انا ووالدتي عايشين لوحدنا ابويا اتوفي من 7 سنين ومليش اخوات ماما اوقات تفضفض معايا وتقولي انا هعمل ايه لما تتجوزي وتسبيني هبقي وحيده طبعا مفيش راجل يقبل اني اعيش معاكي وانا اقولها اكيد مش هسيبك لوحدك ولو عليا ممكن متجوزش خالص واقعد معاكي تقولي لا طبعا كل ام نفسها تشوف بنتها عروسه وانا مش هبقا انانيه اقولها يا ماما سبيها لوقتها انا لسه صغيره لسه قدامي الشهاده وبعدين الشغل واعمل كرير لنفسي وبعدين افكر ف الجواز انا مش عارفه اعمل ايه بجد كل ما بتفتح معايا الموضوع بزعل اوي وبتصعب عليا
السلام عليكم ورحمه الله اهلا بيكي الأمر دا ليه حلول كتيره و كل حل مختلف علي حسب سن الام و رغبتها. انتي لما تتجوزي طبيعي تنشغلي بزوجك و بعد كدا اولادك و حياتك الجديده. ✴️ اولا حطي نفسك مكانها بظروفها 🔹و خلينا متفقين أن الزواج شرع الله و يحل لها الزواج إذا كانت صغيره بالسن و تريد الزواج خليها تتجوز بعد اما تتجوزي و تعيش حياتها، و هنا الزواج للونس اكتر لان الوحده صعبه اوي. و اعرضي عليها ايه رأيك تتزوجي و دا حقك ربما تنكسف من اول مره و لكن كلميها بوضوح. 🔹إذا هي كبيره في السن ولا تريد الزواج يمكنك متابعتها و تعملي ايام تروحي ليها لان الوحده قاسيه.
تم النشر السبت، ٢٠ يوليو ٢٠٢٤
حبيبتي، أنا فاهمة الوضع اللي انتِ فيه ومشاعرك تجاه والدتك. الأم شيء غالي وسند كبير في حياتنا، وكلامها ده بيكون نابع من حبها الشديد ليكي وخوفها عليكِ وعلى نفسها. طيب خلينا نتكلم بصراحة، هي خايفة من المستقبل وده شيء طبيعي. مهم إنك تحاولي تطمنيها على قد ما تقدري، وتقولي لها إن الجواز مش معناه إنك هتسيبيها للأبد. فيه حلول كتير، ممكن مثلاً تعيشي قريب منها أو حتى تجيبيها تعيش معاكي لو قدرتي. الوقت اللي بتقضيه مع والدتك دلوقتي مهم عشان يطمنها ويخلق ذكريات حلوة. كمان، زي ما قلتي، عندك مستقبل لازم تفكري فيه: الشهادة، الشغل، والكرير. ركزي على خطواتك الجاية، ولما يجي وقت الجواز بقاء هتفكري في الأنسب لكما مع بعض. وأخيراً، كل ما فتحتم الموضوع ده، حاولي توصلي لها رسائل فيها طمأنينة وأمل للمستقبل، بإنك هتكوني دايما جنبها وبإنك بتقدر حبها واهتمامها. وإياك تنسي أنك أيضاً تحتاجي لحياة خاصة وتطوير مهاراتك وأهدافك، وده هينعكس بشكل إيجابي على علاقتك بوالدتك. ربنا يوفقك ويحفظكوا لي بعض.
تم النشر الجمعة، ١٩ يوليو ٢٠٢٤
مش فاهمه حضرتك تقصد ايه
تم النشر السبت، ٢٠ يوليو ٢٠٢٤
دوري علي ابن الحلال الي يحبك مش يستغلك الي لما انتي تقعي يسندك مش يقول ياعمي معندهاش اخوات ومش عارف اي اعمل الي. انا عاوزه لا انتي بٱيدك تدوري علي ابن الحلال الي يصونك ويخاف عليك وعلي امك ويكون متقبلك بجميع عيوبك قبل مميزاتك فهمتي الغلطه بفورع مفيش اعاده
تم النشر السبت، ٢٠ يوليو ٢٠٢٤
للاسف والدتك بدون قصد بتمارس عليكي الابتزاز العاطفي الحل اننا نعيش في اللحظة الحالية الله اعلم بالظروف بكرة .. و متحمليش نفسك حمل فوق طاقتك و مش لازم تحسي بالذنب خالص بس ده مش معناه انك متبريهاش و تراعيها
تم النشر السبت، ٢٠ يوليو ٢٠٢٤
مين اللي المفروض يسند مين الكبير يسند الصغير أنه يكمل حياته ولا العكس!!! ... حقيقي موقف يلخبط
تم النشر السبت، ٢٠ يوليو ٢٠٢٤
معلش حقك عليا في السؤال دا ولكن هل يمكن اعتبار الوالدة الفاضله في هذا الموقف انانيه؟
تم النشر السبت، ٢٠ يوليو ٢٠٢٤
لعرض السؤال في فدني اضغط هنا