السلام عليكم ورحمه الله وبركاته بعد اذنكم أنا عاوزه كل واحد وواحده عندها لمشكلتي ياريت متبخلش عليه بيه انا واحده داخله ع 21 سنه ابويا وامي منفصلين من ساعة ماتولدت وكنت عايشه مع أمي، أمي اتجوزت مرتين غير ابويا مع العلم أن الجوازه التانيه كانت مجبره عليها لانه خالتها توفت وجوز خالتها كان عايز يتجوز بس جدتي ام امي كانت رافضه أنه يتجوز حد من برا عشان البنات(بنات خالتي امي)فجوزته امي وطلقت واتجوزت تالت كان معاها ف الشغل وخلفت منه بنتين مع العلم أنا ف الأصل بنت وحيدة ابويا وامي المهم امي لما خلفت البنتين دول أنا فرحت جدا وقولت اخيرا بقي ليا إخوات مع العلم جوزها قبل مايتجوز امي كان كويس جدا جدا واللهي معايا بعد ماخلفت شوفت اسود ايام حياتي كنت بضرب واتهام وكان سيئ جدا معايا لدرجه اني دخلت في مشاكل نفسية وعيشت ف الوضع ده ٥سنين لحد ما لقيت امي في يوم من الايام ودتني عند جدتي (امها) وعشت ٥سنين تاني وكانت بردوفتره فيها الحلو والمر المهم اخدت فتره عيشت مع ابويا لقيته كان هيغتصبني ورجعت من بيت ابويا على بيت جدي وسالت نفسي لو جدتي جرى لها حاجه انا هروح عند مين سالت امي قلت لها هل هتاخديني عندك لو جدتي جرى لها حاجه مع العلم ان جدتي وامي عارفين اللي ابويا عمله فيا قالت لي لا انا مش هينفع اخدك وانا الشقه عندي هنا ضيقه ومش هينفع اخدك عشان بينك وبين جوزي ما فيش اتفاق وطبعا كان مسيري اروح لابويا تاني وطبعا ده مش هينفع وحاليا جدتي بتمر بمشاكل صحيه وتقريبا بتودع مع العلم ان برده جدتي بتكرهني بسبب امي وبسبب جوز امي لانهم كانوا بيكرهوها فيا والسبب ده كله جوز امي وجوز امي حرد امي فخلى امي امي تكره فيا جدتي وحاليا جدتي بتمر بمشاكل صحيه فانا حد يقول لي انا اعمل ايه واروح فين واعيش فين واستقر فين وهل حد عنده شغل وهل عند حد عنده فكره يا ريت حد يجاوب عليا
اذا اقفل الحال ومش هينفع تكوني في بيت جدتك بعد عمر طويل باذن الله ممكن تبدائي تدوري علي شغل بمرتب معقول ومتعرفيش حد انك عائشة لوحدك الا لو ثقة وابدي دوري ع شقة ايجار من دلوقتي واختاري مكان بعيد عن اهلك وبعد كد ابقي ودي امك كل فترة وحولي تخرجي كثير ويكون ليكي صحاب ثقة وتقرئي كثير وتكوني شخصية قوية
تم النشر الأربعاء، ٤ أكتوبر ٢٠٢٣
ماينفعش تسيبى بيت جدتك استحاله ترجعى بيت والدك و مامتك كمان الحل الوحيد بيت جدتك + لازم تدورى على اى شغل فى اى مكان المهم انك تكونى مستعده ماديا لأى متغير
تم النشر الأربعاء، ٤ أكتوبر ٢٠٢٣
هل ينفع انك تعيشي في بيت جدتك لوحدك بعد كده؟ يعني لو قعدنا نحسبها شوية .. هنلاقي ان قعدتك عند والدتك مش هتنفع لان الوضع الحالي هيبقى فيه مشاكل بينك وبين زوج والدتك. وبالنسبة لوالدك ف طبعا مستحيل تروحي هناك تاني. يبقى مفيش حل تاني قدامك غير بيت جدتك انك تعيشي فيها حتى بعد ما تتوفي، ولكن حاليا انتي لازم تدوري على شغل .. علشان تقدري تصرفي على نفسك بيه كويس.
تم النشر الأربعاء، ٤ أكتوبر ٢٠٢٣
أنا من رأيي انك تعيشي في بيت جدتك وتشتغلي وتعتمدي علي نفسك واهم حاجه خليكي مع ربنا عشان ربنا يوجهك الطريق الصحيح أن شاء الله وربنا معاكي
تم النشر الخميس، ٥ أكتوبر ٢٠٢٣
حاولي تكسبي جدتك في الأيام الأخيرة حاول تكوني حنينة عليها ولو قدرتي بالاسلوب الكويس ومعاملة الطيبة تكسبي قلبها ممكن تخليها تكتب لك البيت بيع وشراء بكده انتي ضمنتي البيت وبالنسبة لشغل اكيد هتلاقي شغل تقدري تعيشي منه وتكملي تعليمك واحذاري من ابوك ابوك اصلا مات وامك ماتت وانت حاليا واحيدة وانتي المسؤلية عن نفسك ولو فيه حد في العائلة كبير وليه كلمه عليهم ممكن تكلامي معاه .
تم النشر الخميس، ٥ أكتوبر ٢٠٢٣
بجد والله أنا بشكرك جدا جدا ع كمية الطاقة الإيجابية الل حضرتك اديتهاني ربنا يحفظك يارب ♥️
تم النشر السبت، ٧ أكتوبر ٢٠٢٣
اولا ... هقول كل الأطراف اللى غلطت فى حقك ليها رب هيحاسبها فكل واحد منه لله.... ثانيا احنا شاغلين دماغنا ليه بالغيب.... متفكريش كتير فى اللى مش بايدك تعملى فيه حاجه... سبحان الله كل ده ربنا عالم بيه وهتلاقى فى حكم لكل ده عشان انتى فى الاخر تكونى فى مكان معين مع حد معين عشان تبقى حياتك بالصورة معينه ربنا وحده اعلم بيها ... ربنا رحيم حطى فى بالك ان ربنا خلقنا مش عشان يعذبنا.... متشغليش بالك بكل ده... ومتفكريش كتير ... كل حاجه بتحصل فى حياتنا لحكمه... احنا بنكون مستعجلين عاوزين نعرف اكتر بس فى الاخر كل حاجه ليها معاد نعرفها فيه.... سلمى امرك لله ومتضايقيش نفسك... وان شاء الله حياتك هتكون حلوة بصى لأى حاجه ايجابيه فيها .... وعظمى النظرة ديه .. مثلا ... ياااه الحمد لله ان عندى جده ابقى معاها وفى بيت عايشه فيه.... مثلا... انا عايشه وحدى بدون قيود تضايقنى فأنا حاسه انى برحتى مع العلم ان وضعك فى ناس كتير تتمناه على فكرة .... سلمى امرك لله ومتفكريش غير فى اللى انتى بايدك تعملى فيه زى مثلا انك تواظبى ع الصلاه اقرى قران حطى نيه يوميه كل يوم الصبح عشان تعمليها ومتركزيش فى كم الطاقه السلبيه اللى انتى بتفكرى فيها.... خدى بالك برضو كم الصعو بات والمحن اللى بنشوفها ديه ربنا زرعها فى حياتنا عشان نتغير للأحسن... يعنى مثلا نتعلم نعتمد ع النفس او لو فى فكر مش كويس فى فكرنا نغيره... فى سلوك مش حلو نغيره بالافضل . .. خليكى ايجابيه 💪
تم النشر السبت، ٧ أكتوبر ٢٠٢٣
🥰🥰🥰🥰🥰🥰 الحياه مش هتتعاش غير مرة واحده ... واليوم اللى بيعدى مش هيرجع... استمتعى.. مبسوطه اوى ان كلامى حسيتى بيه ربنا يصلحلك حالك يارب وترزقى بكل ما هو جميل
تم النشر السبت، ٧ أكتوبر ٢٠٢٣
لعرض السؤال في فدني اضغط هنا