عندي 16سنة
انا ماكانش عندي صحاب في المدرسة عشان انتقلت ليها جديد ومكانش حد متقبلني عشان بيقوله اني هادي جدا
المدرسة دي للاسف مختلطة (بنين وبنات في نفس الفصل)
وانا عندي ١٤ مكانش في حد من الولاد متفوق في الفصل بتاعي غيري وكنت دايما ببقاوقاعد لوحدي عشان مكنتش بفهم الطريقة اللي بيتكلموا بيها ولما فهمت محبتش اني اخطلت معاهم
دايما كان في منهم بيبعد عني عشان مش بتكلم زيهم
المهم كنت ببقا مضطر اروح المدرسة وشوفت بنت واعجبت بيها يمكن عشان هادية وشاطرة وللاسف غلطت وركزت مع البنت دي لكن من بعيد طبعاً
تقريباً انا اتعلقت بيها مع اني مكلمتهاش ولا هي تعرفني بس انا كنت ببقا فرحان اني اشوفها بس مش شهوة والعياذ بالله
هو ده حرام؟
في فترة الامتحانات الاخيرة كنت متأثر جداً
والموضوع اثر على مذاكرتي وبقيت مش قادر اكل ولا اعمل اي حاجة وكنت بذاكر للامتحان بالعافية
انا كنت ببقا في حالة حلوة لما بشوفها لكن السنة دي اخر سنة وكنت زعلان انها مش هتبقى موجودة مع اني عارف انها مزودتنيش حاجة ولا هتنقصني حاجة ورغم كدا كنت بفضل اعيط ولما حسيت ان الموضوع كدا هيضرني حكيت لبابا واخد الموضوع بهزار
وماما قالت انها متضايقة انه قصر على مذاكرتي
انا مش عارف اعمل ايه لو سمحتم لو عندكم نصايح عشان فعلاً الموضوع بيخليني متضايق جداً ومش بقدر اعمل اي حاجة والمشكلة اني هضطر اشوفها تاني وبردو هيبقى في الامتحانات وخايف ده يأثر على درجاتي تاني ؟
الانجذاب حاجة عادية وبتحصل الانجذاب مش حرام ..بس التركيز بالنظر الكتير هو اللى مش صح ...لان غض البصر ربنا امرنا بيه . انت اتعلقت بيها من بعيد عشان حسيت انك لقيت حد شبهك وسط المكان اللى كل اللى فيه مش شبهك ومش عارف تندمج معاهم ارجع لمذاكرتك ورتبها زى ما انت متعود ..ولو لقيتها جات على بالك قوم وافصل بانك تتحرك من مكانك او تغسل وشك بميه ساقعه الموضوع هيخف معاك لو بقى عندك اصدقاء اكتر فى نفس المكان اللى هى فيه
تم النشر الثلاثاء، ٥ مارس ٢٠٢٤
حاول قرب من ربنا اكتر و حاول تشغل نفسك بأي حاجه اول ما هاتحس انك هتبدأ تفكر فيها و ركز في دراستك و مذاكرتك
تم النشر الثلاثاء، ٥ مارس ٢٠٢٤
ابعد عنهم بدام مش شبهك وان انت تكون لوحدك احسن من تكون مع ناس ترجعك لورا حتي لو عايز ترفه عنفسك أو كده متمشيش أو تخرج مع ناس مش شبهك وترجعي لورا شوف حاجة تانية .. ولو عايز تنصحهم في الأخلاق وكده مأنصحكش لأنك هتكون لسه ضعيف فممكن هما الي يشدوك معاهم انت قوي نفسك الأول في الدين بعدين ابقا شدهم معاك ونصيحة بقا بجد احنا داخلين علي رمضان سيبك منها وتوب الي الله وقرب من ربنا في شهر ده لأن شهر ده الي بتوب وبيقرب من ربنا اثر ذنب ولو كان من الكبائر بيتشال عشان لو دخلت رمضان وانت عامل ذنوب هتضيع رمضان سيبك من مسلسلات وكلام ده وحاول فترة دي تصلي في المسجد ٥ فروض وفي نفس الوقت تدور علي ناس شبهك ناس صالحة هما الي هيشدوك في الدين هتلاقيها في بيئات الإيمان مسجد أو أكاديمية قرأن وكلام ده عايز صدق وعزيمة ربنا مش بيمنح نعمة الهداية الا الي عايزها وعايز يمشي علي صراط مستقيم ومش عايز يتبع الهوا ويعبد ربنا ،أسأل الله أن يهدينا جميعا لأننا في زمن صعب كلو فتن وناس نست الدين وصعب حد ايام دي يمسك بدينه ،الحمدلله علي كل حاجة، اللهم اهدنا وسددنا في رمضان
تم النشر الأربعاء، ٦ مارس ٢٠٢٤
بص يعني في موضوع صحاب وعلاقات حاول انك تتفاعل معاهم في الي هما بيكلموا فيه أو بيكلموا معاك لو حسيت انك مكسوف أو كده حاول تكسر الخوف. ده بأنك تقول تقول مثلا سلام عليكم وحاول تفتح معاهم كلام وانت اللهم بارك بتقول انك شاطر وكده فأكيد لو كلمت في موضوع في مذاكرة لو دراسة عامة هتكون واثق في نفسك وخلي شكلك كويس طبعا بالنسبة للبنت ده بيبقا إعجاب وانجذاب وده بسبب انك مش بتغض بصرك وسبب انك مش بتغض بصرك انك جاهل في الدين فغلط لازم تفقه نفسك في دين وتكون قريب من ربنا ... قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ ،البنت أو المرأة في نوعين مرآة أجنبية والمحارم ،الأجنبية مينفعش تبصلها نهائي في أي حتة لأنك لو بصيت ممكن تفتنك أو ممكن يعني شهوة عندك تتحرك عشان تفهم اكتر ممكن شهوة تتحرك لما تشوف حاجة معينة في جسمها وتشغل دماغك وكده وده طبعا حرام فأنت ملكش دعوة هي لابسة ازاي وكلام ده ملكش دعوة بيه ومتشغلش دماغك اصلا بيه يعني انت ليك النظرة الأولة والنظرية التانية عليك يعني النظرة الفجأة عادي مش حرام بس الغلط لو رجعت بصيت تاني وركزت في لبسها عامل ازاي وقعد تشغل دماغك بحاجات ملكش دعوة بيها ولو اضطريت تبص يعني هي أستاذة أو أي حاجة مضطر انك تبصلها يعني لو انت عارف فلانة مثلا وهي مش من محارم انت تبصلها عشان تعرف هي مين وبس ولما تكونوا في حوار تقدر تبصلها بس فين وفين وتبص في وجها فقط ولو انت عندك مشكلة في موضوع ده حاول وانت بتبصلها تكون بتزغلل عينيك كده بس مش تقعد باصص في الأرض مقصدش كده انا اقصد يعني اعمل نفسك مش مهتم يعني بص فين وفين كأنك مش مهتم وحتي يعني لو كان باين عليك بتغض البصر ايه الي فيها يعني غير أن هتقول عليك محترم المهم من ده كلو تكون أمن الفتنة يعني المرآة دي متفتنكش ،فده السبب الي خلا البنت دي تشغل دماغك وخلاك تعجب فيها انك مش بتغض بصرك وده اكيد جهل منك فحاول تقرب من ربنا وتفقه نفسك في دين وحاول ارجوك امانة في رقبتك تفقه نفسك في دين شوية يعني اسمع كلام ديني شوية اسمع قرآن شوية عشان قلبك يلين وتحب طريق الهداية والموضوع بتاع بنت لو لسه في أوله فغض بصرك وحاول تنساها وانت لسه صغير عكلام ده وكويس انها مش هتبقا موجودة عشان هتنساها مع الوقت بما انك مكلمتهاش اصلا ونصيحة اوعي ثم اوعي تكلمها انا بحذرك
تم النشر الثلاثاء، ٥ مارس ٢٠٢٤
الموضوع مش زي مانت مفكر. الموضوع ده حصاد لمعاناتك مع العزله والانطوائيه. بمجرد نشفت حد بشبهلك حبيت الموضوع مش اكتر. فنصيحتي ليك اخي. أن انت تحاول تندمج مع الناس يدقني ده هيديك خبرة فالتعامل وفهم نفسك وهيديك قفه بنفسك اكتر وهتتزرع فاي مكان تقعد فيه من دون معاناة أو تعلق غير صحيح
تم النشر الثلاثاء، ٥ مارس ٢٠٢٤
اخي. انت اللي بتحكيه ده نتيجه معاناتك شوف رسالتك وهتعرف انا اقصد ايه. بتقول فيها. انطوائ ومش لاقي حد من اخلاقك ومحبيتش الاختلاط بيهم مع انك حاولت أن انت تبق اجتماعي. ولاكن ادي بك الأمر عشان ظروف وتربيه المحيكين ليك فالدراسه أن انت تفضل الانعزال عنهم. فلما بقا بصيت ولقيت الفتاه الهادئه دي حسيت أن هي شبهك فتشديت لها والموضوع كبر من جواك لأنها كمان بعيدة ومش بتتكلم معاك وفحالها. حسبت أن انت وهي نفس الحال ده كبر فدماغك اكتر. فلما كنت بتشوفها. كنت بتحس بالترتياح أن هي جنبك ليه بقا لأن انت كنت عايز حد يدعمك ولو بحضور ويكون شبهك. ده فنظرك اكبر دعم أن في شخصيه شبهك فالمكان. وده كمان سبب أن لما مبتلقهاش بتحس نفسك وحيد ومتدايق. ةفهمت الموضوع
تم النشر الثلاثاء، ٥ مارس ٢٠٢٤
عزيزي انا سكتب لك نصيحه صغيره " لا احد ينظر الي الحب الذي تحبه الأ انت . لان قلبك متعلق بالفتاه ومعجب بها ولكن ليس كل حب في الطفوله صحيح الحب يا عزيزي شيء مشترك بين عقلك وقلبك ولكن يجب ان تتاكد ان عقلك اولا قد نضج ليحب انا اشبه الحب بالطفل الصغير الذي يعجبه شيء في محل الالعاب ولكن لا يملك ثمنها ليشتريها وكذلك حالتك تريد ان تدفع قلبك لشيء انت غير مستعد له فكر يا صديقي جيداا قبل ان تحب وكل انسان يحب .... ولكن الاعظم ان تتحكم في الحب .🌿❤️تحياتي د.هاني سليم
تم النشر الثلاثاء، ٥ مارس ٢٠٢٤
مش بتكلم مع زمايلي دول عشان دايما كلامهم عبارة عن سخرية على المدرسين وشتايم والفاظ او كلام على البنات اما عن البنت المشكلة فعلا اني ركزت ونظرت ليها وكنت فاكر ان طالما مافيش شهوة وطالما هي محجبة يبقا عادي وكنت اصغر من كدا وان شاء الله حتى لو شوفتها تاني اغض بصري عنها وانا فعلاً مش هكلمها انا كذا مرة ابقى محطوط في موقف ممكن اكلمها فيه او المفروض اكلمها فيه بأمر من مدرس واطلع برا الموضوع وانهيه عشان ولا يبان عليا ولا يبقى حرام اني كلمتها ولا اتعلق بيها وان شاء الله انساها مع الوقت ،،، شكراً لحضرتك
تم النشر الأربعاء، ٦ مارس ٢٠٢٤
لعرض السؤال في فدني اضغط هنا