المرة الأولى والأخيرة اللي أعجبت فيها بحد كان في شغلي القديم من حوالي 6 سنتين ..والموضوع مانفعش وانتهي خالص...و سمعت أنه خطب واتجوز و بقي عنده بنت كمان و دلوقتي ربنا يسهله الحال مش زعلانه يعني... بس اضطررت وقتها اني اخد أدوية واروح لطبيب نفسي لأنني كنت بفكر كثيرًا اوي ومش بعرف انام خالص ، وكان عندي الاكتئاب ونوبات القلق و افكار مش منطقية خالص كانت دايما بفكر أن في حاجة وحشة هتحصل و سبت شغلي و ماكنتش عايزه اعمل اي حاجه في حياتي يمكن بسببه أو يمكن أنا كنت صغيرة ماكنتش واعية باللي بيحصل ..دلوقتي أنا عمري 31 .. مش لاقيه حد معجبة أو منجذبة له أو مهتمه بأي شخص اساسا و ساعات بحس ان قصص الحب والروايات واي حاجة ليها علاقة بالاعجاب أنه كله وهم وان الجواز موضوع روتيني بحت. أن مافيش اي حاجه اسمها حب اصلا.. هل انا غلطانة ؟ ولا ازاي اصحح أفكاري عنه...
انتى بس عشان دى المره الوحيدة اللى تخيلتى فيها تفاصيل الارتباط مع شخص كان الشخص ده ...لذلك الموضوع بقي مربوط بصورته هو وبس . خرجى الشخص ده وصورته وتخيلى اى حد تانى بمواصفاتك اللى تحبيها انه هو اللى هيكون زوجك ..كل ما صورته تبعد كل ما الموضوع هيتحل ان شاءالله فى اسئلة كتير هنا الناس اتكلمت فيها عن الجواز ممكن ان شاءالله تفيدك
تم النشر الاثنين، ١٠ يوليو ٢٠٢٣
أولا لازم تعرفي انك مش غلطانة، انتي بس مريتي بتجربة صعبة كان ليها تأثير وخيم على حياتك. • اللي حصل من ٦ سنين كان مجرد اعجاب وانتهى بدون خسارة، فلا تحزني عليه. أنتي لستي وحدك من مرت بكده. • وجود دورات للعلاج النفسي طبيعي ويدل على انك بتبحثي عن الشفاء. • لا تعممي على كل الرجال وقصص الحب بتجربة واحدة. في ناس كتير بتعيش قصص حب جميلة. • ابدأي بقبول نفسك والاهتمام بنفسك. حاولي تنسي الماضي وتتقبلي الواقع من غير افكار سلبية. • لو شعرتي ان مشاعرك مازالت تأثر على حياتك، فاستشيري طبيب نفسي مجددا. • تذكري ان في ناس كتير هتحبك وتقدرك، ربنا ما خلقشي العالم كله عشان واحد. • تفاؤلي و حاولي تعيشي حياتك بشكل ايجابي. ربنا معاكي وهيساعدك تتخطي هذه المرحلة. اتمنى كلامي يكون وصلك. ربنا يصبرك ويفرح قلبك يارب.
تم النشر الأحد، ٩ يوليو ٢٠٢٣
يمكن انتي مازلتي متأثرة بالتجربة السابقة و خايفة تحبي حد عشان ميحصلش معاكي نفس الي حصل زمان فعشان كده بتحاولي تقنعي نفسك ان مفيش حاجه اسمها حب و انه كذب في كذب بس في الحقيقة الحب موجود صح انه مش ذي الي في الروايات الخيالية دي بس هو موجود في الواقع و صح ان الجواز مش شيء خيالي و رومانسية طول الوقت ذي ما في الروايات أو المسلسلات و لكن الجواز في الواقع مسؤولية و حب و دعم و مشاركه و تفاهم و تضحية الجواز مسؤولية صعبة بجد و يعتبر قرار مصيري لأن من اللحظة الي بتبدأي تعيشي فيها حياتك مع شريكك وقتها بتبدأ عيلة جديدة و مسؤوليات أكبر ذي الأطفال و المشاكل مع الشريك و عيلة الشريك ده و عيلتك و حاجات كتير تانيه و ممكن الزواج يفشل عادي جدا و يحصل طلاق الفكرة هنا أن للزواج منعطف في حياة الشخص ذي اي منعطف تاني بمجرد ما تاخدي قرار الزواج لازم تكوني عارفة انه مش بالشكل الي موجود في الروايات أو المسلسلات بل هو مسؤولية و ده ميمنعش ان في رومانسية و حب و كل حاجه بس الفكرة هنا في اختيار الشخص المناسب و الشخص الصح الي فعلا تقدري انك تعيشي معاه حتى لو كان بينكم مشاكل بس بتحلوها مع بعض من غير ما حد يعرف و بتبنوا أسرة صحية و متماسكة و ده كله في نظري مسؤولية مش مجرد حب و بس عشان كده لازم الواحد يفكر كويس جدا قبل ما يقرر قرار مصيري ذي ده
تم النشر الأحد، ٩ يوليو ٢٠٢٣
هل انتي حاسه انك لسه متأثرة بتجربتك الاولى ولا لا؟ لو لسه حاسه باحساس انك لسه متأثرة يفضل تروحي تتكلمي مع متخصص. ولكن هنتلكم مع بعض في عدة نقاط :- 1- عادي جدا انك تكوني لسه مش لاقية حد تعجبي بيه، كل ما تكبري في السن وتنضجي كل ما اختيارتك تكون انقى في حاجات كتير ومنهم الجواز. 2- قصص الحب والروايات فيه حاجات بتحصل كده في الواقع ربما يكونوا علشان هما متأثرين مثلا بكل الحاجات اللي حواليهم روايات وقصص وافلام واغاني وهكذا ... 3- ايه مشكلتك في ان الجواز يكون روتين؟ يعني لو عملنا ليست دلوقتي بالحاجات اللي في حياتنا هل الحاجات ديه مفيهاش نوع من الروتين حتى لو قليل؟ وايه دخل الروتين في الحب؟ طيب ما عادي جدا انك تعجبي مثلا بشخص وتتزوجوا وفي نفس الوقت يكون في روتين في الزواج وطبيعي بعد فترة تحسوا بالملل .. ولكن اكيد فيه حاجات تخرجكم من زون الملل ده. لان اكيد الزواج مش طول الوقت حب وفراشات ..
تم النشر الاثنين، ١٠ يوليو ٢٠٢٣
الحمدلله علي شي ..بس بساعات بفكر هل التغيير اللي حصل ده هل هو فعلا في محله يعني الواحد يتقبل ده ولا في مشكلة معينة أنا مقدرتش اواجها أو خائفة منها ..
تم النشر الأحد، ٩ يوليو ٢٠٢٣
اولا الموضوع كله في الأول والآخر نصيب ورزق إحنا في حيات بعض أرزاق اولا لازم تحبي نفسك أكتر وعيشي حياتك بكل تفاصيلها ماتضيعيش عمرك وأحلى لحظات في حياتك وانتي منتظرة لأن الإنتظار بيقتل كل لحظة حلوة في حياتنا وساعات لما بنرمي ورا ضهرنا وننسى بنلاقي الحاجة إللي عايزنها هي إللي بتجري ورانا وساعتها بيبقى طعمها أحلى بكتير
تم النشر الأحد، ٩ يوليو ٢٠٢٣
لعرض السؤال في فدني اضغط هنا