السلام عليكم
اولا انا سؤال يتلخص في " انا لست كفوء او لست كافيا "
ما يحدث لي هو اني كنت متفوق جدا في يوم من الايام عندما عدت بشهادة تكريم من المدرسة لاهلي اعتقدت انهم سيفرحون ولكن كان كل كلماتهم ببساطة وضحكة صفراء "شاطر" ومن ثم اكملو حديثهم من هذا الوقت وانا في ذهني اسئلة كثيرة
• ماذا يريدون اكثر من هذا؟
• ماذا افعل لارضيهم؟
• انا دائما لست كافي!
• لماذا لم يعجبهم هذا هل لانه لا يكفي؟
• هل هناك اكثر؟
• لماذا علي ان ارضيهم اصلا؟
• حسنا حسنا اذا لما فشلي يفرق معهم وياخذون بالهم منه ونجاحي لم يأبهو له؟
•الخ...
بعد هذا الموقف في طفولتي وانا مستوايا الانتاجي منخفض جدا ولا استطيع العودة ماذا افعل؟
مش لازم يكونو ال قدامنا مقدرين نجاحنا عشان يبق احنا ناجحين بجد ممكن هما طريقتهم كدا او اتربو بأسلوب معين فطفولتهم حسسهم ان عادي اي نجاح او يقللو منه الاهم انت تبق مقتنع انك عملت حاجه كبيره و مميزه ليك و لحياتك مش لازم نشوف انبهار و تشجيع ادام مفيش الاهم منستسلمش لكدا و ننجح لنفسنا عارفه ان الانسان بيحب يتقدر و يشوف نظره فخر من اقرب الناس ليه فممكن تجرب تصاحب ناس حقيقيه ممكن يعوضو دا شويه او تكون لنفسك الشخصيه دي ال بتفرح و تفخر بنجاحها
تم النشر الأحد، ٢١ أبريل ٢٠٢٤
وعليكم السلام ورحمه الله وبركاته. اللي انت حاسس به هو شيء فطري وطبيعي واحتياج اساسي بيبدا من الطفوله بيكون للشخص مننا وهو طفل بيبقى منتظر الاحتياجات دي اللي يسدها هم اكتر ناس مهمين بالنسبه له هم الاب والام عاوز يشوف في عينيهم نظره الانبهار عادي يشوف في عينيهم نظره الفخر بالانجاز اللي هو عمله من اول اول حركه شقلبه بيعملها بيبقى عايز يشوفهم المنبهرين جدا لما بيفتقد الجزء ده بيحس انه الغلط عنده هو يبقى انا اللي بعمله مش مبهر يبقى انا كده اللي بعمله مش حاجه كويسه طالما ما اخدتش رد الفعل ده منهم بس بعد ما بنبقى مدركين لازم نبقى شايفين الموضوع انه مش معنى ان انا ما شفتش ده منهم اقوم لاغي المبدا من اساسه. في قياسات اخرى اقدر احدد عليها اللي انا بعمله ده فعلا حاجه كويسه ولا حاجه وحشه او احنا اطفال لا حول لنا ولا قوه ما فيش قدامنا مقياس غير اهلنا بس بعد ما نكبر. والادراك عندنا يبقى بشكل مختلف ونقدر نتعامل مع يعني مصادر اخرى في الحياه نقدر ناخد ده طبعا بتبقى حاجه صعبه والهام بيفضل متعلق بانه لا انا يعني بالنسبه لي هم اهم اللي كان نفسي هم اللي يدوا يرد الفعل ده ولكن لو فضلنا واقفين قدام باب واحد رغم في بيبان تانيه مفتوحه ونقدر ندخل وناخد منها اللي احنا محتاجينه حكمنا على نفسنا بزي ما انت قلت كده يفضل مستوانا منخفض ونفضل ضعف نفضل مش قادرين نكون مرتاحين وما فيش ده عيل ده. نحل بقى الموضوع ده بان احنا نبدا نفتح علينا على مثلا دكتور عندي في الجامعه انا بحب اتعامل معه وبيعرف يدعم فاخد منه الدعم ده ايه راي حضرتك شفت انا عملت ايه او مدرس ليا انا مش عارفه. ايه يعني ضربتك الدراسيه حاليا؟ شايف انا كده عملت كويس ولا لا وابدا اخد منه صحابي اللي انا واثق فيهم بصوا انا عملت كده انا عايزه احتفل باللي انا عملته واستقبل استقبل النظرات بتاعه الفرحه من الناس اللي بيحبوك التانيين نستقبل نظرات الفخر منهم وردود فعلهم انهم مبسوطين معك هرجع اقول لك تاني مش معنى ان اهلك ما بيدوش رد الفعل اللي انت منتظره انهم كده مش راضيين مش معنى كده خالص. ان شاء الله راضيين عنك ومبسوطين بيك ولكن بس مش عارفين يعبروا.
تم النشر الخميس، ١٨ أبريل ٢٠٢٤
بس احنا بنعمل أنفسنا مش لحد
تم النشر الأحد، ٢١ أبريل ٢٠٢٤
للأسف الاهل اوقات بتعدي منهم حاجات كدا في النص مع الابن اللي معاهم وبيفتكروا ان ابنهم عدي الموقف بس لا بس انت لازم تبقى واثق من نفسك وتبقى واثق ان اي نجاح انت بتحققه في حياتك لنفسك مش ليهم سامحهم لأنهم اهلك متزعلش منهم واحنا بني ادمين وممكن ترطتت
تم النشر السبت، ٢٠ أبريل ٢٠٢٤
انت لازم تكون عندك ثقة بنفسك متخليش كلمة من الناس تخليك تكمل وكلمة تانية توقعك ميهمكش رأي ولا كلام الناس فيك انت كل حاجة كويسة بتعملها فهي عشان ترضي نفسك..ومتحطش ف دماغك انك مش كفاية والكلام دا ..هما اكتر ناس هيفرحوا بيك ويحبوا نجاحك ويتمنولك الخير بس ممكن دي تكون طريقة تعبيرهم مش قصدهم حاجة يعني😊
تم النشر السبت، ٢٠ أبريل ٢٠٢٤
بص انا مقدره احساسك انك كنت مستني منهم رد فعلا معين منهم وملقتوش بس ذه مش معناه انك محتاج تثبت حاجه ليهم او لحد انت لو هتنجح هتنجح لنفسك عشان تبقي شخص احسن انت اول حد مستفيد من نجاحك متقيمش نفسك وتوقف حياتك كلها علي موقف حصل زعلك وممكن يكون مش مقصود ممكن كان فيه حاجه شغلاهم او مشاعرهم بارده ده مينفيش نجاحك وانك طلعت الاول 🩵
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا