انا كنت دلوعه بابا كنت بحبه اوي، من وقت مش طويل حصلت مشكله. المشكله دي قعدت يوم المشكله دي انا مليش ذنب فيها و لا عملت حاجه غلط بس وقفت مع الحق قصاد بابا و في اليوم ده اتحول كل حاجه بابا عالمني معامله في اليوم ده معامله زباله المهم انها خلصت المشكله و صالحني و عشان هو بابا و مينفعش فقبلت الصلح انا دلوقتي مش قادره انسى بقيت بكلم بابا بفتور و برد على قد السؤال انا عارفه اني غلط بس مش عارفه ارجع زي زمان ياريت تفيدوني
بصي انا مقدرة شعورك دا بس ف الاول والاخر دا والدك يعني مينفعش تخاصميه ولا تتجاهليه ولا تعامليه معاملة مش كويسة ولا كل ده ف ابدأي معاه صفحة جديدة كده وانتي بنته حبيبته ودا بباكي حبيبك ياما بيحصل بين الاباء والابناء يحبيبتي ف لازم نعدي ليهم ونفوت وان شاء الله كل حاجة هترجع كويسة زي الاول
تم النشر السبت، ٢٨ سبتمبر ٢٠٢٤
ماكنتيش تقفي قصاد باباكي، لو انتي وقفتي قصاده مين هيقف معاه؟ حتى لو باباكي مش على حق ماتقفيش قصاده واتناقشوا بينكوا وبين بعض لما الموضوع يهدأ؛ وقت الخناقات اصلا بيكون كل طرف شايف نفسه هو الصح فمهما عملتي وقتها مش هيقتنع. (وقل ربي ارحمهما كما ربياني صغيرا). (وقضى ربك ألا تعبدوا إلا إياه وبالوالدين إحسانا).
تم النشر السبت، ٢٨ سبتمبر ٢٠٢٤
السلام عليكم ورحمه الله وبركاته. شوفي عايزاك الاول تبقي وصل اللي حصل ما بينك وما بين بابا او في علاقتك ببابا ان ده هيبقى الكتالوج اللي انت تعرفي تتعاملي به مع كل الناس ومع مختلف انواع العلاقات بشكل يفيدك ما يضركيش بعد كده ان شاء الله دي نقطه مهمه قوي ايه هو الكتلوك الكتالوج ان احنا لما بيكون في علاقه بتربطنا بحد قوي بننسى بننسى ايه بقى بننسى انه وارد ان يحصل حاجات وحشه بننسى ان اللي قدامنا ده بني ادم واحنا بني ادمين بننسى ان ثبات الشيء. الى ما لا نهايه دي حاجه مش موجوده اصلا في ارض الواقع ممكن يكون بابا بيدلعني طول الوقت بيحبني شايفني ما فيش مني اثنين لكن حصل موقف ومفترض انه الموقف ده يخرج بره البند بتاع انه انا ضلوعي الضوئي وهو بيحبني انا لسه زي ما انا دلوقتي بابا بيحبني لكن في هذا الموقف احنا دلوقتي قابلنا اختلفه النظر احنا قابلنا دلوقتي اختلاف علىان احنا بندخل المعاني في بعض هو ده اللي بيخلق الحاله اللي انت فيها دلوقتي ان انا خلاص ما بقتش شايفه بابا زي الاول ليه ما بقتش شايفه زي الاول عشان انا كنت في الاول حطاه في شكل لا منطقي انه بابا اللي بيحبني ده مش ممكن يواجهني حاجه وحشه. لكن ده مش طبيعي هو وارد جدا انه الشخص اللي قدامنا اللي بيحبنا اللي بيعزنا اللي بيعملنا حلو قوي طول الوقت كل الهمه ان هو يبسطنا في وقت من الاوقات ايه يوجه لنا حاجه تزعل ممكن بقى ممكن من غير قصد ممكن بسوق فين هو ممكن وممكن حاجات كتير جدا طب ليه بنهز المكان دي عشان احنا كنا فاكرين ان دي حاجه ثابته ما بتتغيرش. المكانه ثابته لكن المواقف متغيره فالرقي ما بين الاثنين دول كويس قوي قوي والمواقف مش ضروري مع اول موقف نيجي نهز المكان او نهد ده خالص كده من جواكي كانك عايزه تهدي المكانه دي وانا ما بقتش عارفه اشوف بابا زي الاول فارجعي تاني بقى حطي بابا في صوره حقيقيه صحيحه مش خياليه غير صحيحه عشان تقدري تحسني الوضع ده جواكي قبل اي حاجه.
تم النشر السبت، ٢٨ سبتمبر ٢٠٢٤
عزيزتي، من المؤسف أن تشعري بهذه الطريقة تجاه والدك، خاصةً بعد فترة كانت لديك فيها مشاعر محبة قوية تجاهه. من الواضح أنك قد واجهت تجربة صعبة تؤثر على علاقتكما، وهذا أمر طبيعي عند حدوث خلافات. الأب هو شخص له مكانة خاصة في حياة كل منا، وفقدان هذا الارتباط يمكن أن يكون مُحزنًا للغاية. لكن من المهم أن تتذكري أن جميع العلاقات تمر بتحديات. إليك بعض النقاط التي قد تساعدك في تجاوز هذه المرحلة: التواصل الصريح : حاولي فتح حوار مع والدك، وأخبريه عن مشاعرك. تفاهم الوضع والتعبير عن مشاعرك يمكن أن يساعد في تقوية الروابط. تقبلي الخلاف : يجب أن تدركي أن الخلافات جزء طبيعي من العلاقات. كل شخص معرض للخطأ، ومن المهم أن تكوني قادرة على الصفح والمضي قدمًا. ركز على الذكريات الإيجابية : تذكري الأوقات الجميلة التي قضيتموها معًا. هذا يمكن أن يساعد في إعادة إشعال شعلة العلاقة بينكما. تسوية النفس : تعامل مع مشاعرك بطريقة سليمة. قد تكونين بحاجة لبعض الوقت لتستعيدي الثقة والراحة في التواصل معه، وهذا طبيعي. الفهم المتبادل : حاولي فهم وجهة نظر والدك ومشاعره حول الموقف. قد يكون لديه دوافع أو مشاعر تجعله يتصرف بطريقة معينة. خذي وقتك وكوني صبورة مع نفسك. كل شيء يحتاج إلى وقت، ولا تترددي في طلب المساعدة من مختص إذا شعرت أن الأمور تتطلب ذلك. تذكري أن الهدف هو استعادة العلاقات والدعم بينكم، ولا تنسي أن الابن أو الابنة التي تعيد بناء جسور المحبة لها مكانة كبيرة في قلب والدها.
تم النشر السبت، ٢٨ سبتمبر ٢٠٢٤
الزمن بينسي وبيصلح
تم النشر السبت، ٢٨ سبتمبر ٢٠٢٤
الزمن كفيل انه يصلح العلاقة ما بينكم ، الاب هيفضل اب انتي مأخترتيش ده و متقدريش تغيريه ، بس ده درس ليكي .. اكيد لما بتفكري في الموضوع من البداية هتلاقي انك كان ممكن تعملي تصرف اذكي من اللي عملتيه و تقولي كل اللي انتي عايزاه بس بطريقة احسن ، لو معداش عليكي خلافات كتير مع والدك فده واضح رينا يصلح لك الأمور و ييسر لك الأحوال .. و بعدين عادي يعني لما يصلح موقف منه او ياخد منك جنب او يزعق او يتضايق متكبريش الأمور
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا