اوقات بيجي ناس احنا شايفين انهم مناسبين في أوقات غير مناسبه ممكن احنا بتكون ضعاف فيها ممكن مكسورين أو مرينا فيها بحاجات مأثره علي نفسيتنا ف مجرد أن شخص يظهر في الوقت ده من حياتك وارد جدا انك تتعلقي بالشخص ده ف انتي مهما بتمري بحاجات وتحسين انك خلاص نسيتيه بترجعي تاني لان الموضوع لسه فيه شباك مفتوح بالرغم من انك قفلتي الباب وحسيتي أن ده كفايه وان الشباك ده مش هيأثر ، الشباك اثر معاكي في مشاعرك حاليا انت مش واحشك الشخص انتي واحشك الشعور اللي انتي مفتقداه وده صعب جدا انك تتخطيه بس مش مستحيل انتي حاسه ان فيه فراغ في جزء معين في حياتك وده مأثر عليكي حتي لو مش حاسه بس لازم تكوني عارفه أنه لو كان خيرا لبقي وربنا مش بيظلم عبد من عباده ابدا بس انتي ارضي وربنا هيوريكي عجائب الدنيا في رزقه متهربيش من المشكله علشان مسيرك هترجعي تاني لنفس نقطه البدايه واجهي المشكله بأنك تبدأي وتفهمي نفسك انتي وتبقي عارفه ومقتنعه انك ايوه ممكن تزعلي بس الزعل ده ميطولش معاكي اكتر من يومين تلاته لأن وقتك ده انتي أولي بيه من انك تزعلي علي اي حاجه او حتي اي شخص والقرب من ربنا تخفيف من الهموم ومن كل حزن حاولي تقربي من ربنا وادعيه بكل اللي في قلبك وهتلاقي نفسك بقيتي احسن وتحسي أن ربنا بيبعدك عن أي كسره او اي مشكله او الذي ممكن يحصلك
تم النشر السبت، ١٦ مارس ٢٠٢٤
4 تعليق
العفو يا حبيبتي
تم النشر الأحد، ١٧ مارس ٢٠٢٤
يمكن لانك شايفه أنه ممكن يكمل حته ناقصه جواكي أو بيحسسك بشعور انتي حاباه يمكن انتي مبهوره بس بس يمكن حاجات كتيره متوقفه عليكي وعلي مشاعرك اوقات بتحسي انك نسيتيه وخلاص بقا وأوقات تانيه ممكن تعيطي لمجرد انك عايزه تتكلمي معاه بس ، بس كل ده بيبان بالوقت واقنعي نفسك أنه لو كان شاريكي بجد أو مهتم انك علي الاقل تبقي في حياته مكنش وصلك للشعور ده لكن في فئه هي مجرد أنها عايزه تاخد كل الاهتمام بس تديه لناس معينه بس وليهم مصالح معاهم ف متحطيش نفسك في الدائره دي حاولي تلبي الشعور اللي ناقصك بجد بعيلتك ، بصحابك ، بنفسك انتي تقدري تعدي كل ده بس انت تقنعي نفسك من جوه انك تقدري بجد ومتستهونيش بنفسك في أي حاجه ، والله فتره وتعدي، هتعلم في قلبك شويه وهتأثر فيكي شويه بس هتعدي بس انت ثقي في ربنا ثم في نفسك انك تقدري تتخطي كل ده وبأقل خساير
تم النشر الأحد، ١٧ مارس ٢٠٢٤
هو انا ليه دايما بيبقى عندي فضول اعرف عن الشخص دا؟
تم النشر الأحد، ١٧ مارس ٢٠٢٤
شكرا اوى بجد
تم النشر الأحد، ١٧ مارس ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك