عندى 27 سنة ولسة مش عارفة ايه مهاراتى او هوايتى حاسة انى لسة تايهة ومش لاقية نفسى ومش عارفة ابتدى منين !!
مش متجوزة ومش مخطوبة وبشتغل بس مش فى مجالى لان مجال شغلى غير متاح ف محافظتى .. اعمل ايه ؟!
٢٧ او حتى ٦٧ مش مهم السن خالص ...فى ناسبدأت عندهم مواهب ومهارات وحياة مختلفة فى اعمار مختلفة المهم نبدأ من النهاردة ....اللى بتقوليه معناه انك محتاجة تكتشفى نفسك اكتر وتكتشفى المكان اللى انتى فيه اكتر واكتر الاكتشاف بيحتاج يا اما تجارب كتير يا اما متخصص يحدد معاكى مهاراتك وهواياتك وكمان فى اختبارات اون لاين تقدر تعمل ده من خلال بعض الاسئلة تجاوبى عليها فى كمان فيلم انيميشن انصحك تتفرجى عيه بيتكلم على موضوع البحث عن الذات بشكل جميل جدا الفيلم اسمه soul اتمنى تجربى اى طريقة او كل الطرق واحنا معاكى هنا
تم النشر الأربعاء، ١٦ نوفمبر ٢٠٢٢
لا ده أنتي تجيلي بقي ، بالك أهو أنا داخله علي كام وستين ولسه مكتشفه نفسي من كام سنه 😃 اسمعي ياحلوة لو فهمتي نفسك هتعرفيها ولا عرفتيها مش هتبطلي تكلميها ، اقعدي مع نفسك حبه حلوين كده وهاني ورقه وقلم وشوفي ايه بتحبيه وكنتي بتعمليه وانتي صغيره او مشهورة بايه ومعروفه بيه وابدئي ابحثي عنه وخدي كورسات واتعلمي وكونك بتشتغلي المهم مكفيه نفسك ومعتمدة عليها وعقبال ما يجيلك تخصصك كوري ونمي نفسك في المجال الي شغاله فيه
تم النشر الجمعة، ١٨ نوفمبر ٢٠٢٢
ازيك يارب تكوني بخير. عندي 27 سنة ولسه مش عارفه ايه مهاراتي؟ احساسي بالجملة ديه كانك شايفة نفسك كبرتي على أنك تعرفي الحاجات ديه دلوقتي ليه؟ العمر مجرد رقم .. متخليش ديما العمر عائق قدامك ف تحقيق كل اللي انتي عايزاه. مش عارفه ايه مهاراتك، جربي .. جربي تعملي حاجات مختلفة، ربما كانت خبرتك في حاجات مثلا قليلة .. علشان كدا ممكن معندكيش خلفية كبيرة عن نفسك، لكن لسه قدامك كل الوقت. انتي ممكن تجربي تشتغلي في عمل تطوعي مثلا .. وتدخلي مجالات مختلفة فيه، وتحاولي تكتشفي نفسك. ممكن تجربي تقرأي عن مجالات معينة والمجالس اللي يشدك تاخدي فيه كورس. بمناسبة الشغل، أنا معاكي أكيد أن بعض المحافظات بتبقى مفتقدة لعدة مجالات، ولكن حاليا وفي العصر اللي احنا عايشين فيه .. الاونلاين بالنسبة لينا بقى حاجه كويسة جدا أننا نشتغل حاجات كتير من البيت. وأكبر دليل على كده وجودنا أنا وانتي هنا في فدني. في اختبار تحليل شخصية كويس جدا هحط الرابط بتاعه، هو بيحلل شخصيتك من كذا جانب. باستخدام ٣٦ سؤال بتواجبي عنهم، لكن حاولي تقولي الحقيقه في الاسئلة علشان النتيجة تكون صحيحة. https://jass.im/test أتمنى ليك كل التوفيق
تم النشر الخميس، ١٧ نوفمبر ٢٠٢٢
ولو خصصتي كل يوم ساعه تكلمي نفسك كان حد بيكلمك وبيرد عليكي هتقدري تقربي من نفسك واحده واحده
تم النشر الجمعة، ٢٥ نوفمبر ٢٠٢٢
شكرًا لحضرتك ♥
تم النشر الخميس، ١٧ نوفمبر ٢٠٢٢
رأيي تجربي على قد ما تقدري لغاية ما تلاقي شغفك
تم النشر الاثنين، ٢٨ نوفمبر ٢٠٢٢
لعرض السؤال في فدني اضغط هنا