ازي اقدر اتخلص من دائره الماضي الي بتاثر عليا بالسلب لانها عملت عدم ثقه بالنفس وخوف شديد من الدخول في اي حاجه جديده واقدر اتخطي كل ده ازي وابدا حياه جديده وازي اتخلص من الاكتئاب لان كل ده عملي مشاكل صحيه ودمرلي القولون
الماضى بيظهر فى افكارك ازاى؟ الاحداث ولا النتائج ولا الاسباب ولا الكلام ولا الصور ؟
تم النشر الأحد، ١٢ مارس ٢٠٢٣
ببساطة تبدا تعمل اي حاجة جديدة ( عادة ، شغل ، تمرين ، صحاب جداد ، قرائة كتب )وتبعد عن اي حاجة بتفكرك بالماضي (صحاب سلبية ، موبايل ، جيران ، لو حد من اهلك حاول تقلل تعامل وتبقي علي قد صلة الرحم وخلاص)
تم النشر السبت، ١١ مارس ٢٠٢٣
كان عندي نفس المشكله دي اني بقع كتير وافضل افتكر فالماضي رغم كتبته 50 مره وتصالحت معاه وحياتي فعيون الناس ناجحه جدا وانا شايفه نفسي ناجحه بس برضو ليه بقع وارجع افكر مخلاص قفلتها وكتبتها ورضيت وخلصت .. مشكله ال overthinking >> 3 حلول نفعوا معايا *التسبيح كتييييير ورجعت احفظ قرآن وعادي شغلي وكورساتي واعمالي التطوعيه وسفر وحياتي عادي بس الاضافتين دول فرقوا اوي اوي و عمل meditation كتير .. تدبري حتي فالفاكهه والمايه وكل ذره وتمارين تنفس وده برضو نفس الحل ال عملته اتغلب بيه علي صدمه فراق امي بع 11 سنه ده الحل الوحيد ال نفع معايا اني صدمت مخي بالحقيقه فاهمه برضو لازم تعبري عن غضبك ويا تلعبي بوكسينج يا اي وسيله تفرغ غضب وأخيرا ا شكي وانتي ساجده اكلمي وعيطي وانتي ساجده ,, علفكره النسيان نعمه كبيره ادعي بيها ربنا ينسيكي ويشغلك بطاعته ويعوضك
تم النشر الجمعة، ١٠ مارس ٢٠٢٣
حاول تشوف الانشطه الي بتعمله خلال اليوم وحدد ان كانت انشطه تجنبيه ومبتعملهاش ولا سيطره بتعملها غصب عنك ولا انشطه سعاده بتغير مزاجك والغرض منها حاجتين انك تعمل الحجات الي بتتجنبها وانك تزود انشطه السعاده عشان تحسن من حالتك النفسيه والسعاده وتقلل من اعراض الاكتأب
تم النشر الجمعة، ١٠ مارس ٢٠٢٣
مشاعرك من حقك تعيشيها طبيعي مريتي بتجربه سيئه هتلاقي منها مشاعر وحشه جدا وهتعيطي وهتكتئبي وهتحسي انك تعبانه منها بس خليكي واثقه ان المشاعر دي موجه وهتعدي واجهيها متستهبيش منها وامشي معاها طلعت اطلعي معاها نزلت انزلي معاها بمعنى انزلي شغلك او دراستك او المهام المفروضه عليكي حتى لو انتي بتعيطي عشان متزودش معاكي الاكتأب وتبدا تاكل من جوهرك الجميل انتي حلوه جدا وفيكي مميزات كتير بصي عليها دوري جوه نفسك ع كل حاجه حلوه فيكي وابدأي كبريها وقدريها انتي تستخقي التقدير والماضي خليكي فاكره حاجه واحده هو درس انتي اخدتيه ي تستفيدي منه يتفضلي باصه ع صفحاته متتحركيش الماضي حصل خلاص الحاضر والمستقبل ف ايدك
تم النشر الجمعة، ١٠ مارس ٢٠٢٣
لعرض السؤال في فدني اضغط هنا