أولاً أنا متأسف و محروج و أنا بقول ده من ربنا قبل أي حد
لكن أنا ولدت في عائلة ليست متدينة و أثر على تفكيري عوامل خارجية لدرجة أعوذ بالله و أستغفر الله الإلحاد و ظللت فترة من عمري لا اؤمن بوجود الله
مؤخراً دورت و فكرت و ندمت و آمنت و الحمدلله فوقت
و أنا مؤمن بوجود الله و كتابه و رسله و دين الإسلام و لكن المشكلة إني لا أشعر به ب قلبي و معنديش يقين و لسه بتجيلي وساوس و بصلي و أستغفر و أستعيذ و بسمع القرآن و أذكار بس مش عارف و أنا حاسس إني ضايع و إني لازلت كافر و خايف من ربنا على شكي و إني مش عارف أتأكد أو أقتنع تماماً
عايز قلبي يتطمن و يبقى ممتلئ بالإيمان و الخشوع و يبقى مفيش ذرة شك فما العلاج!؟
🎤 إجابة صوتية
تم النشر الثلاثاء، ١٠ ديسمبر ٢٠٢٤
اولا الحمد لله على اللى انت فيه شوف انت كنت فين وبقيت فين والدين يمحو ما قبله من الإلحاد أو الكفر أو غير ذلك وربنا قال (إن الله يحب التوابين ) وانت الحمد لله ندمت وتبت وإن شاء الله ربنا معاك أما حكاية انك مش حاسس بالإيمان فى قلبك فحله بسيط وهوا كتر قراءة القرآن وسماعه وتدبر آياته وسماع قصص الصحابه والتابعين وقبل ما تسمع قصص الصحابه اسمع عن النبى صلى الله عليه وسلم وإن شاء الله ربنا هيدخل الإيمان فى قلبك وقلبى إن شاء الله ،اه والدعاء والله عليك بالدعاء وقيام الليل هتفرق معك جدا وأعمل الطاعات حتى لو مش كنت حاسس بيها لأن عدم الإحساس بالإيمان هوا الشيطان والنفس السوء لها دور برضو فأنت حاول تغيظ الشيطان بطاعة الله وربنا يثبتك على الإيمان التام بالله أنا وأنت وجميع المؤمنين يا رب العالمين 🤲 🤍
تم النشر الثلاثاء، ١٠ ديسمبر ٢٠٢٤
النيه مادامت لله فلا تقلق كل هذه الوساوس من الشيطان وسوف يجازيك الله عليها حسنات لانك صبرت وتحملت هذه المعاناه بل واشتكيت لله ولم تسمع لوساوس الشيطان اسال الله لك الثبات.. خطوات اخري :1-يجب ان يكون لديك اصدقاء صالحين تتحدث معهم في الدين ويتحدثون معك حتي يزيد لديك الثقه ويشدوك دائما للناحيه الدينيه حتي ثقتك الدينيه ومعلوماتك تغلب الجانب الوسواسي غير كدا الاصدقاء الصالحين لهم فضل جدا جدا كبير بعد الله وهو فضل من الله ان يمن عليك بأصدقاء صالحين. 2-قراءة كتب في العقيده مثل : التوحيد لابن عبدالوهاب او كتاب الاصول الثلاثه لابن عبدالوهاب ايضا تقدر تقرأ تفسير القران للعظيم ابن كثير كي تفهم القرآن والعقيده كي تصحح عقيدتك وتثبت وترسخ الصح اذا عندك اخطاء.. 3- يجب عليك التعامل مع البشر كما ذكرت يكون لديك اصدقاء يجب بدلا من الجلوس وحيدا معظم الوقت ويجب اذا عندك هدف اتبعه واشغل وقتك ايضا بما ينفعك حافظ علي صلواتك وذكرك لله والله لن يتركك عسي ان الله اراد ان يختبرك حتي يري صبرك ليجزيك عليه خيرا ..
تم النشر الثلاثاء، ١٠ ديسمبر ٢٠٢٤
بداية ياصديقي سؤالك دا دليل على صدق نيتك وانك بتتحرى كل شيء فى سبيل انك تريح قلبك وتكون صادق مع ربك ، ربنا يقويك ويثبتك يا رب ..انت حاليا اعتبرها فترة علاج ادى لنفسك وقت .. جوهر الدين الإيمان .. والايمان معناة التصديق والتسليم حتى لو مشفتش .. طبيعى اختلاف الفكر يعملك لخبطة شوية فى الاول خصوصا ان الالحاد بيعتمد ع الجانب المادى .. يعنى انا لا ارى الله اذا الله غير موجود ربنا قال فى سورة البقرة ( آمَنَ الرَّسُولُ بِما أُنْـزِلَ إلَيْهِ مِن رَبِّهِ والمُؤْمِنُونَ كُلٌّ آمَنَ بِاللَّهِ ومَلائِكَتِهِ وكُتُبِهِ ورُسُلِهِ) احنا لا شفنا ربنا ولا الملائكة ولا الرسل دلوقتى بس مؤمنين بوجودهم .. يقينا وتسليما الحاجة الوحيدة الى شايفنها هي الكتاب .. عاوز قلبك يرتاح اقرأ وتدبر وتعمق فى القرآن الكريم هتلاقى نور بيشدك ويملاك مش هقولك صلى كتير ولا صوم ولا اذكار احنا محتاجين نشتغل ع قلبنا الاول ومش معنى كدا انك تمنعهم انت حاليا محتاج تتعلم العقيدة والتوحيد ولو صدقت النية هتلاقى شيوخ وعلماء كتير تقدر تسمع ليهم اصدق النية مع ربنا وربنا هيساعدك من حيث لا تعلم انت صح كمل 👊
تم النشر الثلاثاء، ١٠ ديسمبر ٢٠٢٤
السلام عليكم ورحمه الله وبركاته يعني بدايه سؤالك ده انك متاسف ومحروج انت مش محروج مننا ولا بتتاسف لنا ده اسف من نفسك اللي نفسك واللي ربنا واحراج من نفسك قصاد نفسك وقصاد ربنا باذن الله دي اشاره على ان اييي ربنا متقبل توبتك ورجوعك ليك الحاجه اللي انا عايزه اقولها لك انه الخشوع مش بيبقى بس باني اعرف ادخل اوي في المود بتاع الصاله دلوقتي وبتاع الاذكار وابقى ممتلئ قوي هي مش كلها كده بس. حاجات كتير جدا جدا. ممكن تعملها هي اللي تاهلك لانك وقت ما تقف بين ايدين ربنا تحس بالخشوع ده وانا هقول لك على حاجه يعني هي من الحاجات اللي انا. فهمتها ولما عملت بيها فهمتها اوي اوي يعني التجربه شخصيه. لما تتفكر كثير قوي في التفاصيل الحياه والدنيا حواليك التفكر والتدبر الحقيقي بيخليك تتعرف على ربنا اكتر كل ما تعرفت على ربنا اكثر كل ما زاد ايمانك به وزاد اجلالك لعظمه ربنا واا لكل صفات ربنا ده اللي هيخليك في كل مره ااا بتقول فيها الله اكبر هتبقى حاسسها على قد ما انت فهمتها على قد العمق اللي بقى جواك فما تتجاهلش خالص النقطه دي جرب كده حتى وانت بتبص للقماشه اللي انت لابسها تقعد تتفكر ازاي الكون اللي ربنا خلقه. وصل انه يخليني في قماشه معموله بتفاصيل معينه وهدوم بقت هدوم ساتراني ستره الجسدي ااا ربنا ساعدنا على ده ازاي امشي كده ورا تفاصيل القماشه دي لحد ما وصلت لهنا هتلاقي تفاصيل كثير كلها كلها عظمه ربنا بتتجلى فيها ان هو يسخر مخ حد انه يفكر في صنع الفتله وانه ازاي حد وصل ان هو ياخد القطن. اللي هو عباره عن كتله كده؟ يحولها لفتل والفتل دي او الخيوط دي تترص جنب بعضيها وااا يتعمل لها ضغط كده علشان تتحول لقماشه وازاي نبدل الخيوط دي مع بعضها علشان نعمل قماشات لونها مختلف او ملمسها مختلف كل ده جايه منين ده مش شطاره اصلا من البني ادمين ده من تجلي عظمه ربنا في خلق الانسان وفي خلق الموارد اللي هو بيستخدمها دي والحاجات اللي ربنا سخرها للبني ادم ازاي التربه دي بيتزرع فيها زرع مختلف وبيطلع باشكال مختلفه او الوان مختلفه. تدبر وتفكر كثير قوي همم افهم معاني اسم ربنا افهم اسماء الله الحسنى تدبر في معاني الاسم اا وافتكر كل مره وانت بتقول فيها الله اكبر هو ليه الله اكبر ليه عشان هو فعلا كبير كبير قوي قوي قوي كبير بتفاصيل كثير جدا كل ما نقعد كده ااا نفهمها بنتوه فيها فتخيل بقى انه ربنا هو اللي خلق التفاصيل دي كلها واا وهو ما بيتوهش فيها سبحانه يعني.
تم النشر الخميس، ١٢ ديسمبر ٢٠٢٤
بالعلم والعمل:- بالقراءة عن صفات الله ومعانيها وعن اليوم الآخر. بالدعاء بيقين والمحافظة على العبادات من صلاة وصيام وزكاة والأذكار ومجاهدة النفس لعدم الوقوع في الذنوب. وركز على الدعاء بيقين أرشح لك كتاب لأنك الله، وكتاب آخر يتحدث عن اليوم الآخر لعمر سليمان الأشقر.
تم النشر الخميس، ١٢ ديسمبر ٢٠٢٤
أخي الكريم، أشكر لك صدقك وشفافيتك في طرح مشكلتك الروحية. من المهم أن ندرك أن مرحلة الشك والتساؤلات هي مرحلة شائعة ومهمة في رحلة الإيمان. إن العودة إلى الإيمان بعد تجربة الإلحاد تتطلب وقتًا وجهدًا، وهذا أمر طبيعي. إليك بعض الخطوات التي قد تساعدك في تعزيز إيمانك وشعورك بالطمأنينة: القراءة والتعلم : احرص على قراءة الكتب التي تتحدث عن الإيمان، الصفات الإلهية، ودروس السيرة النبوية. فهم العقيدة الإسلامية بشكل أعمق قد يساعدك في تعزيز يقينك. الممارسة العملية : حاول الالتزام بأداء الصلاة في وقتها، وزيادة النوافل (السنن) مثل السنة القبلية والبعدية، وكذلك صلاة الليل. حافظ على تكرار الأذكار اليومية. الصحبة الصالحة : احرص على مصاحبة الأصدقاء والمتدينين الذين يؤثرون عليك إيجابيًا. يمكن أن تلهمك تجربتهم وتقوي إيمانك. الدعاء : لا تتردد في الدعاء بأن يثبت الله قلبك ويزيدك إيماناً. الدعاء هو وسيلة للتواصل مع الله وطلب المساعدة في الأوقات الصعبة. تجنب العزلة : حاول الابتعاد عن الأفكار السلبية أو الأجواء التي قد تؤدي إلى الشك في إيمانك. الصبر والثبات : تذكر أن الإيمان يحتاج إلى صبر. لا تفقد الأمل، فالله رحيم ومقتدر، ومع الوقت ستحصل على الطمأنينة التي تبحث عنها. في النهاية، من المهم أن تتقبل نفسك وأن تسعى دائمًا للتقرب إلى الله. إيمانك موجود ولكنه يحتاج إلى الرعاية والتغذية. أسأل الله أن يوفقك ويجعل قلبك مليئًا بالإيمان والخشوع.
تم النشر الثلاثاء، ١٠ ديسمبر ٢٠٢٤
يا اخي الكريم ابحث في اسماء الله الحسنى ستعرف من هو الله ستعرف من هو الرقيب الذي يراقبك ومن هو القوي الذي يعطيك الطاقه لتحمل يومك وايامك هو الرزاق الذي يرزقك رزق يومك وغدك هو الفتاح يفتح عليك ابوابا ربما اغلقها عنك البشر يوم هو اللطيف لطيف عليك هو الرحيم يرحمك وهو السميع والبصير اذا لم ترى فهو يراك يقال اذا اردت ان تكلم الله فصل واذا اردت ان يكلمك الله فاقرا كتابه وصلاه قيام الليل هي سبب ذهاب هم وغم وتفريج هموم وغموم ويفتح الله لك فتحا عظيما لان الله بجلاله ينزل الى سماء الدنيا ويسال كل عبد فيعطيه ما طلب ويغفر له من ذنوبه ان وصلت على السماوات والارض
تم النشر الخميس، ١٢ ديسمبر ٢٠٢٤
شكراً جزيلاً ربنا يوفقك يا رب
تم النشر الخميس، ١٢ ديسمبر ٢٠٢٤
لعرض السؤال في فدني اضغط هنا