مرحبًا، شكرًا لمشاركتكِ مشكلتكِ مع فدني ويا رب تلاقي الإجابات الشافية اللي تساعدك تخرجي منها. فكرة النفور من الدين اللي تسبب فيها ضغطك على نفسك في ظل الظروف اللي بتمري بها، قفلتِ كل المنافذ على نفسكِ ومفكرتيش تتدرجي معها. فيه عاملين مساعدين لازم تعمليهم في نفس الوقت عشان تتجنبي شعوركِ بالضغط والنفور واحد: تقربي أكثر من ربنا وتلتزمي بالصلاة بخشوع قدر الإمكان وتستحضري وقوفكِ بين يدي الله وإنه وحده قادر يساعدكِ وهو أكبر من كل مشاكلكِ وهمومكِ وتجعلي لكِ ورد قرآن بتدبر مش مجرد قراءة... كل ما علاقتكِ بالله تزيد قوة كل ما هتلاقي التزامكِ بالأوامر وبعدكِ عن الحاجات اللي الدين بيقول عليها حرام هيكون أسهل بكتير ومش هتحسي بمشكلة معها ولا نفور ولا تساؤل ليه حرام. ثاني عامل: التدرج... متمنعيش كل حاجة مرة واحدة ومتحاوليش تزودي في الفروض عليكِ مرة واحدة. بالنسبة للأغاني فأنا مش هقدر أغامر وأقولك افضلي اسمعيها لأن حتى لو فيه آراء مختلفة بالنسبة لموضوع السماع فالأغاني الموجودة حاليًا أصلا لا تقع في دائرة الخلاف... هي بكلماتها بتصويرها بالأفكار اللي بتدعو لها حرام فالأفضل امتنعي عنها ومتفكريش تتدرجي في تركها. الرسم: بما إني بحب الرسم وفكرة إنه حرام كانت لفترة تعباني فأنا بحثت في الموضوع ولقيت إن فيه خلاف بعكس النحت مثلا... لكن لو هتحسي إن فيه شبهة بالنسبة لك وضميركِ هيفضل يتعبكِ فالرسم مش مقتصر على رسم ذوات الأرواح (بشر وحيوانات وطيور) ... ممكن ترسمي حاجات كتير من الطبيعة والجمادات فبالنسبة لك باب الرسم مش مقفول خالص أهو. الأنمي فيه كلام كتير عليه (وأنا نفسي بحبه الصراحة😅) بس تجنبًا برضه للشبهات والكلام الكتير عليه فانتي مؤقتًا ممكن تشوفي الأنواع اللي مش داخل فيها حرمانية وأفكار إلحادية وسحر وشياطين وهكذا... فيه أنواع تانية كويسة. ممكن تتدرجي مع نفسكِ وتحددي وقت قليل جدًا في اليوم بحيث متسمحيش لنفسك تقعي في إدمان وتفضلي تتابعي الحلقات بكل المواسم طول اليوم. حاولي تضيفي نشاطات جديدة ومهارات تانية في حياتكِ زي القراءة وتعلم لغة جديدة وفيه مهارات تانية كتير... هتحسي وقتكِ بيتملي ومش هتلاقي مكان للأفكار السلبية والانتحارية ولا المشاكل الباقية في حياتكِ. بالنسبة لموضوع الثانوية العامة ودخولكِ كلية غير ما كنتي عاوزة، فلازم تفهمي إن الثانوية مش هي اللي هتحدد مصيركِ أو نجاحكِ من عدمه والكلية كمان مش هتحدد... مهما كان المكان اللي انتي فيه اعرفي إنك انتي اللي بإيدكِ تنجحي وحتى لو مشتغلتيش في مجال كليتكِ دلوقتي فيه مجالات كتير تتعلميها وتشتغلي أون لاين. متخليش ده يوقفكِ. مامتكِ أعتقد بسبب سفر والدكِ وضغط المسؤولية عليها انعكس ده على تصرفاتها معكم فحاولي تلتمسي لها العذر وتتكلمي معها في وقت تكون رايقة فيه تصارحيها بالحاجات اللي بتتعبك وتزعلكِ. ربنا يا رب يهدي بالكِ وقلبكِ ويصلح حالكِ.
تم النشر الخميس، ١١ يوليو ٢٠٢٤
تعصبك للدين مش سيء على فكره كنت زيك وما زلت لاني ما اعتبر نفسي تخلصت 100 % بس اكيد بقيت احسن قبل ما تعرف الحلال والحرام شوفي كويس الاسباب اللي ربنا عشانها خلها حرام لو شوفت العالم حواليك اكتر اماكن فيها الحرام هي اكتر اماكن بتخرب حتى لو بتشوفيها من بعيد كويس لكن لو قربت للستار وكشفتي ما وراءه هتعرف مدى الغموم والهموم طيب انتي بيحصل معاك ايه؟ الشيطان محور الشر بيشتغل بوسائل كتير وهو عارف كويس هو بيعمل اي اي شيء ولو بسيط هيحاول يوقعك بفكرته مهوا دا شغله اصل نسيت اقولك احنا بني ادم اعداءه وهو بيكرهنا قد ما بنكره طيب تواجهي ازاي؟ ببساطة انك تزداد علما هيزود ربنا بصيرتك وتبقى عندك ايمان الاغاني والمسلسلات دي اصل مين بيعملها مش هما هما نفس الناس الخاينه اللي عملت اعلان دعم لبيبسي مش هما هما الناس اللي تقبل وجود زنا ولو سمعي او بصري في الافلام لو ركزت في رسايل الافلام انها بتبرمج العقل لي؟ اصل دلوقتي الناس بتهتم بمحتوى الصور المتحركه يعني محتوى فيه مشاهد اي التلفزيون من الاخر اكتر من الكتب والقراءه اولا بتقتل الابداع في انك لو قريت كتاب روايه مش هتأخد متعه زي الافلام والمسلسلات هتكون مايل للمحتوى المصور المسلسلات بترسم البطل هو اللي كان حياته ضايع بترسم المسلم على انه سيء وارهابي ودا في الغالب يعني ممكن يكون معتدل في اول الفيلم بعد كدا في الاخر يقبل حاجات غلط.... كمان بتزرع جوا الشباب فكره الاختلاط وانه طببعي لو المسلسلات والافلام فيها هدف وبتوصل رساله فأكيد مش حرام طالما خاليه من مشاهد مش مباحه وستات قيمتهم قليله يظهروا يفتنوا الناس وباذات المتجوزين الزوج والزوجه او الشباب وطبعا انت لما تدعم ناس زي دي معناها انك مشارك في نجاحهم وافساد قيم المجتمع واطفال جديده بسبب دعمك انت واسباب كتيره اوى دا طبعا غير الاغاني الموسيقيه اللي انت بتخلي القلب يدمر ويعوز يسمع انواع اكتر واكتر واكبر دليل على كلامي انك لو سمعت اغاني مستحيل تتقبل قراءه القرآن بعديها على طول هتساوي اي بايه بس حتى لو شفت مقطع قرآن تبقى نفسك يخلص ما سألت نفسك لي؟ غير بقى الالفاظ الفظيعه واغاني الحب اللي تودي الشباب الصحوبيه والعيش على وضع ان مهوا عادي والمحتمع كدا وفي الاخر ده كله بسبب نسيان الدين فمن الاخر كل ما انزل ربنا هو حمايه لينا وكل ما ابعد عنا هو اعفاء لينا وانت حره في اختيارك يا تعيشي بتعب طول عمري وتصبري نفسك "مؤقتا" وبعد كدا يرجع التعب يا تعيشي برضا ربنا وفرحتك بنفسك
تم النشر الخميس، ١١ يوليو ٢٠٢٤
وعليكم السلام، يا حبيبتي. بدايةً، انا متفهمة تمامًا إنك مريتِ بظروف صعبة ومرهقة جدًا، والحمل اللي بتحمليه كبير، لكن حلو إنك بتحاولي تتخطى كل ده وتلاقي طريقك وتبحثي عن الحلول. خليني أبدأ بموضوع الأفكار الانتحارية والاكتئاب. الاكتئاب مش حاجة بسيطة، وضروري تحاولي تطلبي المساعدة من متخصص نفسي. العلاج النفسي ممكن يكون فرق كبير في حياتك، والعلاج الدوائي أحيانًا بيكون ضروري. ادامكِ جامعة، فلازم تستعدي بأفضل حالة نفسية ممكنة. وفيما يخص الديانات والأفعال الحرام، لازم نكون واضحين: الإسلام دين الوسيطة والرحمة. ربنا عارف ظروفنا وقادر على تفهم ما نمر بيه. مش لازم تكوني مثالية، والأهم إنك تحسي بالسعادة والسلام الداخلي. أحياناً، الاستمرار في الأمور اللي تحبيها، لو إنهم بيخففوا من اكتئابك، ممكن يكونوا جزء من علاجك. بعد كده، ممكن بشكل تدريجي تبدأي تفكري في بدائل ممكن تساعدك بدون ما تحس بيها حرام. وبالنسبة للوالدين والمشاكل الأسرية، فهمتِ إن الأمور مع مامتك صعبة. حاولي تفكري في طرق تخفف التوتر داخل البيت. ممكن تقعدي تتكلمي معاها بهدوء وتعبري لها عن مشاعرك، أو تلاقي وسيلة تستفيدي بيها من وقتك خارج البيت. وأخيرا، التوجيه المثالي مش دايما بيكون سهل التطبيق. فبالتالي، واجبنا نكون مرنين مع نفسنا وما نحملهاش أكتر من طاقتها. مهم جدًا تبني أهداف صغيرة وتقدمي خطوات بطيئة نحو التحسن. ما تتردديش تطلبي المساعدة من مختص، وحاولي تحافظي على علاقتك بربنا بشكل اللي يناسبك ويخليكي تحسي برضا وسلام داخلي. مش لازم تضغطي على نفسك وتكوني مثالية، مع الوقت الأمور هتتحسن. دايما في أمل وغدًا أفضل، ويا رب تكوني بخير دايمًا يا جميلة.💖🌸
تم النشر الخميس، ١١ يوليو ٢٠٢٤
لعرض السؤال في فدني اضغط هنا