السلام عليكم
انا ف تالته ثانوى وندمت انى دخلت ثانوى وندمت انى دخلت علمى علوم اهدافى اختلفت في الكليات واختلفت في كل حاجه فأنا دلوقت لو مجبتش مجموع عادى اقدم ع معهد تمريض الى بيدخلوه بعد تالته اعدادى ده؟
يعنى كأن مدخلتش ثانوى اصلا وأقدم بمجموع تالته اعدادى انا مجموعى كنت ناقصه ١٦ درجه ف تالته اعدادى اتمنى حد يكون متأكد ويرد عليا
وعليكم السلام ورحمة الله وبركاته، أفهم مشاعرك وما تمرين به من تردد وندم حيال اختيارك للدراسة في المرحلة الثانوية. من الطبيعي أن تتغير الأهداف والطموحات مع مرور الوقت. بالنسبة لسؤالك عن إمكانية التقديم لمعهد التمريض، يجب أن تعلمي أن المعاهد الصحية في الغالب تتطلب إتمام الدراسة الثانوية، سواء كانت من علمي أو أدبي. لذلك، لا يمكنك التقديم مباشرةً باستخدام مجموعك من المرحلة الإعدادية. إذا كنتِ غير راضية عن تخصصك في الثانوية، يمكنك التفكير في التوجه إلى مجال آخر مثل المعاهد الفنية أو الجامعات الخاصة، أو حتى إعادة السنة للحصول على فرصة أفضل في الكلية التي ترغبين بها. أنصحك أن تتحدثي مع مرشد أكاديمي أو أحد الأخصائيين في مجال التعليم لمساعدتك في اتخاذ القرار الصحيح. تذكري أن الأهم هو العمل بجد وتحقيق ما تطمحين إليه في المستقبل. وفقك الله لما فيه الخير.
تم النشر الأحد، ٢٣ فبراير ٢٠٢٥
المعهد الوحيد الخاص المعتمد من وزارة التعليم هو معهد رجاك للتمريض ف المنيا بعد اعدادي خاص بس تابع لوزارة التعليم لسه فاتح من سنتين ومعتمد خمس سنين بس غالي بحوالي 25 ف السنة بس معرفش هل نفس شروط الحكومي ف حوار انك تكون لسه مخلص اعدادي ولا لا
تم النشر الأحد، ٢٣ فبراير ٢٠٢٥
والله دى حقيقه اخرتها متر ف متر اصلا وأهم حاجه الاخره 😂
تم النشر الأحد، ٢٣ فبراير ٢٠٢٥
عندى اهداف كتير عايزه اعملها وحاجات عايزه اتعلمها بس بحكم انة بنت وف ارياف ده مش مدينى فرصه اعمل كدا فا بكتفى انى اتخيل انى عملت الحاجات دى قبل مانام
تم النشر الأحد، ٢٣ فبراير ٢٠٢٥
عليا النعمه محدش ع هواه التعليم بس بنتعلم عشان نعرف نعافر شوية ف الدنيا لغاية ما ربنا يكرمنا ونموت ويجعلنا من اهل الجنة ان شاء الله 🤲🏻
تم النشر الأحد، ٢٣ فبراير ٢٠٢٥
والله انا من ع هواى التعليم ده اصلا ولو يرجع بيا الزمن كنت دخلت تمريض من الاول بدل هم ثانوى او حتى كنت دخلت ادبى بس يعنى الحمد لله نصيب مكنتش اعرف انو احلامى هتتغير وطموحاتى تقل كدا وخصوصا انى عايشه ف ارياف
تم النشر الأحد، ٢٣ فبراير ٢٠٢٥
وللاسف مفيش فرصة انك تدخلي تمريض حكومي بعد اعدادي وزي مقولتلك لو حد قالك ان قدامك فرصه وان في معهد اسمه كذا وبياخد خمس تلاف بس ف السنه ف قوليلو انت حرامي وكلها دايرة سبوبة
تم النشر الأحد، ٢٣ فبراير ٢٠٢٥
وليه بس مش هتجيبي مجموع طب منتي كده اساسا بهدلتي العامل النفسي عندك..بدل ما تفكري فيها من الجانب ده ، فكري ان كل الشباب والبنات متبهدلين دلوقتي وان المفروض يكون ده دافع ليكي عشان ترتاحي فيما بعد في حياتك
تم النشر الأحد، ٢٣ فبراير ٢٠٢٥
هو انا اصلا مش حابه تمريض عامة بس انا بشوف كذا حل لو مجبتش مجموع عشان اعرف هعمل اى بعد كدا
تم النشر الأحد، ٢٣ فبراير ٢٠٢٥
يعنى كدا مفيش اى امل انى ادخل تمريض الى بعد اعدادى؟؟
تم النشر الأحد، ٢٣ فبراير ٢٠٢٥
انا حالياً خريج تمريض خمس سنين بعد اعدادي،اولا تمريض بعد اعدادي المعتمد بتقبل حديث التخرج من اعدادي يعني تكون لسه مخلص اعدادي ، يعني كده ملكش تمريض حكومي خالص ،حوار معهد تمريض سنتين ده ف انت كده بتدخل.حاجة اسمها اكاديميه مش معهد ولا حاجة ونصب ولم فلوس بس وسبوبة ، واخر حاجة اوعي ثم اوعي تغلطي ومتكمليش ثانوي عشان وقتها ولا هيكون معاكي شهادة ولا حاجة غير الاعدادية، نتي ممكن تجيبي مجموع متوسط ف ثانوي وتدخلي معهد تمريض حكومي تبع الجامعه وبيكون مجموعها اقل من الكلية لو لا قدر الله متوفقتيش وبالتوفيق ان شاء الله
تم النشر الأحد، ٢٣ فبراير ٢٠٢٥
بس انا الى اعرفه انو ممكن حد يكون مخلص ثانوى من كذا سنه عادى وبعدين يقدم ع كليه وكمان بياخدوا بتنسيق مجموعه ف السنه بتاعته
تم النشر الأحد، ٢٣ فبراير ٢٠٢٥
مش عارفه بقا هعمل اى
تم النشر الأحد، ٢٣ فبراير ٢٠٢٥
الطلب على ثانوى تمريض عالى والتنسيق والمجموع بيختلف من سنه للتانيه فلااظن ان ياخدوا حد خلص اعدادى من ٣ سنين ويشوفوا التتنسيق ساعتها من كام (معنديش معلومه مجرد بفكر معاكى بكل بساطع عدى على اى مدرسه تمريض قريبه منك واسالى ممكن يفيدوكى او التعليم الثانوى فى الاداره التعليميه) بس عموما فى كليه تمريض ومعاهد تمريض بعد الثانوى شدى حيلك وابذلى اللى تقدرى عليه وربنا الموفق /سمعت عن معاهد تمريض خاصه كمان
تم النشر الأحد، ٢٣ فبراير ٢٠٢٥
وكنت داخله علمى علوم ع اساس انى واحده عندى أهداف كبيره ومش بحب كليات ادبى لكن دلوقت انا عايزه ادخل اى كليه من ادبى عادى
تم النشر الأحد، ٢٣ فبراير ٢٠٢٥
انا ضايعه ف كل المواد
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا