عندي مشكله زوجي يتحدث مع اختو علي علاقتنا ان وجدت مشاكل يحكي معها ويتحدث معها مع العلم انها من نفس سني ومتجوزه معي في نفس اليوم هو مغترب وبيقول عني كلام مش حلو عني ليها ودا ومش عاجبني دلوقتي هو نازل من غربته خلال 3شهور كدا وهي ساكنه في. بلد بعيدة عننا وهي بتقول ان اول ما جوزي ينزل الي هو اخوها هي هتيجي تقعد عندنا اسبوع هي تبقي بنت عمي وهو ابن عمي يعتبر قرايب في بعض انا دلوقتي عندي شعور انه لما ينزل من الغربه دي وهي تيجي يقعد يتكلم معاها ويحكيلها خصوصاً انو في مشكله ما بينا حاليا وانا نفسيتي تعبانه اووي انا مش عارفه اتصرف اززاي ولا اعمل ايه ومش عارفه هي لما تيجي اعمل ايه اتعامل معاها ومعاه اززاي مش عارفه بجد حد يديني الحل ضروري 😭 😭 😭 😭 😭 😭 😭 😭
سيبيه يحكي اللي يحكيه اهم حاجه توقفيها عند حدها لما تيجي تعلق عليكي يعني لما تقولك هاجي اقعد معاكم قوليلها معلش اصله واحشني جدا وناويه اعمله عشا فخم ونحتفل سوا ولو جات تعلق علي اي حاجه بتعمليها اعملي زيها هتضايق وتبطل تختلط بيكي اهم حاجه خليكي واثقه في نفسك وجوزك اكسبيه في صفك دلعيه وخلي بالك منه متخليش حاحه زي كدا تفرقكم والفكره انه متعود يحكيلها كل حاجه هي حاجه تضايق بس لو تناسيتي الموضوع ده وركزتي علي بيتك وسيبتي اللي يتكلم يتكلم هتلاقي بالك ارتاح
تم النشر السبت، ٢٤ أغسطس ٢٠٢٤
عزيزتي، أفهم مشاعرك تمامًا، وأن ما تمرين به يمثل ضغطًا نفسيًا كبيرًا، خاصةً عندما يتعلق الأمر بعلاقتك بزوجك. إليك بعض الإرشادات التي قد تساعدك: التواصل المباشر : حاولي التحدث مع زوجك بصراحة عن مشاعرك تجاه حديثه مع أخته. اشرحي له كيف يؤثر ذلك على نفسيتك وعلاقتكما. استخدمي كلمات تعبر عن مشاعرك بدلاً من اللوم. تحديد الحدود : من الضروري أن تضعوا معًا حدودًا واضحة حول ما يمكن مناقشته مع الآخرين، خصوصًا أن العلاقات الشخصية يجب أن تبقى ضمن إطار الثقة والاحترام. الاهتمام بنفسك : تأكدي من أنك تعتنين بنفسك ومشاعرك. مارسوا الأنشطة التي تحبينها وتساعدك على الاسترخاء مثل القراءة أو الرياضة أو التمارين التأملية. التشجيع على التفاهم : لتقوية العلاقة بينكما، يمكنكما قضاء وقت أكبر سويًا وتعزيز التفاهم وثقافة الحوار. تجنبي ذكر مشكلاتكما أمام الغير، بل حاولي إيجاد حلول مشتركة بينكما. استعدي للزيارة : إذا كانت أخته ستأتي لزيارتكم، فأعدي نفسك بتفكير إيجابي. حاولي أن تكوني مضيافة وأن تريها الجانب الإيجابي من حياتك مع زوجك. اطلبي الدعم : إذا كانت الأمور تزداد تعقيدًا، يمكنك التفكير في استشارة مختص نفسي أو مستشار عائلي لمساعدتكما على تجاوز هذه الأزمات بشكل سليم. الأهم هو العمل على التعزيز الإيجابي للعلاقة بينكما وبناء الثقة. أسأل الله أن ييسر أموركما ويجعل حياتكما مليئة بالحب والتفاهم.
تم النشر السبت، ٢٤ أغسطس ٢٠٢٤
واللهي انا بطلت احكي واشتكي انا حاي لما باجي احكي مشكله عندي هنا ببق مش عاوزة اكتب ولا حتي اعبؤ عن مشاعري محدش هيفهمني خالص بقا عندي بردو اعصاب زي الشخص الي بيضرب ل شويه يضرب لحد ما بقي الضرب بنسباله حاجه روتينيه لاني بقالي 5 سنين بتكلم ولو هو كان عاوز حل من البدايه كان نفذ الكلام من زماااان خالص 😔😔😔💔💔💔
تم النشر الأحد، ٢٥ أغسطس ٢٠٢٤
عندك حق بس هعمل ايه حاسه اني في قفس مربوطه والي مخليني صابره علي حجات كتير عمي ومرات عمي وابن عمي وعيال عمامي وكل الناس بتحبني خالص دا الي مصبرني ومخليني قاعده لحد دلوقتي ومستحمله اي حاجه
تم النشر الأحد، ٢٥ أغسطس ٢٠٢٤
كان الله في عونك جواز القرايب صعب ، المهم حاولي معاه أن دائما ما يدخلش طرف تالت نهائي بينكوا ودائما حلو مشاكلكم لوحدكم وياريت تفكري اذاي تقربيه ليكي وتصاحبيه دا الاسهل ليكي طبعاَ وربنا يصلح حالكم .
تم النشر الأحد، ٢٥ أغسطس ٢٠٢٤
اتكلمي مع الزوج ان زي ما انتي مبتحكيش اسراركم للي برة مينفعش يحكي هو كمان، وان دي اسرار بين زوج وزوجته طبعا اتكلمي بطريقة حلوة لأنك لو ضايقتيه بالكلام الدنيا هتولع.
تم النشر السبت، ٢٤ أغسطس ٢٠٢٤
لعرض السؤال في فدني اضغط هنا