هل لو تركت فتاه كنت احببتها بشكل غير شرعى في الهواتف ووسائل التواصل الاجتماعي وتبت من هذا الذنب وندمت وعزمت الا اعود هل ينتهى الامر كثيرا ما يأتي لي الشيطان او نفسي الاماره بالسوء وتقولي انت كدا كدا هيحصل لك في بنتك او زوجتك او اي شخص من عيلتلك وانه دين عليك ولازم ينقضي مع العلم اني تبت بس خايف
فما راي الدين؟
انا هقول لك على حاجه تقولها انت للشيطان لما يجي يقول لك كلمتين زي دول علشان يخوفك او يقلقك من ان التوبه بتاعتك مش مقبوله. فانا مش الشيطان وقل له ربنا له اسم وهو اسمه العدل والعدل انه ما حدش يتاخد بحد صح عشان كده في قاعده اساسيه وهي لا تزر وازره وزيره اخرى ودي قاعده من قواعد عدل ربنا. لما اكون حضرتك بردت غلطه مش هيروح يحاسب اخواتك عليها او مش اخواتك اللي هيشيلوا الغلطه دي طيب اللي بيحصل بقى في الواقع اللي بيحصل في الواقع انه بارد ان تلاقي لا قدر الله يعني وان شاء الله ربنا يبعد ده عن بيتكم انه اختك تقع في الغلطه دي طيب ساعتها الشيطان هيلاقي ده مدخل يجي يقول لك فيه شفت اهو عشان تتاكد من اللي انا كنت بقوله لك لكن في الحقيقه الموضوع ما بيبقاش كده خالص ودي بتبقى منفصله عندي تماما دي ما لهاش علاقه بدي اللي ممكن اختك لا قدر الله تقع فيه لو مكتوب لها ولو كان حاجه ضعفتها برده زي ما انت ضعفت نفسك قول ممكن تقع فيه فهو ملهوش علاقه خالص. بان انت وقعت في الغلطه دي او انك ضعفت قصاد حاجه زي دي من الامرين منفصلين تماما وكلم الشيطان وقول له انت ما بتفهمش حاجه يا شيطان انت بتكلمني بمبدا البني ادمين لان هو ده مبدا البني ادمين ممكن يجي حد ويقول لك انا مش هتعامل معك عشان خاطر حد من اخواتك انا ما بحبهوش ده مبدا البشر لكن ده مش مبدا ربنا ربنا عدل وحق ما يظلمش حد ابدا بان هو يوقعه في حاجه بسبب اخ او اخت له.
تم النشر السبت، ١ يونيو ٢٠٢٤
التوبة تَجُب ما قبلها يعني كأن معملتش حاجه خالص وطلاما انت نويت وعقدت انك مش هترجع تعمل كده خالص سدقني كده كأنك معملتش حاجه خالص لان ربنا بيعملنا بطرقتو هو مش زينا احنا البشر فبيعملنا بطرقتنا و غير كده هوا ارحم و احن ادرا واحد بحلنا هوا ربنا واكيد لو ربنا شاف فيك خير اكيد هيسقط عنك كل ذنوبك بس انت تثبتلو مع الوقت انك نسخه احسن من ال كنت عليها وربنا غفور رحيم ان شاءالله ✨✨
تم النشر السبت، ١ يونيو ٢٠٢٤
أولاً، خطوة التوبة هي خطوة كبيرة ومهمة جداً. التوبة بتمثل العودة إلى الله وطلب المغفرة، والله بيقول في القرآن: "إِنَّ اللهَ يُحِبُّ التَّوَابِينَ ويحب المُتَطهِّرِينَ" (البقرة: 222). يعني ربنا بيحب اللي بيتوب ويرجع له. لو تركت الفتاة وتبت وندمت وعزمت ألا تعود لهذا الذنب، فهذا شيء عظيم. المشاعر اللي بتجيلك من الشيطان اللي بيحاول يخوفك ويبعدك عن طريق الحق. استمر في الصلاة والإستغفار وقراءة القرآن. واستعين بالله على ما يأتيك من وساوس، وربنا سبحانه وتعالى رحيم ويقبل التوبة. بالنسبة للي بتيجي في بالك إن ربنا حيبتليك في أهلك أو بنتك، ده مش كلام صحيح. النبي صلى الله عليه وسلم قال: "التَّائبُ من الذنبِ كمن لا ذنبَ له". إذا أنت تبت بصدق، ربنا هيغفر لك وأنت ما عندكش ذنب. ما تنساش تكون حريص في علاقاتك المستقبلية وتحافظ على نفسك وتقرب أكثر من ربنا. حتلاقي السكينة والراحة النفسية، وما تفكرش في وساوس الشيطان اللي بتحاول تخوفك. ابقى قوي واستمر في الطريق الصح، وربنا يغفر لنا ولك.
تم النشر السبت، ١ يونيو ٢٠٢٤
طالما انت تبت من الذنب ده ربنا هيغفر ليك الذنب لان وربنا غفور رحيم وبيحب الناس اللي بتوب
تم النشر الأحد، ٢ يونيو ٢٠٢٤
لعرض السؤال في فدني اضغط هنا