م يكون هيبكى انا بجد مش فاهمه ايه ده بجد ولا اى تفسيره بقيت ادعى ربنا يكون من نصيبى عشان ارتاح من اللى انا عايشاه ده
لو سمحتوا محتاجه تفسير خايفه بعد كده لو اتخطبت ده يأثر عليا واظلم الشخص اللى معاى انا مش حابه كده عشان حرام عايزه اتعافى انا تايهه جدا هو المفروض انا كنت أعمل حاجه وابذل مجهود عشان العلاقه تكمل ولا انا ببعدى عملت الصح ارجوا الافاده وشكرا..
اسفه ع الاطاله ...
بصوا يا جميله ان شاء الله تتخرجي على خير ويعني نقول لك مبروك ده اولا الحاجه اللي لازم تبقي عارفاها ان دي مراحل اللطيفه كده عامله زي ما يكون دايما في فراشات حوالينا سلام بيكون في فراشات الواحد ايه يلعب معها فهي دي نوع من المشاعر اللي هي كلها حواليها فضول ونظرات مش مفهومه ونقعد احنا نفسره وكل الكلام ده الحاجات الغير واضحه دي مش هي الحاجات بتاعه الجواز يعني عشان نختصر كده انت عايزه احتمالات هو ليه بيعمل كده او ايه القصه دي وليه ما دخلش البيت والله ممكن يكون الولد ظروفه مش مش هتسمح ايا كان الظرف اللي عنده يعني عنده حاجه عائليه عنده حاجه تخص والده ووالدته مسؤول عن اخواته بيصرف عليهم ما يقدرش ان هو يلزم نفسه بجواز دلوقتي ممكن معجب بيكي ولكن الظروف دي هي اللي هتمنعه من القصه دي طيب لو الاحتمال ده موجود او الاحتمال ده كده ترجمناه وعرفناه من بعيد لبعيد من غير ما ما نتاكد منه ومن غير ما هو يقول اي حاجه هنقعد نستناك ما فيش الكلام ده طبعا دي مجرد قصه عابره قصه نظرات. تفضلي تفتكريها ان شاء الله لما تكبري وتتجوزي ويبقى عندك اولاد هتحكي لهم وتقولي لهم انه انت في المرحله بتاعه الجامعه عدت عليك القصه اللطيفه دي وكنت فاكره انك ممكن الشخص ده يجي يتقدم لك ويتجوزك وهكذا يعني. القصه دي تحط لها نقطه اخرها هو الموضوع ده ان هي مجرد قصه لطيفه عباره عن مشاعر. بسبب الفضول والاعجاب والنظرات اللي من بعيد لبعيد والكلام ده مش اكتر من كده موضوع انك حلمت به والحاجات دي ده كله ناتج عن تفكيرك انت انك قاعده بتفكركي في الاحتمالات وده اكيد معجبه ولا اكيد بيحبني وده اكيد متعلق بيا وبص نظرته الحزينه دي اكيد عشان انا بعدت عنه يعني هو مش شرط يكون حزين عشان انت بعدتي عنه هو ممكن يكون بيسبب بس مش اكتر من كده. اتمنى يعني انك تشوفي الموضوع من النظره اللي انا وضحتها لك دي وباذن الله ربنا يرزقك الزوج الصالح اللي يعيشك مشاعر جميله ويحبك وتحبيه وما تفتكر الموقف ده تعرفي انه ده حاجه بعيده خالص عن الحب والتعلق والكلام ده يعني.
تم النشر الجمعة، ٢٤ مايو ٢٠٢٤
يبدو أنك في حالة من الارتباك والحيرة بسبب هذه العلاقة المعقدة مع هذا الشخص. أولاً، يجب أن تتذكري أن العلاقات العاطفية ليست دائماً سهلة وقد تحمل الكثير من التحديات والألم. من الواضح أن هذا الشخص يثير الكثير من المشاعر داخلك ولكن يبدو أن الوضوح والصراحة غير موجودين بالشكل المطلوب بينكما. قد يكون من الصعب تقديم تفسير دقيق بدون مزيد من التفاصيل، ولكن من المهم أن تعيدي التفكير في هذه العلاقة وتقيّمي ما إذا كانت صحية وتسبب لك السعادة والراحة. أنا أقترح عليك التحدث مع هذا الشخص بصراحة وبدون خوف، اسأليه عما يشعر به تجاهك وأعبري عن مشاعرك بصدق. من المهم أن تضعي حدًا للارتباك والشكوك التي تعيشينها، والبحث عن السبب الحقيقي وراء تصرفاته. أيضاً، من الضروري أن تهتمي بنفسك وبعافيتك العقلية. حافظي على توازنك العاطفي ولا تسمحي لهذه العلاقة بإلحاق الضرر بك. قد تكون هذه التجربة بمثابة درس قيم لك في تعلم كيفية التعامل مع العلاقات العاطفية في المستقبل. أرجو أن تأخذي الوقت الكافي للتأمل والتفكير، وتأكدي أنك تستحقين السعادة والاستقرار في حياتك العاطفية. ولاتنسي أن الله سبحانه وتعالى قادر على توجيهك ومساعدتك في اتخاذ القرارات الصحيحة. فقط ابقي قوية وثقي بنفسك، وستجدين الطريق للشفاء والتعافي.
تم النشر الجمعة، ٢٤ مايو ٢٠٢٤
انصحك انك تركزى على مستقبلك وتنسيه خالص طالما هوا مصارحكيش باى حاجه ولا حتى في بينكم كلام ولا قالك يجي يطلبك من أهلك دي مجرد نظرات متركزيش فيها طالما هوا مقالكيش صراحتا كدا انا عايز اتقدملك مثلا حتى متضيعيش وقتك بجد عشان متندميش
تم النشر الاثنين، ٢٧ مايو ٢٠٢٤
اولا هو حضرتك محتاجه تعلقي نفسك بربنا اكتر بجد لأنه دا ابتلاء من ربنا هقولك لييه مبدائيا انك تعلقي قلبك للدرجه دى هتتأذى جامد فا بجد دا بيحصل لأنك بعيد عن ربنا جامد ومحتاج تعلقي قلبك بربنا اول واهم حاجه يبقي حبك لربنا وادعى ربنا انه لو شخص كوويس ربنا يقربه ليكى لكن ارتباط لا انتى مش مطلوب منك تعملى حاجه غير انك تبعدي بجد ولو ربنا رايد انكم تبقوا لبعض هيحصل لكن دا مش هيحصل بالارتباط والإعجاب هو سنه كمان مش صغير يعنى المفروض انه يقدر يتقدم ويدخل بيت من بابه فا بجد متعلقيش قلبك اكتر من كدا وادعى لربنا صلى قيام ليل وادعيله واطلب منه حل هو الوحيد اللى هيطلع من الازمه دى ومتيأسيش ربنا يريحك قلبك وأن كان ليكم خيير في بعض ربنا يكبته ليكم
تم النشر الأحد، ٢٦ مايو ٢٠٢٤
امرك غريب فعلا وازاي شخص يفضل متنح وميردش عليكي،مش عارفة اقولك اي بس انا اسفة ممكن يكون مريض نفسي أو يكون فاكرك اذيتي حد من عيلته أو مثلا شكلك بيفكره بواحدة بيحبها الحل هو انك تدعي ربنا انه لو شر يبعد عنك وان ربنا يحفظك من كل سوء وممكن تروحي تصاريحخ وتقوليله ليه بتفضل باصصلي كتير لو سمحت مثلا انا بتوتر من نظرات حضرتك أو نظرات حضرتك ليا غريبة احنا بشر والانسان اللي بيقولك ركزي فمستقبلك ده غيب واقعي طبيعي اي حد يحصله اللي حصلك يقعد يفكى
تم النشر الجمعة، ٢٤ مايو ٢٠٢٤
ايه الراجل المريب ده
تم النشر السبت، ٢٥ مايو ٢٠٢٤
بصي الشك هيخليكي يتهيالك انه هيموت عليكي وده حاجه هتحسسك انك كمان عوزاه خوديها قاعده اللي بيحتاج حد بيوصله كملي حياتك وماتشغليش بالك بيه لو عاوزك فعلا هيواجهك ويتقدم غير كده كل ده شكوك شيطانيه
تم النشر الأحد، ٢٦ مايو ٢٠٢٤
بدل ما تحطي نفسك في الشك و الذنب روحي واجهيه و قوليله انك ملاحظه انه كذا و ليه هو كدة و ساعتها هاتفهمي كل حاجة و تعرفوا تتخذوا قرار سوا يمكن هو مفكر انك مش معجبة بيه عشان كدة خايف يصارحك و يترفض ابدأي انتي معاه عشان ماتحسيش بالحزن زي دلوقتي
تم النشر السبت، ٢٥ مايو ٢٠٢٤
اغلب نفسك عنه وانسيه ركزي على مستقبلك تدابير الله عظيمة وعندك حل بكل بساطة تسأليه سؤال واضح صريح ليه بيعمل كدا وخلاص
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا