يا جماعة بتعملو إيه لما تكون داخل تشتري حاجة انت وخطيبتك من محل وتلاقي البياع بيقولك مقاسك كام وعايزك تقيس الأول ومش راضي يقولك السعر و تقيس وتلاقي الحاجة مقاسك وتلاقيه بيحطهالك في الكيس على طول ويقولك مبروك تسأله على الحساب تلاقيه رقم اكتر من الفلوس اللي معاك وتبقى محرج والمحل مثلا زحمة وفيه ناس كتير ..
او موقف زي تدخل مطعم انت وزوجتك او خطيبتك وينزلك المنيو وتشوف الاسعار وتمام وبعد الأكل تلاقي الخدمة والضريبة رقم كبير بتتصرف ازاي ..
وساعات كتيرر يقابلني موقف التاكسي مع خطيبتي ببقى بركب لوحدي المشوار ده على طول بالكتير بدفع ٧٠ جنيه تلاقيه يقولك ١٠٠ مثلا عشان معاك بنت...الناس دي بتتعامله معاهم ازاي وهل تتدفع وتمشي عشان ماتحرجش قدامها ولا الأفضل أقف واتكلم معاه عشان هي ماتحسش إني مستهتر
ممكن تتكلم مع خطيبتك او زوجتك عن الموضوع و تشرحلها أن في ناس بيستغلو فرصة أن معاك بنت عشان يستغلوك و يحرجوك و انت لو عليك مبتسخسرش فنفسك أو فيها حاجة بس برضو متحبش أن حد يستغلك و هي اكيد هتوافقك الرأي و بعدها تقدر ترد عليهم و تكلمهم براحتك و هي هتبقى فاهماك
تم النشر السبت، ٢٢ يوليو ٢٠٢٣
افضل شىء تصر على انك تتفق الاول قبل اى حاجة...دى حاجة مش عيب. لما اللى قدامك يجاوبك على السؤال ابقي اتعامل ...غير كده لا. وعرف خطيبتك انك الاول هتسأل وتشوف المينيو ولو المكان مناسب هتقعدوا. الإحراج مش هيفيدك باى حاجة ....ده بيبقي كأنك سايب حد يمد ايده وياخد فلوس من جيبك بالعافية.
تم النشر السبت، ٢٢ يوليو ٢٠٢٣
انا شايفه الموضوع من زاويه تانيه خالص وبقولك باختصار خليك على طبيعتك واتعلموا من بعض يعني ايه انت لو مش معاك خطيبتك ولقيت حد بيستغلك بتتصرف ازاي نفس ال بتعمله وانت لوحدك اعمله وهي معاك لو انت مش بتسكت وبتناقش ال قدامك وتفاصل معاه يبقى اعمل كده وهي معاك .. لو انت بتتفق على السعر قبل اي معامله او اي موضوع وده الصح يبقى اعمل كده لو انت مش بتاخد اي رد فعل وانت لوحدك وبتدفع وخلاص وعملت كده وهي مثلا اعترضت وقالتلك ان مينفعش كده ولقيت كلامها صح يبقى ابدا طبقه في باقي تعاملاتك وقيس على كده كل مواقف حياتك اتصرف على طبيعتك ال بتتصرف بها وهي مش معاك مش تتصرف على اساس تتحرج قدامها او لا .هي لو في تصرف تلقائي منك ضايقها او لفتت نظرك لتصرف افضل منه اذن حاول تخلي التصرف الافضل هو طبيعتك الجديدة وتبدا تطبقه في باقي المواقف المشابهه وهكذا بس احب انصحك ان خطيبتك ما زالت اجنبيه عنك لا تحل لك فمش صح تخرجوا وحدكم ياريت تحاولوا تشوفوا محرم ليها يرافقكم في خروجاتكم ويكون على مسافه قريبه منكم مش لازم يقعد جنبكم تماما يعني
تم النشر الأحد، ٢٣ يوليو ٢٠٢٣
متتحرجش لان اللي معاك اساسا ايا كان هو مين، اكيد مش هيحب انه يشوف ان فيه حد عايز يعمل فيك كده وهيبقى مبسوط؟ بالعكس انت لو اتكلمت واصريت على حقك مع نفسك او مع اي حد، اللي معاك هيحس بالامان، وهيحس انك فعلا مش هتقبل بأن حد ممكن يعمل المواقف ديه معاك. ايه اللي هيحصل لو اتصرفت صح؟ فكر كده ايه اللي ممكن يحصل؟ اولا هتوقف كل واحد عنده حده .. ثانيا انت هتكون مبسوط لانك عملت كده، ثالثا اللي معاك كمان هيبقى حاسس بالامان معاك
تم النشر السبت، ٢٢ يوليو ٢٠٢٣
موقف المحل بأمكانك تحكي انو انا ما حكيت لك تضبو لي بركن انا في اشياء ما عجبتني قولها عادي موقف المطعم محرج بس لازم تكون زوجتك او خطيبتك متفهمه و تدفع معك بالنهاية انتو رح تصيرو شركاء الحياة و لازم تشاركها ازا كان ما معك كامل السعر الي طلع و هي اكيد رح تتفهم موقف التكسي لازم تحكي انو هو ب 70 ليش تزيد هاد نصب دافع عن نفسك
تم النشر السبت، ٢٢ يوليو ٢٠٢٣
اول حاجه طبعا مش هتحرج نفسك ثانيا خليك متفاهم لما تبقى فى مواقف زى دى يعنى بأختصار خلى ديما معاك فلوس زياده احتياطى لأى ظرف طارق حصل تمام . وانت اللى تقرر تشترى او لا متخليش حد يجبرك على حاجه انت مش عايزاها وخليك ديما بتاخد قراراتك بنفسك ومتبعترش فلوسك على حجات ملهاش اى لزما . يعنى اتصرف بطبيعتك وتبقى واثق من اختياراتك ووفير فى فلوسك اتمنى تكون فهمتنى
تم النشر السبت، ٢٢ يوليو ٢٠٢٣
لعرض السؤال في فدني اضغط هنا