هل طبيعي خطيبي لما نتكلم يقعد يحكي عن اللي حصل في يومه وأصحابه وبس مش مثلا بحاول يفتح مواضيع معايا ولا يفكر يسالني عني غير انت عامله ايه وعملتي ايه في يومك وخلاص علي كدا وكلامه قليل اوي وبيكون فاضي في شغله عادي ازاي اتعامل معاه ولا اسئله احسن
السلام عليكم، بقالكم قد إيه مخطوبين؟ وهل كنتم تعرفوا بعض قبل كده ولا خطوبة تقليدية وحصل قبول وكده؟ هو ممكن يكون مش بيعرف يفتح مواضيع فبيحكي على يومه وخلاص. حاولي انتِ تفتحي مواضيع مختلفة معه وشوفي الاهتمامات المشتركة ما بينكم إن شاء الله تلاقي حاجات بتتشابهوا فيها ممكن تكون بداية لحوار بينكم تتعرفوا على بعض أكتر. اسأليه بالأول انتِ وحاولي تشوفي كمان أنتِ عاوزة تتأكدي من إيه في شخصيته عشان تتعرفي عليه أكتر وتتأكدي إذا هو الشخص اللي ترضي يكون زوجك وتكملي معه حياتك. الخطوبة اتعملت عشان تعرفوا إذا فيه قبول وتوافق وهل حتى العيوب اللي بشخصية كل واحد منكم ممكن التعايش معها فيما بعد بالطبع إذا كانت المزايا غالبة والعيوب بسيطة وغير كارثية. فيه عيوب طبعا متحاوليش تتعايشي معها أو تفكري إنك ممكن تصلحيها أو تغيريها. محدش بيتغير إلا إذا كان فيه رغبة من جواه عشان يتغير. إذا فيه حاجة مضايقاكِ اتكلمي معه بصراحة لكن طبعا بهدوء وأسلوب لطيف عشان الأسلوب وطريقة الكلام بتفرق في إن الشخص يتقبل منك أو يحسن إنك بتنتقديه فيرفض النقد ويقلب الطاولة عليكِ. وطبعا حاولي تركني العاطفة على جنب شوية ومتغلبيهاش في علاقتك به عشان العاطفة لما بتدخل بتعمي العقل عن الحكم بصورة جيدة. ربنا يوفقك ويكتب لكم الخير إن شاء الله.
تم النشر الثلاثاء، ٢٨ يناير ٢٠٢٥
السلام عليكم طب خلينا نقول حاجه مهمه قوي قوي ان احنا مش بنتكلم عشان هو لازم نتكلم كل يوم احنا محتاجين نعرف احنا في فتره خطوبه يعني بنتكلم علشان نعرف بعض اكثر ونعرف اذا كنا فعلا اشخاص مناسبين لبعض نكمل لقدام ولا لا فما ينفعش يكون المكالمه المكالمه مفتوحه واحنا مش عارفين احنا هنتكلم في ايه يعني يبقى كل واحد اييي بيقول لك ثاني طيب المره الجايه خلينا ايه نشوف في مواضيع ثانيه مهمه عايزين نتكلم فيها وكل واحد يشوف ايه الحاجات اللي تهمه ايه الحاجات اللي تهمه في المستقبل وبيفكر فيها وعايز يحققها ويبدا يتكلم عنها وياخذ راي الطرف الثاني ويشوف هو وجهه نظره في نفس الحاجات دي ايه؟ الحاجات اللي بتحص كويس ولا هيكون في عقبات محتاجين نفكر اا نتعامل فيها ازاي؟ل في وسط اليوم لازم ابص عليها برده طيب هو بيحكي ايه عن صحابه بالظبط بيحكي بس ان هم بيقعدوا يلعبوا بس طيب هو وصحابه مشتركين مع بعض في انهي نوع من الافكار ااا طيب ااا هو اصلا بيفكر انه يكون ليه صحاب اكتر ولا هو مرتبط اوي بصحاب دول بيقضي معاهم وقت قد ايه طب انا هيفرق معايا الوقت اللي بيقضيه مع صحابه ولا لا وهكذا محتاجين جدا جدا ان احنا يعني نركز في كل النقط دي وبلاش مكالمات لمجرد ان احنا لازم نتكلم كل يوم لا طبعا هو مش لازم نتكلم كل يوم اا مكالماتنا ممكن. في الوقت اللي احنا عايزين نتكلم فيه عشان دلوقتي في حاجات عايزين نسمع راي بعض فيها ونفهم عن طريقها اذا كنا احنا متفاهمين وهنقدر نكون بيت.
تم النشر الثلاثاء، ٢٨ يناير ٢٠٢٥
حاولي تتكلمي معاه بصراحه وانك حابه تكوني جزء من يومه وكدا وتطرحي انتي بعض الأسئلة وتفتحي مواضيع اللي ممكن تساعده يتكلم اكتر ف الوقت المناسب طبعا وحاولي تشاركيه اهتماماته وتتكلمي معاه عنها وكدا وبرضوا كوني صبوره بعض الوقت وإن شاء الله الوضع هيتحسن عن كدا وخير بإذن الله
تم النشر الثلاثاء، ٢٨ يناير ٢٠٢٥
عزيزتي، من الواضح أنك تشعرين بالقلق تجاه تواصل خطيبك معك. التواصل الفعّال هو أحد الأسس التي تساعد على بناء علاقة قوية وصحية. إليك بعض النصائح للتعامل مع هذه المسألة: التحدث بصراحة : يمكنك التعبير له عن مشاعرك بهدوء. قولي له إنك تودين أن تكوني جزءًا من مواضيع حديثه وتشاركيه يومك وأفكارك. طرح الأسئلة : إذا كان حديثه يميل إلى الشأن الشخصي أو الحديث عن يومه، يمكنك طرح أسئلة يمكن أن تشجعه على الانفتاح أكثر. مثل: "ماذا كان أكثر شيء أعجبك في يومك؟" أو "هل كان هناك شيء محبط حدث لك اليوم؟" تحديد وقت لتبادل الحديث : اقترحي تخصيص وقت معين للتحدث كما لو كنتم في "جلسة دردشة" حيث يمكن لكل منكما مشاركة الأفكار والمشاعر. كني صبورة : قد يحتاج بعض الأشخاص إلى وقت للتفتح ومشاركة مشاعرهم، لذا امنحيه الفرصة ليعتاد على ذلك. البحث عنه : تذكري كم هو مهم أن تشجعيه أيضًا، فربما قد يكون ضغوطات العمل تؤثر على قدرته على التحدث بشكل عميق. مهما كانت الطريقة التي تختارينها، كوني حريصة على أن تكون المحادثة مليئة بالحب والاحترام. أدعو الله أن تقوي علاقتكما.
تم النشر الاثنين، ٢٧ يناير ٢٠٢٥
دي حاجة كويسة عموما ، و يمكن هو بيكون مستنيكي تحكي
تم النشر الثلاثاء، ٢٨ يناير ٢٠٢٥
دا كويس جدا ان بيقولك اللي حصل في يومه قليل جدا اللي بيعمل كده
تم النشر الثلاثاء، ٢٨ يناير ٢٠٢٥
على فكرة فى شباب كتير ليكونوا كويسين ومحترمين بس عنده صعوبة فى صناعة الحوار ، وانا انصحك أن تتقي الله دائما وبلاش كتير ايام الخطوبة وحاولوا تعجلوا فى الزواج
تم النشر الثلاثاء، ٢٨ يناير ٢٠٢٥
لعرض السؤال في فدني اضغط هنا