السلام عليكم
انا عندى 19 سنه واول مره اتكلم فالموضوع ده
انا حصلي حاجه وانا صغير من حد قريبي الحاجه دى مأثره عليا لحد دلوقتي (خليتنى غير سوي) مش عارف بس انا عارف اني عندي مشكلة و مش حابب اكمل حياتى كده ولا عاوز ابقي الانسان ده انا مختارتش اكون كده وعارف ان دى حاجه مكانتش ف ايدي و جربت اروح لطبيب نفسي بس متردد
و في نفس الوقت انا محتاج ده ضروري
انا عارف ان الموضوع شائك شويه بس دى اول مره اتكلم عنه
مع العلم ان علاقتي بربنا حلوة الحمدلله و محافظ عليها
الموضوع تاعبني اوى وكمان مشاكلى العائلية وعدم وجود دور الاب مأثر اكتر وكان سبب فكل ده
وكمان حاجات كتير ساعدت انى اكون كده
انا بحاول اجاهد نفسي انى معملش حاجه غلط بس الموضوع صعب وانى مكلمتش حد فيه اصعب
انا محتاج حد يكون فاهمنى بس
آسف علي الإطاله
سعات الإنسان مش بيكون مدرك لقساوة الماضي بتاعو والظروف الى ربنا حاطه فيها الى بسببها هيفهم حجات كتير فى الدنيا وهو لسه صغير وهيدرك قيمة نفسه ويفهم معنى الحياه انت قولت أن حصل ليك شىء مش كويس عن طريق حد تعرفه وتقريبا كنت صغير وغير مدرك طب انت ملكش ذنب فى الموضوع ده وانت مش مسؤول عن حاجه مكنتش عارف اتعملت ازاى وليه وانا عاوزه افهمك ده لان انا كمان حصل معايا شىء مش لطيف أو اتعلمت حاجه معينه وانا كنت تقريبا فى تانيه ابتدائي عن طريق حد من قرايبي وعشت نفس المعاناه ولحد الان بزعل لما بفتكر بس بقول لنفسي انى مليش اى ذنب انا اتحطيت مع ناس مريضه خلتنى اعمل كده ف مش لازم أحبط نفسي انا مكتتش واعيه تماما ومش اى مشاكل تجيلك تختار انك تنهى حياتك وده مش تقليل من المشاكل بتاعتك ولكن اشمعنا ربنا بيقبض روح ناس كتير حوالينا ف مختلف الاعمار وانت لحد الان عايش ؟ مش يمكن ربنا مستنى منك حاجه كل واحد فينا ليه دور فى المجتمع كلنا بنكمل بعض هيجى يوم تدرك انك مهم ده لو كنت فاكر انك مش مهم دى مشكلتك بس الحقيقه اكيد انت مهم اكيد ناس هتدخل حياتك وتحتاجك متستعجلش فى الحكم على حياتك ثم كل شىء مكتوب واحنا بنفذ أوامر ربنا وفى ناس كتير جدا حصل معاها حجات مش لطيفه وهى صغيره والحمدلله أن محدش يعرف حاجه وربنا ستر عليك متحكيش لحد متحكيش لحد ابدا ابدا متفضفضش لحد خااالص بجد المشكله دى بالذات متحكيهاش غير مثلا لو محدش يعرف هويتك فاهم عموما متلومش نفسك وسامح نفسك على كلامك اتجاه نفسك وكويس انك قريب من ربنا ربنا يديم القرب ده ربنا يفرحك ويسعدك ومتزعلش لو ابوك بعيد عنك ملكش نصيب فى حنيه الاب محدش بياخد كل حاجه فى ناس عندها أهل كويسه جدا بس عندهم مشاكل فى الصحاب وناس عندها مشاكل مع الاهل وقدرت تكون عيله كويسه لو شايف عدم وجود والدك حاجه ادايقك واكيد ليك حق بس خلى ده حافز ليك انك مش هتكون زيو فى المستقبل وان ربنا يكرمك بعيله وزوجه وأطفال تكون ليهم الاب انت تعوضهم وهما يعوضوك انت لسه ف بدايه الطريق كل يوم بتصحى ربنا مستنى منك الجديد انت بطل قصتك متخليش حاجه تحبطك 🫶🏻
تم النشر الخميس، ٢٩ أغسطس ٢٠٢٤
وعليكم السلام ورحمه الله وبركاته جميل جدا انك مدرك كل التفاصيل دي حاجه كويسه جدا خليني اقول لك ان كان اللي انت تعرضت له او اللي ممكن تتعرض له بعد كده من اسباب من ظروف ومن الحاجات ممكن تكون خارجه عن ارادتك وحاجات انت مش متحكم فيها ولكن ارادتك انت الشخصيه واختياراتك انت الشخصيه هي اللي هتغلب اي حاجه ازاي انا دلوقتي لو الظروف اللي حواليا كلها ناس بتتكلم بلسان مش حلو ولكن انا اخترت ان انا اكون انسان لسانه حلو ايه اللي هيحصل مهما كانوا الناس دولت طول الوقت بيسمعه وداني الكلام اللي مش حلو انا باختياري الاقي نفسي بشكل لاواعي مخي بيرفض ان هو يسمع الكلام ده وكانه ما اسمعهوش ولساني ما بيطلعش منه غير الكلام كويس طب هعمل كده ازاي ده انا ممكن غصب عني اقول نفس الكلام اللي بيتقابل لا لو ضربت نفسي على اني اقول الكلام الحلو بس ولما اسمع الكلام الوحش اقول مثلا استغفر الله العظيم او
تم النشر الخميس، ٢٩ أغسطس ٢٠٢٤
انا فهمتك انت بتتكلم عن الشذوذ .. و عايزه اقولك مدام حد عمل معاك كده و انت صغير و سبب لك في اللي انت فيه فعقلك بيصورلك نوع من العقاب عشان يخليك كده .. و كمان مدام فاهم انك بتاذي نفسك بشكل ده و رافض دي بداية العلاج .. روح لدكتور سلوكي بدون تردد عشان لو سكت حياتك الجاية هتكون اسؤاء بكتير من اللي انت متخيله .. انت لسه صغير و لما هتكبر هتندم ان مغيرتش الواقع اللي انت عايش فيه دلوقتي
تم النشر الخميس، ٢٩ أغسطس ٢٠٢٤
وعليكم السلام ورحمة الله وبركاته. أولاً، أود أن أشكرك على شجاعتك في مشاركة مشاعرك وتجربتك. أن تتحدث عن مشاكلك هو خطوة أولى مهمة نحو الشفاء والتغيير. من الواضح أنك تعاني من تجربة صعبة أثرت على حياتك، ومن الطبيعي أن تشعر بالتردد حيال العلاج النفسي، ولكن من المهم أن تعرف أن طلب المساعدة هو علامة قوة وليس ضعفًا. أنت في مرحلة حساسة من حياتك، وعندما تعاني من مشكلات نفسية وعاطفية، لن يكون من السهل التعامل معها بمفردك. إن وجود توجيه ومساعدة من مختص يمكن أن يوفر لك الدعم الذي تحتاجه لتجاوز هذه المرحلة. من المهم أن تسعى للبحث عن معالج نفسي موثوق، يمكنه مساعدتك في فهم مشاعرك وتجربتك. قد يكون ذلك عبر التحدث عن الأحداث التي مرت بها وكيف أثرت عليها على شخصيتك والسلوكيات التي تعبر عنها. كما أن الحفاظ على علاقتك مع الله عز وجل سيكون دافعًا قويًا لك في مسيرتك نحو الشفاء. لا تتردد في البحث عن الدعم، سواء من خلال العيادات النفسية أو حتى من خلال التوجه إلى شخص تثق به في عائلتك أو صداقاتك. تذكر أنك لست وحدك في هذا، وأن هناك من يهتم بك ويرغب في مساعدتك. أرجو أن تجد الراحة والقوة في هذه المرحلة، وأنت على الطريق الصحيح نحو التغيير الإيجابي. إذا كنت بحاجة إلى دعم إضافي، فلا تتردد في التواصل مرة أخرى.
تم النشر الخميس، ٢٩ أغسطس ٢٠٢٤
روح لطبيب نفسي او حتي تابع مع طبيب اونلاين زي ابلكشن شيزلونج و كدا لو محرج تروح بس ده حل انك تروح تعالج المشكلة
تم النشر الجمعة، ٣٠ أغسطس ٢٠٢٤
وعليكم السلام ورحمه الله وبركاته روح لدكتور نفسي او لشيخ وجرب تختم القرآن واتمنالك السعاده في حياتك
تم النشر الجمعة، ٣٠ أغسطس ٢٠٢٤
لعرض السؤال في فدني اضغط هنا