لا عاش ولا كان الي قول عليكى كلمه تنيمك زعلانه ابدا ، فى حياة كل واحد فينا ناس معقده بتطلع كلام زى السم بجد مش لازم يكون دائما الأهالي سويين نفسياً ممكن اختك تكون غيرانه منك او حتى هى اصلا عندها مشاكل مفيش حد هيقولك كلام قاسي كده الا لو هو مش طبيعي بجد ، فى امهات كتير بتدعى بس صدقيني والله اول واحده هتجرى عليكى متاخديش علي خاطرك منها انا اسفه بالنيابه عنهم ، بس الموت عمرو ما كان حل لمشاكلنا لو انتى شايفه أن بيتم احباطك متخليش نفسك الطرف الخسران متخليش نفسك حد هما عارفين نقطه ضعفك ايه كل واحد فينا عندو عيب بس لو حبو الي قدامو مش هيقدر يجرحو لانو عارف ان كلامو مش هيفيد لو اختك كلامها قاسي حاولى تتجنبيها مش تبعدى بس يعنى حاولى تتجنبي كلامها أو تقوليها أنها تبطل تقول الكلام ده لو جسمك عاجبك متغيرهوش عشان حد صدقينى كلام الناس عمرو ما بيقل مفيش اسهل من الكلام بس انتى لازم تبقي اقوى من كده الشخص الي مش مدرك قيمة نفسو من بصه واحده قادره تحطمو انا عارفه أن الكلام قاسي بس امك لازم تستحملي واكيد ربنا هيعوضك وبكره لما تخلفي هتبقي احسن ام ومش هتكررى غلطات الماضي مع اولادك وتحتويهم وربنا هيكرمك علي صبرك واختك دى اكيد حد بيتريق عليها أو مدايقها عشان تقول كلام مؤذى كدا انشغالك بالكلام وصلك للاكتئاب ما ايه رأيك تشتغلي علي تطوير اى حاجه بصي ياحبيبتي كل الكلام ده ممكن متنسهوش وليكى الحق لأن النسيان مش بالإراده بس انتى ممكن تحطى الكلام ده حافز ليكى عشان تشدى علي نفسك وتتغيرى للأحسن ده غير طبعاً أن لو قعدتى كل يوم تعيطى وتحاولى تشوفى اى حجات حزينه تفكرك بجرح أهلك وتعيطى اكتر هتفضلى تألمى ف قلبك طول الوقت لحد ما وقت كبير يضيع من عمرك هتلاقي أهلك بينجحوا وانتى ثابته ف مكانك وطبعا هيحطموكى اكتر انشغالك بالكلام بيرجعك الف خطوه لورا محدش بيأذى حد بكلام الا لما ربنا يعاقبو ويجبر بخاطر الي اتأذى اتمنى متكونيش حكيتى لأى حد من صحابك أو اى حد عمتا علي معاملة أهلك اتمنى بجد عشان اسرار البيت بتستخدم ك نقطة ضعف فى بعض العلاقات زى ممكن حد يعاير حد باهلو أو يقولو انت مريض عشان أهلك مش بيحبوك وكلام مؤذى كتير انتى جميله اقسم بالله من قبل حتى ما اشوفك ربنا يكرمك وينجحك فى حياتك ويعوضك خير يارب حبي نفسك عشان انتى لو فقدتى حب الأهل هتدورى عليه برا فى مجتمع مع علاقات مؤذيه وده مش كويس ربنا يوفقك 🤍
تم النشر الاثنين، ٢٥ ديسمبر ٢٠٢٣
2 تعليق
بنت اصول بجد رغم كل الالم وماذلتى باقيه أن شاءالله ٢٠٢٤ تبقي سنه جميله عليكى وتحققي كل الي نفسك فيه وربنا يجبر بخاطرك ده كفايا أن حد يبقي حد ف حياتو حد كويس بيصون العشره ومتمسكه بأهلك دى حاجه كويسه اوى بجد ربنا يكرمك علي قد طيبتك وحنيتك وان شاءالله ربنا هيكرمك❤️
تم النشر الاثنين، ٢٥ ديسمبر ٢٠٢٣
شكرا ليكي بجد شكرا اوووي علي كلامك الجميل ال زيك دا هو بجد في حد كويس كدا من غير ميعرفنيش يديني حافز قوي كدا بجد انا مش عارفه اشكرك ازاي بس كلامك خلاني اعيط وعموما انا عمري محكيت لحد علي معاملة أهالي لأن دول اهلي في الآخر وفي الاول عيب اقول عليهم اصحابي كدا وانا هحاول ارمي الماضي بوجعو كلو وابدا سنه جديده بحياة جديده وناس جديده ♥️♥️♥️ربنا يخليكي بجد علي كلامك الجميل دا
تم النشر الاثنين، ٢٥ ديسمبر ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك