السلام عليكم
انا عندي ١٧ سنه، كنت شخصيه اجتماعية جدا ومتفوقه في الدراسة ودايما من الأوائل ولكن بقالي سنتين نزل مستوايا ومعنديش ولا صديقه ولا حد وفي السنتين دول مطلعش من البيت كتير مخنوقه ولوحدي ومحدش بيسأل عليا
وانا في ثانوية عامه وفضل ثلاث شهر علي امتحاناتي ونفسيتي مدمرة وأهل حاطين امل كبير فيا بما اني البنت الكبيره ومش عاوزه اكسرهم ولا ازعلهم
تعبت اووي ضايعه مش عاوزه مستقبلي يضيع عندي طموحات واحلام عاوزه احققهم بس مش عارفه اخد الخطوه ممكن حد وكنت قريبه من ربنا وبعدت ودلوقتي بحاول أرجع تاني من صلاة وقيام وصوم ممكن حد يساعدني
السنتين دول حاسه انو هما راحو من عمري بدون ما استفاد منهم ممكن حد يساعدني بسرعه
السلام عليكم ورحمه الله وبركاته طيب اكيد اكيد ان احنا نقعد سنتين مستوانا نزل وفي حاجه هنا هي اللي اثرت علينا وبدات تخلينا يحصل تغيرات في طبيعتنا. نعمل ايه اول حاجه اولا عايزين نفتكر هو احنا قبل السنتين كنا عاملين ازاي طب ايه اكثر حاجه كانت مخليانا كده على طبيعتنا طيب واحنا ليه فقدنا طبيعتنا او قررنا نتخلى عن طبيعتنا هل في حاجه تستاهل ان انا اقرر ابقى على غير طبيعتي ابقى مش انا الحقيقه ان ما فيش حاجه تستاهل. محتاجه اشوف ايه اللي حصل قبل السنتين دول واعتبر ان هو مجرد موقف وخلص او ظروف خلصت وعدت السنتين اللي عدوا دول انا محتاجه اشوف انا عديتهم ازاي حصل فيهم ايه لو ما حصلش فيهم اي حاجه يبقى انا ضروري اقول لا خلاص بقى انا عايزه يبدا يحصل حاجه طب الحاجه اللي هتحصل تبقى ايه تبقى على مزاجي تبقى بطبيعتي طب بطبيعتي اتغيرت طب ايه المشكله طبيعتي اللي اتغيرت دلوقتي فانا اقدر اغيرها تاني طب اغيرها تاني ازاي هشتغل على نفسي اكثر واكثرانك تفتكري ان مشاركه المشاعر والافكار دي حاجه بتكون هموم بتزيد على اللي حواليك لا. دي حاجه كل محتاجها مهما نكون مهمومين بنحب نسمع بعض وبنحب نخرج مشاعرنا لبعض وافكارنا لبعض على فكره ممكن شخص مهموم قدامك لما انت تيجي وتشاركيه همك او تقولي له الحاجات اللي مضايقاكي ومزعلاكي او عامله لك نوع من انواع القلق هو بيشوف قد ايه انت كده حطاه في قيمه عاليه فدا بيفرق معايا جدا فانت ممكن تحسني نفسيتكم.
تم النشر الثلاثاء، ١٨ فبراير ٢٠٢٥
اهم حاجه قبل كل شئ الايمان بربنا ده امر مفروغ منه لكن تركيزك في المذاكره من عدمه لازم تصفيه الذهن من اي مشاكل عائليه او شخصيه علشان تركيزك ميروحش لحجات تلهي عن الاعمال التي امامك وفكره الرجوع لمستوي احسن ده تقدري عليه لانك متميزه في هذا الموضوع لا تخلقي طريق جديد مادمت تسيرين في الاتجاه الصحيح
تم النشر الثلاثاء، ١٨ فبراير ٢٠٢٥
السلام عليكم، ربنا يعينك ويقويكِ وإن شاء الله تقدري تتخطي الوضع اللي أنتِ فيه حاليًا. ممكن يكون السبب إحساسك بالضغط مع دخولك الثانوية العامة وقرب المرحلة المصيرية زي ما أنتِ متخيلة. الضغط والقلق والتوتر وإنك تبقي شايلة هم تطلعات أهلك وآمالهم فيكِ كل ده بيأثر نفسيًا وممكن يعمل نتيجة عكسية فإنك تميلي للاكتئاب والخمول وتوقفي كل نشاطاتك وعقلك يبدأ يتهرب من المسؤولية والشعور بالضغط المرهق عليه. سيبك من كل التوقعات والآمال وركزي في إنك تعملي اللي عليكِ ومتفكريش حتى في النتيجة والكلية المكتوبة لك... لسه فيه وقت تبدأي وتنجزي المهم تبدأي ومتفضليش تضيعي وقت. ** فيه احتمال تاني لحالتك، يكون فيه عين أو حسد أو غيره... فيه أشخاص كانوا متفوقين شبهك طول عمرهم وحصل لهم كده أول ما بدأوا الثانوية العامة أو بعد ما تفوقوا فيها ومشيوا على رقية شرعية وتعافوا الحمد لله وتحسنت أمورهم ورجعوا أفضل من الأول. فخلي برضه من ضمن الحلول اللي تلجأي لها الرقية الشرعية وقراءة سورة البقرة على 3 أيام وطبعا ده كله بعد الاستعانة بالله ويقينك إنه الشافي والمعين إذا كان فيه أي شيء من ده. ** ارجعي صلي ولو حاسة إنها تقيلة، اضغطي على نفسك... اعتبري ده نوع من الدواء المر والعلاج لازم تستمري عليه عشان يجيب نتيجة.. الصلاة واحدة واحدة بتبقى سهلة وادعي ربنا على طول يثبتك عليها ويجعلك من مقيمي الصلاة. احنا داخلين على رمضان وده شهر مبارك فخدي عهد على نفسك ترجعي أقرب لربنا فيه.. وادعي كل يوم عند الإفطار... الدعوة مستجابة بإذن الله. ** ممكن تشوفي الفيديو ده عشان يساعدك تخرجي من دائرة الإحباط والتخبط والاستسلام للظروف. https://www.youtube.com/watch?v=8xO-FS0IJKs&t=933s&ab_channel=dr_AsmaaElkady وتأكدي إن مفيش حاجة صعبة لما نستعين بربنا ونكون واثقين إننا قادرين نتغير للأفضل ونحقق الحياة اللي نستحقها. بالتوفيق إن شاء الله.
تم النشر الاثنين، ١٧ فبراير ٢٠٢٥
بصي أنا مررت بنفس التجربة لما كنت في تالتة ثانوي من تلات سنين، بصراحة أهم حاجة لازم تعمليها دلواتي انك تحددي هدفك بوضوح لأن كان هدفي من ساعة ما دخلت الثانوي طب، بس ساعتها انا كنت متصور الطب يعني قمة النجاح وكدا بس ادركت بعد كدا ان ممكن يتحقق النجاح بصور مختلفة بدليل ان معظم الناجحين حاليا مفيش حد فيهم في طب أصلا، فضلت طول تالتة ثانوي مشتت طيب ادخل ايه لحد والله قبل آخر امتحانين سمعت صديق ليا بيتكلم عن الطب البيطري مش عارف ساعتها فكرت ادرس الطب البيطري واسافر برا أشوف الدنيا وأعالج حيوانات واهي مغامرة وتشويق أكتر من الطب ، بصراحه لما قلت لأختي على الفكرة فضلت تعيب عليا بس مكنش فارق معايا أيوا ده مستقبلي أنا اللي اقرر ادخل ايه وما ادخل ايه فضلت أدعي ربنا يحقق لي حلمي لحد الحمد لله استجاب ودخلت بيطري خطوت أول خطوة بصراحه لما أهلي عرفوا ان كان نفسي ادخل بيطري كان ردة فعلهم تجهم وعبوس 😂 بس بعد كدا قالوا دي حياتك وبرده مسؤولية عليك وبدام بدأت خطوة في الطريق لازم تكمله ، وأنا وافقت وقلت ان شاءالله هكون قد المسؤولية دي . دلواتي لازم تقرري فعلاا انت عاوزا ايه وما تخافي من اهلك هيحزنوا او لا دي طريقك ودي حياتك عيشيها. في الوقت ده برده لازم تأخدي بالأولويات يعني الصلاة والعبادة الأول ثم المذاكرة ثم وقت فراغ محدد أثناء اليوم دي ترتيبات اساسيه الفترة دي بالذات وإن شاء الله خير والله ، ما تسمحي لحد يوترك كل حاجه سهلة والله وكل حاجه بسيطة بتوفيق ربنا . أعانك الله ووفقك إلى ما فيه خير 🤲💛
تم النشر الاثنين، ١٧ فبراير ٢٠٢٥
وعليكم السلام ورحمة الله وبركاته، أولاً، أشكرك على مشاركتك لمشاعرك وتجاربك، وأود أن أهنئك على رغبتك في العودة إلى نفسك وتحقيق طموحاتك. من الواضح أنك مرت بوقتٍ صعب، لكن لديك القوة الداخلية للتغلب على هذه التحديات. من الممكن أن تخططي لتحقيق أحلامك على الرغم من الضغوط التي تشعرين بها. إليك بعض النصائح التي قد تساعدك: تحديد الأهداف : حاولي كتابة أهدافك الرئيسية والمهمة التي ترغبين في تحقيقها، سواء كانت تتعلق بالدراسة أو طموحاتك الشخصية. كوني واقعية في تحديد هذه الأهداف وقسميها إلى أهداف قصيرة الأجل وأهداف طويلة الأجل. استعادة العلاقات الاجتماعية : حاولي إعادة التواصل مع أصدقائك القدامى أو تعرفي على أصدقاء جدد من خلال الأنشطة المدرسية أو الهوايات التي تفضلينها. وجود شبكة داعمة من الأصدقاء يمكن أن يساعدك بشكل كبير في تحسين مزاجك. التوازن بين الدراسة والراحة : حاولي وضع خطة دراسية موزونة تتيح لك الوقت للمذاكرة والراحة. لا تنسي أهمية الاعتناء بنفسك ووضع فترات زمنية للاسترخاء. طلب المساعدة : إذا شعرت بأنك بحاجة إلى دعم إضافي، فلا تترددي في التحدث مع معلمتك، مستشارة المدرسة، أو حتى أفراد عائلتك حول مشاعرك والتحديات التي تواجهينها. الدعم الخارجي يمكن أن يكون ذا قيمة كبيرة. تقوية علاقتك بالله : العودة إلى الصلاة والدعاء هو شيء إيجابي للغاية. الإسلام يعلمنا الاعتماد على الله والتوجه إليه في الأوقات الصعبة، لذا كوني صادقة في دعائك واحتسبي صبرك. تذكري أن الأمر يتطلب بعض الوقت، لكن كل خطوة صغيرة تقدمين عليها ستكون مهمة في مسيرتك نحو تحقيق أهدافك. لا تفقدي الأمل، وثقي بنفسك وقدرتك على التغلب على هذه الصعوبات. بارك الله فيك ووفقك لكل خير.
تم النشر الاثنين، ١٧ فبراير ٢٠٢٥
نسقط وننهض مجددا ثم نسقط ونتابع النهوض حتى أنها صارت أمامي كقاعدة ، وبعدين ما انت كل مرة هتسقط ما تحاولش مش مهم ولو سقطت مليون مرة بدام في كل مرة عندي احتمال ولو بخمسة بالمائة اني هقوم تاني فهقوم لأن دي سنة الحياة. انهض يا بطل🏆 انت قدها 🥇👊
تم النشر الاثنين، ١٧ فبراير ٢٠٢٥
بصي يابنتي الثانويه العامه دي مش مصير حياتك عادي خلي يكون عندك احلام تانيه عادي، متضغطيش على نفسك دي سنه زي اي سنه، اخرجي وروحي وتعالي، وصدقيني كل كليه ليها مستقبل عادي وان شاء الله حلمك هيتحقق بس متضغطيش على نفسك
تم النشر الاثنين، ١٧ فبراير ٢٠٢٥
استودع الفول مارك صابر محتسب محسبل وابشر بكل خير وسعاده وخد الكل في دعاك جدد الهمة النية وابشر
تم النشر الاثنين، ١٧ فبراير ٢٠٢٥
احنا بشر و لازم بيجي علينا فترات كتير مش بنبقي في أحسن حالاتنا او زي ما بيقولوا ال peak point فده شئ طبيعي بس لما تتخنقي حاولي تعرفي أو تفهمي نفسك شوية بتحبي ايه يخرجك من المود ده و يجدد طاقتك علشان نرجع تاني للي بدأناه و نستمر و بالنسبة لثانوية عامة اعملي اللي عليكي و متقلقيش و متفكريش في نتيجة ربنا هيحطك في الطريق الصح و مش عايز اصدمك يعني ان حالة التوهان و إحساس اني محققتش حاجة دي بيفضل مستمر حتى بعد ثانوي يعني عادي لان تفكيرنا بيتغير كل فتره و أهم حاجة طبعا ارجعي ظبطي علاقتك مع ربنا و ادعي كتير و ان شاء الله تحققي اللي نفسك فيه
تم النشر الاثنين، ١٧ فبراير ٢٠٢٥
لعرض السؤال في فدني اضغط هنا