لا أعرف كيف اتعافى من الماضي، ومن كثرة استهزاء اهلى بوزنى وكلماتهم التي لا انساها!

Question

السلام عليكم اولا انا في تانيه ثانوي علاقتي مع أهلي مش وحشه بس في حاجه انا وماما كنت بتخانق كتير اوووي وكانت دائما بتقولي كلام قسما بالله بيدبحني لدرجة حاولت انتحر اكتر من مره بس كان غصب عني والله حتي اخواتي سعات كنت بحسها جاحدين اوووي حولو شخصيتي عمرهم ما خافو علي مشاعري دايما ماما من اقل موقف تدعي عليا بالموت وكمان انا وزني كان76 كيلو كنت اجي اكل تقعد تقولي خسي بقا لازم تعملي دايت اختي كنت اجي البس لبسها تقولي هتوسعهولي يعني اتقالي كمية كلام حرفيا كنت بموت منهم كانو بينامو وانا بقعد بالليل اعيط وكنت بحس اني هموت من كتر الوجع معنديش صحاب خالص عندي قرايبي بنتين قدي دول ال بمشي معاهم غدرو بيا برضو وكل حاجه بيلبسهولي لحد الفتره دي بقيت بعرف اخد حقي شويه بس المشكلة بقا اني مكتئبه اوووي الفتره دي وكل شوية اعيط وانا مش عارفه اتعفي من كلامهم والله قلبي مش اسود بس مكنتش مستنيه دا منهم هما نفسيتي الفتره دي مدمره محدش حاسس بيا باجي قدام كلو واضحك واقعد اعيط مع نفسي محدش حاسس اني موجوعه مش عارفه افوق ومش عارفه اذاكر وحاسه باعجز قلبي وجعني دمرو ثقتي في نفسي خصوصا أن كانو بيتريقو علي جسمي كتييير لحد لما خسيت سته كيلو ولسه هخس بقنع نفسي أن عشان ثقتي تزيد بس لا دا عشان مسمعش كلامهم ال زي السم خلوني أسأل نفسي هو انا متخبش هو مستهلش لو لقوني ندايقه أو زعلانه بيسهينو بمشعري اووووي حاسه اني بتخنق وأوقات كتير بتمني الموت لاني فاض بيا اووووي

Accepted Answer

لا عاش ولا كان الي قول عليكى كلمه تنيمك زعلانه ابدا ، فى حياة كل واحد فينا ناس معقده بتطلع كلام زى السم بجد مش لازم يكون دائما الأهالي سويين نفسياً ممكن اختك تكون غيرانه منك او حتى هى اصلا عندها مشاكل مفيش حد هيقولك كلام قاسي كده الا لو هو مش طبيعي بجد ، فى امهات كتير بتدعى بس صدقيني والله اول واحده هتجرى عليكى متاخديش علي خاطرك منها انا اسفه بالنيابه عنهم ، بس الموت عمرو ما كان حل لمشاكلنا لو انتى شايفه أن بيتم احباطك متخليش نفسك الطرف الخسران متخليش نفسك حد هما عارفين نقطه ضعفك ايه كل واحد فينا عندو عيب بس لو حبو الي قدامو مش هيقدر يجرحو لانو عارف ان كلامو مش هيفيد لو اختك كلامها قاسي حاولى تتجنبيها مش تبعدى بس يعنى حاولى تتجنبي كلامها أو تقوليها أنها تبطل تقول الكلام ده لو جسمك عاجبك متغيرهوش عشان حد صدقينى كلام الناس عمرو ما بيقل مفيش اسهل من الكلام بس انتى لازم تبقي اقوى من كده الشخص الي مش مدرك قيمة نفسو من بصه واحده قادره تحطمو انا عارفه أن الكلام قاسي بس امك لازم تستحملي واكيد ربنا هيعوضك وبكره لما تخلفي هتبقي احسن ام ومش هتكررى غلطات الماضي مع اولادك وتحتويهم وربنا هيكرمك علي صبرك واختك دى اكيد حد بيتريق عليها أو مدايقها عشان تقول كلام مؤذى كدا انشغالك بالكلام وصلك للاكتئاب ما ايه رأيك تشتغلي علي تطوير اى حاجه بصي ياحبيبتي كل الكلام ده ممكن متنسهوش وليكى الحق لأن النسيان مش بالإراده بس انتى ممكن تحطى الكلام ده حافز ليكى عشان تشدى علي نفسك وتتغيرى للأحسن ده غير طبعاً أن لو قعدتى كل يوم تعيطى وتحاولى تشوفى اى حجات حزينه تفكرك بجرح أهلك وتعيطى اكتر هتفضلى تألمى ف قلبك طول الوقت لحد ما وقت كبير يضيع من عمرك هتلاقي أهلك بينجحوا وانتى ثابته ف مكانك وطبعا هيحطموكى اكتر انشغالك بالكلام بيرجعك الف خطوه لورا محدش بيأذى حد بكلام الا لما ربنا يعاقبو ويجبر بخاطر الي اتأذى اتمنى متكونيش حكيتى لأى حد من صحابك أو اى حد عمتا علي معاملة أهلك اتمنى بجد عشان اسرار البيت بتستخدم ك نقطة ضعف فى بعض العلاقات زى ممكن حد يعاير حد باهلو أو يقولو انت مريض عشان أهلك مش بيحبوك وكلام مؤذى كتير انتى جميله اقسم بالله من قبل حتى ما اشوفك ربنا يكرمك وينجحك فى حياتك ويعوضك خير يارب حبي نفسك عشان انتى لو فقدتى حب الأهل هتدورى عليه برا فى مجتمع مع علاقات مؤذيه وده مش كويس ربنا يوفقك 🤍

Answer

السلام عليكم ورحمة الله وبركاته اولا الحل عندك انتي بدل ماتقعدي بليل وتعيطي روح بين ايد ربنا هتلاقي كل راحتك والله مفيش أجمل من مقابلة ربنا مفيش أجمل من قيام الليل وقرءاة القرآن راحة مابعدها راحة حاولي تقربي من ربنا لو كنتي بعيدة ركعتين قيام ليل ودعوة فيهم قادرين يغيروا حياتك كلها متفكريش في الناس وكلامهم وتنسي رب الناس ياحبيبتي في الله ربنا قادر يريحك ارجعيله وهو هيفرح بيكي اوي ومش هيخذلك ونصيحة من اختك في الله صلى على النبي صلى الله عليه وسلم كتير اوي لان الصلاة عليه بتفعل المعجزات السلام عليكم

Answer

مش عشان خاطر الكل بينتقدني يبقى انا وحشه بالعكس انا ممكن اكون احسن منهم كلهم حاولي تقوي ثقتك بنفسك وتقولي ان انت كويسه وان انت احسن من اي حد ومش الدنيا اللي تخلينا نخسر الاخره الاخره احسن بكثير اشتغلي على نفسك تخسي ما تخسيش مش هتفرق اهم حاجه تكوني انت واثقه في نفسك وعارفه ان انت جميله من جوه وجميله من بره لو اتلهيتي في شغلك ومذاكرتك وحياتك وحاولت تنجحي انت مش هتشوفيهم اصلا الضربه اللي ما تعلمش وجعها بيعلمنا مجرد ما تنجحي هتلاقي كلهم بيحاولوا يتقربوا منك حاولي يكون عندك لا مبالاه بالدنيا شويه

لا أعرف كيف اتعافى من الماضي، ومن كثرة استهزاء اهلى بوزنى وكلماتهم التي لا انساها!

نفسية

اجتماعية

ثقة بالنفس

أهل

سؤال من احد أعضاء فدني

تم النشر الأحد، ٢٤ ديسمبر ٢٠٢٣

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك